صرخات مكتومه

بارت 16

اندك الباب دخلت عمه  
التفتت  عليها و درت وجهي اباوع بالشباك
  .. هاي شنو  زعلانه مني شهد
   . ما رديت  كمت وكفت  ولافه روحي  بالبشت
كالت عمه انا صحته يحل المشكله لو اعرف هيج يكبرها ما اصيحه 
  ما رديت
  وكفت شويه و عافتني وراحت
كلت بكلبي ما بقت عليج يا عمه
  نزعت البشت و شمرت البدله  ورحت للحمام اسبح وشوف وجهي وجسمي خريطه  حتى ملحك يطيب  عدل رجع فهد دمره
  طلعت    نشفت بدلت  اجت  عمتي كومي اتعشي  جدج  كال خلي تجي وهناك كلنه موجودين    ما رديت هزيت راسي بس   رجعت حجت راح  تجين مو هزيت راسي بمعني اي  
طلعت هيه وانا سديت  الباب و رجعت كلت خلي انام 
شويه و اتصل تليفوني رقم غريب   ما رديت مره مرتين يتصل عفته
اجتلي رساله
  يالشريفه متردين عود ع رقم غريب  لتبيعيهن براسي      ..و يله  نزلي اتسممي بسرعه دقايق و انتي هنا
غلست    كلت لو باسم لو فهد
   اجت رساله ثانيه    ما شفتها رن الموبايل
كمت قطعت الاتصال  و قفلته و نمت   
ماكو يمكن عشر دقايق و اشوف باب الغرفه  انفتح بقوه طفرت      فاتحه عيوني شبيك   فهد
  فتح الضوه  و اتقرب مني كال  يله  امشي كدامي و خجلي من جدي يدز عليج   تجين  فاهمه
غلست ورجعت نمت كتله ما اشتهي   سحب مني الغطا كله شمره بالكاع
   انا جنت لابسه دشداشه  قصيره ونايمه ومرتفعه جسمي كله طالع    طفرت غطيت روحي بس شقطي
كتله شبيك   متستحي بله
     اتقرب على الجربايه وثنه رجله وصار مقابيلي
  كال لا ما استحي  وتقرب حيل  وجها يم وجهي وكال اتكومين لو شلون يحجي و يهمس     جسمي كله يرعش    انشل لساني معرف ارد    انا ايد لازمه بيها صدر الدشداشه وايد   ساحبه الدشداشه من جوه 
لف ايده على خصري يكومني    ثانيه وشفت روحي واكفه كدامه   عيوني  راح يتشلعن شكد ما فاتحتهن علي وسعهن
      حجه يله غيري  وكدامي نزلي   وبتعد مني شويه   ديطلع و انا جريت نفس  خليته يطلع ورحت وره قفلت الباب وصحت ما اجي  وياك شفت انت شنو مسوي بوجهي ما اطلع
رجع  يدفع بالباب قافلته اني كال تمام شهد  ابقي ولا اشوفج  كدامي بعد وراح 
رجعت نمت بس كلبي يدك من موقفه  وصوته وهمساته اول مره اشوف فهد  بهذا الشكل
افكار اتروح افكار تجي اخذتني الغفوه ونمت
كعد الصبح هم على صوت الهوسه اليوم زواج عهد  غسلت ونزلت بال عليه  رحت للمطبخ ما  صبحت علي اي احد
اجت يمي بنيه كالت اشلونج شهد
التفتت عليها رديت تمام انا داسوي لفه واحمي الجاي
كالت متعرفيني مو
التفتت عليها لا منو
   ..  اسمي سجى بت عمج علي
ابتسمت بوجها  اخذت اكلي وصعدت
  شويه وصعدت وراي كلت اهو  راح اتسويلي مشكله
كالت ممكن اكعد يمج شويا
كلتلها كعدي
ظلت اتسولف  عن حياتها ودراستها و خواتها  لمى و ضحى و عن ليث و فهد    
كالت وانتي
كلتلها شنو اني
.. احجيلي شهد حياتج صديقاتج  اشلون جنتي عايشه
.. مجنت عايشه  مجرد جسد  وصديقات معندي بس وحده و خسرتها بسبب  كاظم و فؤاد
. اريد اسئلج سؤال بس خجلانه
..  شنو هو وليش تخجلين سئلي     و مستمره داكل  و مركزه وياها
..  ليش اتصيحي كاظم  لتزعلين مني بس احنه بينه و بين نفسنه ما نتجرء انصيح باسم  بابا اشلون انتي كدامه و تصبحين كاظم
..    ضحكت كلتلها تدرين اشكد صاير مصايحتله يابه 
.. استغربت مني وكالت صدك تحجين
..  واني داجاوبها وجان تندفع الباب بقوه  ..