صرخات مكتومه

بارت 15

   نزلت للصاله    وشفت كاعدين و  عهد  ذابحه روحها  تبجي
وكاعده يم كاظم  اتكله شفت اشلون اتريد اتخرب فرحتي   ميته قهر مني شفت بتك هاي الي اتكلي اختج  
وهو يطبطب على ظهرها يكللها حسبيها عليه يابه   اسف و يبوس راسها
   اتجمعت بكلبي كمية حقد  وقهرر ليش عمري ما شفت هالشي من كاظم يمته شافها وحبها  ويدلع بيها  لعد ووو اني ؟
   المهم حجه باسم كبل
اكلج ما تستحين تتعاركين ويا بت عمج مو عيب عليج نسوان غرب ترس البيت
كتله  لا تاكلني بكلامك  متعار كت هيه اجت  مخلاني  اكمل
شو هذا كام يريد يضربني  و يصيح احترمي شويه  العب وياج اني
     منا كاظم وبته مفورين دمي   بمنظرهم  اغار انا هذا ابويه الي شفت منه المر وتالي يجي يدلع هايه لعد   واني هالكلمه كل شويه تتردد بكلبي لعد   و اني 
     ادخلت عمتي    مخلته يمد ايده عليه
فاطمه :
يا خويه  شجاك انا جبتك اتحلها ويريت ما صحتك    

باسم/  وخري عني فاطمه خلي اربيها هاي ما متربيه  شوفي السانها شطوله عليه عبالك ابنها لو اخوها الصغير
 
   شهد / مو قصدي   اقلل احترام وياك بس انت  عطت بيه متعرف شكو  هاي اتجاوزت عليه اتكلي دايحه ام الزلم وانا ابد مو يمها رحت اجيب مي للنسوان
 
حوراء /
  يما عزه وتلطم  
والله جذابه عمو    سمعت نسوان حجن على بدلتها عود لان  قصيره  ورحت كلتلها  لبسي شي طويل الناس اكلت وجهج    
  شهد /   صفنت على كمية  الكذب و النفاق والتاليف     وشلون تمثل وتحجي وتبجي     كلتلها والله  عفيه عليج      شلون هيج تعرفين  تألفين   وتسطرين كل هذا   
اتقرب عمي مني وضربني   بناتنه مو مثلج   و حوراء متحجي حجي شوارع متكول دايحه وام الزلم 
هاي انتي الما متربيه تحجين هيج
    دفعت ايده كتله الي اتكول عليها ما متربيه متكذب علي الاقل  حجيت الصدك خلي تربيتها هسه اتخليهاتحجي صدك يله  بس انتو كلكم  لابسين الف وجه
اتقرب  جرني من شعري وعمتي  وكفت اتريد ادفعه       ماكو
شويه ودخل جدي وفهد  وعمي حسن
     صاح بي جدي
باااسم شنو صاير هنا
كعد  عمي باسم يحجي  الصار الي عود حوراء نصحتني وانا متقبلت نصيحتها والله يا الله 
ابتسم و اهز براسي 
  اجت عمتي من وراي شمرت عليه بشت  وحجت ويا باسم كالت   مهما كان  ما تستوجب ضرب   وبهالطريقه
التفتت عليها كلتلها ليش اتحاسبي مو انتي صحتي
صفنت بوحهي مقهوره  عمه انا ردت   .. قاطعتها  كلتلها  انتي صحتي لان خفتي على بنت اخوج   رجعت اشرت  على حوراء   وحجيت  بكل حررگة كلب
هاي المسمومه اجت وراي بالمطبخ اتكلي شايفه روحج  علينه انتي خلك وحده دايحه و ام زلم  .. صدكتو ما صدكتو طبكم مرررض   وشمرت البشت على عمه فاطمه كلتلها  ممحتاجه ستر من احد و اجيت اصعد  فوك

وجان انجريت من شعري وسحل الغرفة كاظم لانها قريبه على الدرج    وما اشوف بس الدفر والضرب  ممفتهمه شي او منو هذا  اريد ارفع راسي  ماكو
     اسمعه ظل يناهد   اتقرب مني 
  كحبـ.....ه والله انتي گحبـ.....ه   وصلفه اشلون تنزعين  العبايه واحنه كلنه واكفين وتعلين صوتج و جدج و عمامج موجودين   شفتي منظرج شفتي لبسج سمعتي صوتج 
وهالحجي ويا كل كلمة راشدي
ما رديت ب ولا حرف  لحد ما    رادو يكسرون باب الغرفه 
فتح الباب  وصاح على عمه فاطمه جيبي الجفن الجان عليها
دخلت هيه وصفيه  وصفيه تدعي هلكتي ابني الله يهلكج  وعمه فاطمه شسالفه صفيه  متشوفيها    دخل هو اتقرب عمتي رادت اتدفعه كاللها بس لحظه شويه ما اسويلها شي
  اتقرب مني انا خليت ايديه على وجهي اسمعه يكول اتخاف البربـ .....          اتقرب شگ  البدله من الطول للطول وكال لبس   ثريا الگو.......  ممنوع هنا  فاهمه 
طرش اذني    واجت عمتي تركض لفتني  بالبشت وطلعوا    وطلعت وراهم صعدت فوك 
    كعدت على الجربايه      ظليت اندب حضي و ابجي يعني هاي هيه   انا طلعت الي مسمعت نصيحه من حوراء وانا الي سويت مشكله حتى اخرب فرحة اختي لاني غيرانه منها  صافنه بعمري وجان
  اندك الباب ....
.