صرخات مكتومه

بارت 14

يوم الحنه الصبح كعدت على الهوسه  مالت البنات 
  كمت  عدلت غرفتي ونزلت جوه  لكيت المطبخ هوسه
نظفته  وتريكت  وسويت خلطه الشعري   بياض البيض زيت الزيتون و ليمونه  خلطتهن وخليتهن ولفيت شعري ببلاستك حافظ   صعدت فوك  نظفت جسمي كله وانا بسرعه اخلص لان مابيه شعر  وسويت تقشير بشره
  حتى بعرسي  ما سويت هالشي عاد هو شلون عرس  من المستشفى البيت فؤاد 
للظهر دخلت عمتي شافتني    حالي حال ضحكت كالت ولج شنو انتي العروسه
كلتلها يمعوده خليني صار  سنتين ممسويه عنايه 
كالت براحتج    رادت تطلع مخليتها كلتلها وين على الله
  جر يتها وبلشت بيها تنظيف و تقشير  وجها حفيته  وكوو  كاعده     صدك طلعت حلوه
  ظلت تلطم ولج اشلون انزل كتلج لتخففين حواجبي  ولتسوين هاي ولتسوين ذاك
كلتلها انا بعد سويته ظلي محبوسه   خليتها تطلع  وهيه  تدعي عليه  اويلي عليج شهد  خزيتيني  وانا متت عليها ضحك اشكد فطيره و فقيره هالانسانه

   الحنه الساعه اربعه العصر   نزلت نظفت البيت و بنات خالاتها وياي  ماكو عهد ماخذيها للصالون
حتى مكالت اخذ اختي  الوحيده طمام اي والله
  كملت ورحت اسبح    شفت شعري رجعت عافيته شويه  ورجعت اللمعه   شسورته  على طوله   وخليت مكياج وردي فاتح خفيف بس رسمت عيوني سموكي   برزتهن وهنه اصلا كبار  وملونات 
سا عات انغر بشكلي انا اشبه امي بس امي قصيره انا طويله على كاظم
   ظليت فوك لحد ما سمعت   صوت العروس اجت ونزلت 
البدله خرافيه   قصيره لنص الفخذ   وشعري صاير بطولها
اباوع   بنات لابسات قفطان  هنه و الامهات نفس الموديل
بله خالاتهم ناصريه   وهذا   لبسهم يعني كله عيب و ميصير بس الي هنا باربيل  شبيهن    اشتغل التبسبس
ودخلت الحنونه    شافتني  وفتحت عيونها على وسعهن 
  ودخلت وراها بيبي    صاحتلي تعالي كعدي هنا وسكتي لا اطفرين
  عمه راحت جابت ملح و تمن  تشمر عليه وتصلي 
   طفرت ام عهد كالت فاطمه جنج خربطتي عيني  هنا العروسه
كالت اي كله واحد بنات اخوي جايه بالسره
اباوع عهد  لابسه بدله وردي وكلش لون فاقع هيه سمره  لو لون فاتح احلى   و المكياج طوخ
   اتقربت من عمه كلتلها انا سامعه هنا صالونات راقيه ليش هيج مكياجها 
كالت يا عمه هيه طلبت   المره اتحط وهيه اتصيح زيدي   وهاي النتيجه عمتي مراضيه ابد  
هيه راحت جابتها من الصالون ومن شايفه المكياج   محاجيه ام الصالون وكايلتلها طلبها هذا
   شويه  وكملت الناس  وكم جار عازمين لان مو الكل يعرفون وبيهم اكراد      ف جيران قليل
شغلنه الديجي  وكمت اهز   
  اني  استاذه بالركص  والهز   تربية ثريا جانت من تجي اتظل يمي انضوج اتشغل   ديجي ونهز انا و هيه
..
     تعبت ورحت للمطبخ اشرب مي و كلت خلي  اجيب كاسات للنسوان
دخلت وراي بنت      كالت  كلش منغره بروحج  وشايفه روحج على شنو خلك وحده دايحه و ام زلم
  التفتت عليها هاي منو وشبيها  كتتهن كلهن
كلتلها وگبر منو دايس ذيلج انتي   داطلع جرتني   حيل اجيت اوكع
كالت  شنو ذيلج ما تستحين  العب وياج اني
كمت شمرت الصيني وملخت شعرها بدون مقدمات  
اتريد تكدرلي مكدرت    ظلت تصرخ والتمت النسوان ودخلت عمتي اتفكها من ايدي  ما كدرت    روحي طالعه منها حقيره مو يمها انا ولا اعرفها اصلا  ، صح شايفتها واعرفها تابعه العمامي بس منو وشنو اسمها ما اعرف
   اخر شي عاطت عمتي كالت صيحولي باسم 
   من سمعت بأسم عمي باسم عفتها 
    وصعدت فوك حتى ما بررت او حجيت بس دمي يغلي منها
شنو دايحه ام الزلم  وربي لو ما عمتي لا اخلي اتحرم تنطق بعد حرف بس ااخ من فطم اخ
   شويه وصاحو تعالي عمج  يصيحج
اهوووو ابو المواعض والحكم
   نزلت      رايحه النسوان الغرب باقيه نسوان عمامي وخالات عهد  
دخلت  للاستقبال وشفت ..........
.