صرخات مكتومه

بارت 7

شنو عمار  عود دمك خفيف انت وين غرفة كاظم
   رد لج  لتنثولين  هيه نفسها  ابوج هنا
مشه كدامي  وفتح الباب   اباوع كال دخلي  هاي جدي وبيبي وعمامج  باوعت بس  فاطمه عر فتها  اجتلي تركض  حضنتني هلا عمري شهوده تعالي شوفي ابوج  وطبت وياي ثريا   التفتت شفت كاظم    .
ابد متمنيت اشوفه بهذا المنظر   متعوده علي كاظم القوي  مو طايح و صوندات  من صدك دمعت عيوني  وخنكتني العبره    مسحتهن وصحت ها كظوومي  مو الك هاي النومه هو يباوعلي و يضحك ويكلي شنو ولج مدعيه عليه اتقربت و بسته براسه كتله حمدلله على سلامتك
اتقربت ثريا ياا عزه  كظامي لا لا ابد مو مكانك هذا كوم يالاسد   وتدك على صدره وهو طار بيها  ونسه روحه ويكللها افه عليج  تر ه بعدنه بحيلنه وهيه  اطك بالعلج وذيج الضحكه الرنانه
   لحد ما كح  رجال كاله سالمين  كاظم التفتت  مره جبيره بالعمر كاعده ورجال شعره ابيض و زلم ثنين
اجت عمه فاطمه كالت يمه هاي جدج بيبيتج وهذا عمج حسن و عمج باسم
رحت اتقربت حضني جدي مخنوك بعبرته و بيبي هم ظلت تبجي  ،
احساس غريب  محاسته  كبل عايشه عمري كله معرفت غير كاظم و ثريا  وكاظم عمري مشفته منه حنيه اب لو حرص لو خوف  مثل شي بداخلي فرح   بس اكو انكسار لان بعد فوات الاوان
   قربت علي عمي حسن سلمت من بعيد وبس مبتسم  مبين فقير حيل مو مثل العكره باسم   الي ما رد السلام
حكيت اذني وكتله اعتذر  غلقت  الموبايل بوجهك وهو يباوعلي و يباوع الثريا كال لا يابه معليج عتب و يهز راسه باسف و طلع 
صحت وره اصلا زايده مني اعتذر   جرتني عمه فاطمه
ولج عزززه شهد عمه شبيج عيب
كلتلها مشفتي انتي    داحجي وهيه عيب وما عيب 
دخل عمار كال  ابو علي يريد يدخل  يسلم  كالوله خل يتفظل راحت عمتي علي صفحه وكفت  و دخل هو  سلم  وتحمد السلامه  وكال يله نستاذن
ابوي ما قبل كاله مشفت منها شي وانا باجر احتمال اطلع خليها هاليومين 
ما قبل ورفض ومنا ومنا   طفرت ثريا كالت تعال ابو علي عندي كلمتين وياك وغمزت الابويه وراحت
  التفتت شفت عمي وجدي واكفين عينهم وره فؤاد  وشكلهم مقهور  جدي باوعلي كال شلونه وياج
كتله ماشي الحال    مثل الي راد يحجي وسكت  وتالي كعد شويه  وبعدين طلعو اطمنو على ابويه وراحو كالو باليل انمر  
دخل عمي باسم   متخوصر   كال  شنو وضع هاي الحرمه الي وياج 
كتله شبيها  كال سلامتج و يهز بيده  اهووو هذا شبي
طلعت اخابر على ثريا   شفت عمار بالممرات امشي متجاهلته  و اخابر يرن ومترد
  اجالي كال شكو جاي تستعرضين والعالم اتباوع عليج
كتله ولي مني  شعليه بيهم طبهم مرض     ظل  يحجي يابه دمشي طبي    بهذا لبسج    يريد يدخلني وانا متجاهله كلامه اجه جرني من ايدي حيل يدخلي جوه   كمت دفعته وصحت بوجها دمشي لك  اكسر ايدك تره   لوه ايدي ويدفعني  كوه وانا ادفع مريد ادخل اعناد بي
وجان اسمع صوت  صاح عمار  شكو هاي شصاير 
باوعت  وشفت واحد شارد من اعلانات الجمال دخيل الخلقه يمه فديت لحكيني ثريا   لابس قاط رسمي اسود باسود     يمشي باتجاهنا وهو   ينزع بالنظارات الي نزعت روحي  وياها  
نسيت عمار و اهل عمار وبقيت مفهيه وكف يمنه قريب  وانا مثل الثوله  صفنت بي  كال شكو  منو هاي
كاله  بت عمي كاظم داريد ادخلها متقبل واكفه تستعرض
  انتبهت كتله عمار  عوفني بحالي مالي خلكك انا داتصل على زوجي وميدر     ظل يحجي امشي جوه  و يعلي صوته وانا هم   صوتي عله  طلعت عمتي كالت شكو
رد هذا الولد عمه دخليها مو صرنه فرجه  
هذا عود شنو متجاهلني حضرته 
حجت عمتي كالت تعالي يمه  دخلي
كلتلها داتصل على ثريا ماكو  نزلت وما ردتلي خبر
اشوف هذا راسن  التفت عليه عاكد حواجبه  باوع العمه وصاحلها تعالي  شويه راحو بعيد اشوفه يحجي ومتعصب  وتبعهم عمار  و يضرب بايده علي الحايط
اباوع عمه متبلعمه    وهذا صاير نار من الاعصاب
اجت عمه يمي وجها اصفر  تعالي يمه خلي نتكفه الشر ونطب كلتلها شكو شبي  كالت مو يمج دخلي دخلي
دخلت وصدك بالي يمه شنو الشي الي خلا هيج يعصب
   شويه  ودخل الممرض وغير  المحلول  وضرب ابويه ابره ونام
انا اتمدد علي التخم وهم  غفيت
كعدت  للمغرب  فؤاد يمي   يصيح كومي يله  نطلع
شفت ابوي بعده نايم وعمار و ثريا
كتله شنو نطلع البغداد
كال لا للفندق بعد يطلع ابوج و نروح لبغداد
  عمار حجه   ليش فندق تجي البيت جدها مقبل فؤاد وجان نطلع  للفندق  بالطريق كتله معندي ملابس    عاد نزلنه محلات اخذتلي جاكيت جينز  مبطنه فروه  لان برد  و دشداشه قصيره انام بيها    و ثريا هم اخذتلها شغلات و طلعنه
رحت للفندق شفت غساله  خليت الملابس بيها وحته ملابس فؤاد   وسبحت   وطلعتهن شريت ورحت نمت  عادي اتعودت انام يم فؤاد
كل عاده حاول يتقربلي ماكو   ومن ميكدرت يضربني  صار روتين اصلا اليوم الي ميضربني بي فؤاد احس اكو نقص
  بكل بردو كتله  خلصت ضرب لان نعسانه
كام دفرني ويسب ويغلط وطلع
راسلت ثريا كلتلها مدري وين وله  شويه وردت هياته يمي  اجه  ما رديت وشمرت الفون علي الشحن و نمت
   يمكن تتعجبون  اشلون وحده تتقبل زوجها نايم يم  غيرها ولا وحده مثل ثريا  بس انا عادي لان ما احبه اكرها وما هامني وين ينام و ويا منو اصلا متعشين هو وياها بمطعم وحاجزين الفندق وانا بالجذب ما سئلني تعشيتي لولا   نمت جوعانه من الساعه عشره الصبح لسه مماكله شي
غفيت  و اليوم ثاني كعدتني ثريا  الساعه 12 الظهر  كلتلها بربج ميته جوع تره من البارحه  اتريكنه بالمطعم
لطمت ع صدرها ولج صدك عود  كلتلها وربي
كالت كومي غسلي و ننزل جوه
كمت غسلت بدلت   نزلنه وصدك طلبت ذاك الغده
  نزل فؤاد كعد  اتغدينه سوه خابرت عمه فاطمه
كالت الدكتور لسه ما اجه يجي  ويشوف وضعه ويكتبله خروج
فؤاد كال لعد انا نازل  اشتري البنات وصني كتله وديني للمستشفي  مقبل كال تنكبرين هنا  بالفندق  لحد ميطلع ابوج اتولين تشوفي و نرجع بغداد
راح ورراحت ثريا ويا
  كمت بدلت  ورجعت   شمرت روحي علي الجربايه
رجعت بذاكرتي،،
دخول ثريا بحياتي  غير اهواي امور  منها تحرص محد من الي يجون يشوف ظلي  تجي اولهم و تطلع اخرهم وعينها عليه
     تطبخلنه تغسل ملابسنه  اعتنت بيه بس ما تعرف ادرسني لان هيه اصلا اميه  بس حسيت وياها بالامان
اتذكر مره طلعت نص الليل وشفت رجال واكف بالمطبخ  يسوي اركيله  شافني ونصدم
اجه اتقرب مني كال شنو هاي نموذج جديد جايبلنه كاظم و حاول يتلمس جسمي وانا صرخت  و اجت ثريا تضرب بي  لك عوفها طفله  و وخرته عني
صار الليل وانا بذكرياتي........