العصر كاعدين وندكت الباب راحت زهراء بت عمو فتحته
اجت كالت عمو هاي نسوان ثنين يسئلن عليك انت و شهد
طفرت مياسه منو هاي الي تسئل عن كاظم بله شو دوخري
راحت للباب وجان نسمع لغوه صارت شويه ودخلت
اطك بعلجها والكعب العالي باوعتلها وبتسمت اشكد مشتاقتلها وصاحت
.. وينه كاظم وينه من يمته بابك ينسد بوجهي
ابويه شافها وكام يضحك
.. ما عاش الي يسد بابه بوجه ثريا اتقرب يسلم عليها وهيه بوسته
.. لا عيني عايش عايش وكفت اتعاتبه
شويه ودخلت بعدها الي ما اتوقعت يجي يوم اشوفها
سرى صديقة عمري الي انحرمت منها بسبب ابويه و ابوها
دخلت خجلانه وتلتفت يمني يسرى
عدلت كعدتي و صحت عليها
.. سرى
هيه التفتت بس شافتني اجت تركض
حضنتني تبجي واني ابجي
.. لج شصاير بيج شهد
اباوع ثريا واكفه اتباوع عليه وجان تلطم على صدرها عززه هاي شهد
واجت تركض بس شنو ما سكتت نزلت فد نزله على بيت جدو كلهم ما حسبت احساب احد كاعد الله لينطيكم الله يعابيك يا كاظم بنيه مثل الورد ولكم هاي منو دفعت سرى
شو دولي كعدت بمكانها وحضنتني ومستمره تدعي وتسب عليهم
خطيه بجت واني هم زدت ابجي
حيل مشتاقتلها
عدلت كعدتها وهيه تمسح وجها
.. هاي شنو ليش هيج صايره جلد وعظم شوصلج هيج
عمه سلمت عليها وكعدت اتسولفلها كلشي ، شنو اشوف وشلون ما انام والشغلات الي صارت وياي عمه من ظلت تحجي اني سديت اذاناتي اخاف اسمع و اتذكر المواقف لاحضتني ثريا اشلون خايفه
ماتت قهر التفتت على ابويه ليش كاظم ليش ساكتين متشوفونها دتموت كدامكم
.. اي شبيدي اسوي يا ثريا وين اوديها
هسه بسرعه نطلع البغداد اني اعرف هناك ناس تشتغل
بالروحانيات
عمه فرحت كالت اي كاظم اصلا صار فتره ادور و اسئل احد يعرف بهاي الامور بس لازم انكول الفهد
.. باعتلي كالت منو فهد
.. حجت عمه ابن عمها وزوجها
.. عزه بعينج خذيتي الثاني ولج
صدك ضحكتني ضحكت و درت وجهي اباوع السرى شفتها بعدها عيونها تدمع وتمسح بيهن لزمت ايدها
ثريا تحجي ويا عمه ديلا يمعوده لازم ناخذها ونطلع هسه مابيها مجال
قاطعها بدخلته وحجه وين تردين تاخذينها ثريا ومنو سمحلج تدخلين هنا
أنت تقرأ
صرخات مكتومه
General Fiction.. والله مدري يعمه شوفها صافنه متحجي خوفتني وقلقتني ولج عمه شهد .. شهد دحجيلج حرف خاطر عمتي شوفي وجها اصفر اسمعهم كلشي يحجون بس مصدومه احس الساني مشلول اسمع عمه تحجي وخايفه وعمار يريد يعرف شبيه اتقربت مني عمتي وحضنتني وتبجي .. ع...
