صرخات مكتومه

45

   لحد ما اجه يوم الحفله الصبح واني معرف شنو  اسوي
  حتى عمه محجت شي   
بدينه انظف   شويه وسجى راحت ويا  عمه صفيه و لمى  للصالون

  خلصنه كلشي  وصار الظهر    والكل بده يحضر  الا اني   اخر شي عرفت  مراح احضر
  عفت كلشي وصعدت فوك   ام غايب جايبه مساعدات     من طرفها  وشويه ارتاحينه    
  دخلت سبحت    وطلعت باوعت  الساعه راح اتصير  بـ 2:30

رحت كملت انشف شعري  كلت خلي اخلص و انام     كاعدين من الصبح وتعب

للساعه  3:00     رحت اتمدت على  الجربايه 
دخل فهد  طفرت ردت انزل جوه 
كتله اسفه معبالي تجي
طلعت الفراش من الكنتور   دافرشه  و انام  واكف متخوصر   وعينه تمشي وياي وين اروح  لحد ما حجه

-  شدتسوين انتي 

- باوعتله بفهاوه  مفهمت شيقصد    ، ممسويه شي والله

-ليش تردين اتنامين  ليش مو جوه وياهم

-    كتله دتستهزء مو    ، انت مو كتلي متنزلين للحفله

-  لا روحي نزلي حالج حالهن

  - ضحكت  ، شلون حالي حالهن مثلا    لا مو حالي حالهن ابد اصلا ماكو مقارنه هنه وين اني وين
ودرت وجهي اكمل  افراش حتى انام    بس مهضومه بداخلي   عبره مجاي تطلع

-   بلا كلام زايد وروحي نزلي كتلج  ولتخلين احد يسئل

لا رد ...
- لج مو داحجي وياج 
.. باوعتله  تمددت وغطيت  وجهي
هو اتخبل   جر الغطه مني     وجر  شعري    ويعت  ليش ما تجين بالاحترام ليش الا بالاهانه   حيوانه  مو بشر انتي الا بالطگ  تمشين

من صدك فور دمي  دفعت ايده وكمت ابتعدت منه
...  شنو اتغشم روحك فهد جاي الساعه  3:00   وتكلي انزلي حالج حال البنات  لا مو حالي حالهن هنه من الصبح جهزن روحهن ومشتريات احدث الملابس من اسبوع يجهزن واني جاي  هسه الحفله بدت وتكلي حالج حالهن 

انفجرت بوجها لان فاضت بيه  رجعت كملت
من طلبت من ابويه فلوس   قبل اسبوع  انت ما رضيت وعترضت   لا خليتني اخذ من ابويه و لا انت الي انطيتني اشتري ملابس  وهسه اتريدني انزل للحفله  بشنو انزل  بله

..  واكف يباوع بوجها بس لو يصح بيده يمكن  ياكلني

لج عليمن هاي اللسان  الطويل والصوت العالي
لا اليوم الا تنزلين و بالعليج

اجه  اتقرب مني جرني يريد صدك ينزلني بهذا المنظر  غير اتخبلت     ظليت ادفع بي 
... وربي فهد ما انزل لو اعرف احرك روحي ما انزل بهالشكل

.. اليوم تنزلين وغصب عنج اريد اشوف شلون  صوتج اتعلي بعد

قربني يم الباب وجان بحركه سريعه قفلته للباب و جريت المفتاح ضميته بالسـ...... ـان