صرخات مكتومه

الاخير

 

  باجر موعد المشيه 
  ودنحضر   ومخبوصين

بس  گلبي ولا مرتاح احس اتسرعت و وافقت
ما مستعده ارتبط    وهاي غلطتي اني ما مستعده واحب فهد  شلون ارتبط بغيره

لا شهد لازم تنسينه   فهد راح سافر وشاف حياته

اي بس  گلبي مهاوي السلام  خوش انسان مرتب  بس الگلب بعده شسوي مو بيدي والله  بيني وبين نفسي احجي  وبجيت
دخلت عهد شافتني
.. شبيج شهد   ليش هالدموع

.. ما مستعده اني اتسرعت و وافقت

.. بعدج تحبي  اعرف بس الي متى

..  مدري  بس مكدر غلطت  وتسرعت اهواي

اجت يمي كعدت 
باعي حبي  احنه بعدنه على البر    اذا گلبج ما هاوي للولد  خلي ابويه يتعذر منهم   لا اتدخلين بعلاقه ما مقتنعه بيها

  صفنت بوجها وتذكرت تهديده امس   وعاندت  اعرف هذا غباء وغلط مني   و انانيه بس اوقات يكون العقل  بحالة غباء

صار يوم ثاني المشيه    وكلشي محضرين  طبعا مياسه  احسها طايره معرف ليش اني كاعده على گلبها 

اجت العالم الزلم  ببيت جدو والنسوان يمنه وقليللات خالته وامه وخواته ثنين وصديقتهم

   قدمنه الضيافه   وكل ثنين بسالفه
اخته بدت تحجيلي عنه  اخوي كذا و اخوي كذا

  رن تليفون  ام سلام وردت

-- الو ها يمه
...
-شنو هاي شلون حجي

.. لا والله مو خوش طلعه اي يله يله لا تعصب صار
سدت والتفتت على مياسه

يا خيه مو حلوه بحقكم اذا ما الكم نيه تنطون ليش خليتونه انجيب اهلنه  محافظات  ونجي
ما انتظرت مياسه ترد عافتنه و طلعت
ظلينه وحده  اتباع بوجه الثانيه هاي شكو

  دخلت سجي اتهز  ركبه  وتغني خربناها خربناها

وعمه وراها  طكتها هلهوله

  صدك ضجت     درت وجهي عليهن  
صدك جذب  عمه اني على سجى ما اعتب بس عتبي عليج انتي شلون  تقبلين  لا وفرحا الا انتي عمه والله عبالي اتحبيني    بس شفتج فرحتي من خربت خطبتي

  رايحه مستمره احجي  بله سجى خبله على اخوها ومعليهم عتب  
 

وليش شبي اخوها  ست شهد
   جمدت  بمكاني ولساني انشل 
اي صوته  هذا والله صار سنه ونص  مشايفته 
درت وجهي وشفته مكتف ايدي و واكف    رافع حاجبه
معاجبه

اتصنعت  القوه واني گلبي يرجف

كتله اي وما جذبت  انتو مبيكم احد عاقل   اتذكرت ملابسه حجاب وهو طليقي ميصير
رحت اركض للغرفه 

  هذا دخل وراي و قفل الباب

دالبس بحجابي و احجي انت شتسوي هنا وشلون تقفل الباب امشي اطلع