صرخات مكتومه

بارت 36.

سمعي هاي كدام الكل من اتصير لمه عائله و الكل موجود ما اشوفج كدامي وطلعه من هالبيت على كبرج وبس

.. باوعتله بدون اي ردت فعل

عاط مفهووم
هزيت راسي و صعدت

دخلتني عمه الغرفتها جابتلي ملابس وللحمام گبل

طلعت لكيتها مسويتلي اكل جبرتني على مود الدوه اكلت وشربت دوه ونمت

بقيت بغرفة عمه ثلاث ايام عازله نفسي عن الكل حتى عمه من تحجي وياي ما ارد عليها

فقدت احساسي بالحياة موت على قيد الحياة

كارها كلشي حتى وجودي صافنه و افكر والتالي شهد شنو اسوي هسه ، الي استفاديته من كعدتي وعزلتي هايه هو اني شويه طبت وجهي جسمي

صار يوم الجمعه وعمه كالت نزلي اتغدي
رفضت لان هو نبه عليه ما انزل
عمه اصرت عليه وجدج كال وبيبيتج اتريد اتشوفج
بدلت و نزلت جوه سلمت الي يضحك بالموضوع يتباركولي على شنو يحضي

دخل الاعصار سلم وكعد شويه و انتبه عليه خزرني

ظليت اتلفت يسرى يمنه شكو شبي هذا
كل ما اباوعله خازرني
يربي شنو يريد

اشرلي براسه صعدي طفرت اركاض صعدت
بعدني على راس الدرج و ملخني
اجيت اصرخ خله ايده على حلكي ودفعني الغرفة عمه

كتله وربي ممسويه شي

كال لج بربـ........ شنو منبه اني عليج ولا نازله مصلخه

عزه وين مصلخه
عاط حجابج وين

باوعت بوجها برطمت
.. معندي حجاب والله

.. معرفتي اتطلبين من احد

.. مدري نسيت معرف

.. شدتخرطين انتي ليش ما طلبتي احجي عدل

خليت ايدي ع وجهي وظليت ابجي وربي نسيت مدري اتريدني البس حجاب حتى بالبيت
دفعني على الجربايه كال اياج اشوف طولج جوه

.. تمام وربي ما انزل اصلا عمتي كالت نزلي

عافني وطلع اويلي جريت نفس

شويه ودخلت عمتي اتباوع بوجهي شبيج عمه

.. مبيه شي باعي مو كتلج ميقبل انزل

.. اويلي عليك فهد كله يمشي بالعناد ،، يله عمه هسه ام غايب اتجيبلج اكل هنا وها صدك عهد كم مره اجت اتريد اتشوفج وانا ما اخليها

.. احسن زين سويتي جايه تشمت اتولي

.. لا عمه صدكي ميته قهر عليج وكله تسئلني شلون صارت

.. اي حنونه مثل امها عمه فدوه سدي بابهن وربي لعبانه روحي

نزلت عمه ورجعت اتمددت

لحد ما دخلت ام غايب
ومشه اليوم عادي

يوم ثاني الصبح صعدت عمه صفيه كالت نزلي عيني شهد مو خدم الج مو حضرتج صرتي جنه هنا يله نزلي ايدج وياي

رديت عمه وفهد

.. دنزلي وعود اذا ميقبل خلي يجبلج خدامه تخدمج ما يقبل والله خوش انوب

غسلت وجهي ونزلت شفت ام الحنيه كاعده بصدر الصاله كعدت يمها شويه سولفت وياها شلون صرتي

صاحت عمه صفيه تعالي هنا بالمطبخ
بيبي راحت الغرفتها واني لحكت عمه صفيه
.. يله ايدج ويا ام غايب

رحت اشوف شسوي اكو اماعين طايحه بالحوض بديت اغسلهن اللگط خضره اخر شي داثرم زلاطه وكالت عمه يله راح يجون

شويه وسمعنه صوت سياره
التفتت عمه كالت هاي سيارت فهد

.. ولج شهد حجابج وين يالمصخمه

اويلي عززه وين حجابي ظليت ادور كل عقلي هو اصلا اني ملابسه
احتاريت وين اروح سمعت صوته ديحجي ويا عمو علي وجلن اطكها ركضه وكفت محتاره بين اصعد الدرج لا يشوفني لان مقابيل باب الصاله رحت الغرفة بيبي بسرعه طياره

كالت شبيج بيبي خيرج خطيه خوفتها

كلتلها بيبي اجه فهد واني نسيت البس حجاب كامت طلعت شيله وهيه تضحك اي يشهيده الخوف رحمه

كمت اخذته منها وداحجي وياها اصلا ما اخاف بس جسمي ياذيني كلت يطيب وشوفي منو اتخاف

رايحه بواهسي احجي بزوج و الف الشيله متنلف منين ما اجيبها متصير

وجان يصيح متاكده متخافين
اتصنمت بمكاني عزه منين طلع

صدك متحركت
سلم على بيبي وباس راسها وسئلها اشلون ضغطج شتحسين لان هيه باليل جان ضغطها مرتفع وضربها ابره

كام اتقرب مني كال يمته اتجرين عدل

يربي قربه يذبحني ارجف منه
كتله والله داجر عدل شوف دالبسه للحجاب

احجي و الحجاب بيدي و اشر اله شوف

.. متصيرلج جاره وربي حجاها والتفت على بيبي مبتسم وطلع

من يطلع الا احس اكو هوى وجوده يختفي الهوى معرف شيسوي بي وين يودي مدري
وجان اطلع وره اصيح على عمه عمه وينج تعالي لفي اليه معرف وشفت بوجهي .......