صرخات مكتومه

بارت 9

حجت عمتي اهواي وليش و ليش  وبين الحجي فهمت همه ما حبو وجودي   بين بناتهم  
كلتلها عمه تره   جيتي الكم  صدفه معتقد تتكرر   لو ما كاظم مريض ما اجي وسديته حته مهتميت
    فهمت الي فهمته وهذا يكفيني
  حقهم  حسب الي شفته همه محافظين  بناتهم ححابات وملابس طويله   وعايشات تحت ظل ام اب اخوان   انا عشت تحت  ليالي السهر والسمر مالت كاظم 
   كمت غسلت وبديت اشتغل
   اتعدت الايام  والوضع مثل ما هو ميخله من مشاكل   ام علي و جناينها
من جنت اروحلهم ادرس ويا سرى جانت مشاكلهم للستار وهسه صارن گلب على گلب  اي مو كالوها انا و ابن عمي علي الغريب واني الغريب اكيد
  ام علي   وحده ابد متخاف الله  زرعت  بعقلهن انا اغري  رجولتهن  الي اعرفه ميصير وما احللهم   معرف بالدين ولا شنو حرام و حلال بس اعرف زوجة الاب  ما اتحل لولاد زوجها
  من نكاستها ظلت تجبرني   ما اكعد يمهم علي الاكل  ظليت منعزله
انظف  واخذ اكلي  و اروح للغرفه
وهم  بصراحه حبيت الوضع
  ...
كاعدين ذاك اليوم ودخلت بت خالتهم بنيه حلوه      و وياها امها و اخوها
جايين من البصره شكلهم مرتب    دخلو  اشوف خالتهم  اتباوع صفح ومعاجبها
   راحن  لغرفة  ام علي وسدن الباب
   شويه وطلعت سرى و لاول مره تجي وتحجي وياي  من خمس اشهر
شفت بعينها قهره  اجت يمي بالمطبخ جنت اسوي فطائر للعشه  كالت  ،
سرى :   شهد باعي انا  ما احجي وياج لان احسج غدرتيني  دخلتج بيتنه وتالي اخذتي ابوي و سويتي مشاكل بين امي و ابوي    كرهتج و حقدت عليج   
قاطعتها كلتلها باعي سرى  ثقي بالله  محد غيري انغدرت  انا الي انباعت بيع  اسئلج سؤال    شنو من مغريات بي ابوج  و اخذه و اخرب بيته  
سرى : مو هاي القاهرني  ابوي مو غني لدرجه اتحطمين مستقبلج و تتركين دراستج   وتاخذينه ولا شفته عاملج عدل و اكول اتعوض  حنان ابوها   شو بس ضرب و اهانه 
   كلتلها  كلكم اتشوفون  الامور من منظوركم انتي امج محد كال  ليش بنت بهذا العمر و ما احمد بروحي  ولا غرور انما   شكلي  جميل ليش اشمر روحي   ضربت على الميز كلتلها جاوبيني سرى ردددي عليه  ليش احطم روحي      باوعتلي سرى بنظرات انا انقهرت علي روحي شهالشفقه ليش هيج  صرت انا بهذا الموقف    درت وجهي منها
    كلتلها اكيد انتي ما اجيتي الهنا  حتى تحجين هالكلمتين    كولي طلباتج  و اتوكلي      واعتبريها اتنفذت  ،
  مستمره انا  الف الفطائر   وناطيتها ظهري  كالت كلمتين كزبرة روحي منهن   اتقربت يم اذني و همست 
شهد ديري بالج تره راح  يوكعنج بمصيبه
وكفت عن الشغل  اتجمدت كل حواسي  التفتت ما شفتها طلعت  وراها لكيتها دخلت الغرفة امها و سدت الباب وما طلعو للعشه 
  اتعشو و انا كل عاده  رحت بغرفتي اتعشيت نظفتها
وطلعت كملت شغلي البيت المطبخ وسبحت ورحت انام ميته تعب 
روحي تعبانه ظليت حتى اتجاهل مشاكلهم
الليله فؤاد يمي  عود  دخل   ونفس الشي من خمس اشهر ما مل يجي يحاول يقترب وما يكدر    و يكوم يضربني لحد ما يتعب و يروح ينام   كعدت  بزاويه الغرفه كلت الي متي ربي لو تاخذه لو تاخذني
تالي  صفنت كلت اذا الله اخذه وين اروح
كاظم اهله ممتقبليني واصلا انا من رجعت مرتين اتصلت بي وهو مره يمكن  وحتى عمه فاطمه ظلت تتصل ما ارد ملت و كطعت اتصالاتها 
    الحل يا ربي  و التالي   اظل مكفخه الفؤاد وبناته ومرته     لو اكتل روحي  لو شنو    اخذني النعاس  وكمت على الجربايه نمت    و للصبح
كعدت  يضحكن  و  يبسبسن علي الضرب الصار باليل خالتهم اتكللهم عرس شنو وهاي اترد لا   نغمة النوم  صرنه منام اذا ما نسمعها
اتجاهلت و تعديت و بديت الروتين   .....
.
.
   فاطمه ..
.   كاظم   شفناله متبرع للكليه   ونجحت عمليته واجت بنته
محد رضا عليها و على لبسها   ونسوان اخواني اعترضن وجودها بين بناتهن    على اساس اتخربهن وبناتنه احنه ما شايفات الشارع وما مختلطات و و و 
  كلهم يشوفون شهد بنظره البنت الما متربيه وما محترمه  انا اشوفها بنت مكسوره فاقده اهل   فتحت عينها علي ابوها رجال سكران  و ثريا بنت ليل  صح ما اعرف شي عنها وشلون حياتها بس الانسان ينعرف  
  وكاعدين وكل واحد يحجي شي  و ينتقدونها  حجت زوجة  حسن
كالت  الله يعلم ابوها ليش شمرها عند رجال بهذا العمر 
كلمتها مثل السم    ردت حوراء بنتها كالت يمه هيه حتى كلامها نستحي احنه انسمعه بنت ابد ممضبوطه  وبصراحه خلوها بعيده عنه احسن    خواتي صغار انا  وما اريد عينهن تتفتح 
      حجه فهد كال   حلو الانسان يراجع نفسه قبل لا ينتقد   وبحجايته كام وكف كال تصبحون علي خير بس  يباوع علي حوراء و يبتسم مستهزء   ما فهمت
عكس عمار الي اشوفه يباوعلها بنظرت رضا    و كانه فرحان   بيها
فهمت عمار منعجب بحوراء عكس فهد القرفان  من كلامها هيه و امها
      فهد مينحزر بشنو يفكر    ما يحجي    هو كبل ينفذ و يشتغل
عمار لا ماخذها بالضحك   والشقى   ومحد سالم من السانه
اجه كاظم  و سدينه الموضوع 
كعد وكال   
احم فاطمه هم حجيتي ويا شهد  
كتله لا والله اتصل ما ترد
  زوجة حسن:  اي البنت كلش ممخليه اعتبار الاحد كاظم هاي ليش هيج بنتك ما تحترم صغير جبير
اتجاهل كلامها كاظم   و كمل هيه عرفت اختها شافتها 
كتله لا و شلحكنه   اجت كظتها يمك و راحت هيه و زوجها واصلا اخوانك من سمعو بزوجها وهاي ثريا هنا مخلو عوائلهم تجي لحد ما راحو و عهد جانت ببيت حسن   وما اجت
كال   صار يومين ممخابرتني وانا هم ما خابرتها و محتار اشلون افتح وياها الموضوع  وبصراحه فاطمه انا اريد ارجع ام عهد
     صدك فرحت   عسا يستقر   بيت و عائله
كتله شهد اتزوجت  واصلا شتريد منك  دنك راسه كال فاطمه شهد بعمرها مشافت مني شي حلو 
كتله انت هسه اتعالجت  و راح تتغير و عوضها شوف رغم كلشي اشوفها ما شايل گلبها
      ظل الوضع مثل ما هو وكاظم رجع ام عهد عهد مخطوبه لابن خالتها   و زواجها قريب  وابويا كال اريد اصلح امور كاظم و ابديها منا بنته تطلع من بيته   بزفه  وهم حتى اتصيرلها قيمه
  انقهرت على شهد و يوم زواجها اشلون اخذها زوجها    يعت بيها  وشنو صار  بيومها لان جنت حاضره  وشفت 
   ومشت الايام ..

،،
وجود خالتهم ما مرتاحتله  ولا بتها    احسهن مو راحه  و احساسي بيهن ما كذب    فد ليله  خلصو عشا
اجت بت خالتهم كالت اذا خلصتي  فدوه انريد جاي  و اخويه راح يجيب حبشكلات   و نسهر
استغربت كلت شنو هالاخلاق فجائه صارلها هنا اسبوع كله تشمر  تحجي  
كلتلها ادللي
وصدك كملت و سويت جاي  الساعه 12    كلت شعليه طبهم طوب اخذته ورحت بره للاستقبال  فتحت الباب  ظلمه   خليت الصينيه  بالارض  ودرت حتى اطلع وما اشوف الا انجريت .........