صرخات مكتومه

بارت 30

عمو اني مستحيل اقبل
وبعدين ليش بنظركم المطلقه عار
والفضيحه الي تحجون عنها هاي تبلي وانتو لو متاكدين منها صح ما خليتوني عايشه
وبعدين مطالعه مصلخه حتى اتكلي تنسترين لا تتوقع الما مستوره يسترها رجال

كام راد يضربني وعمتي وكفت كدامه كالت ها باسم شكلنه احنه

ولج متشوفين حجيها وبعدين ليش مو خطيه اختها

بهالحجي دخل فهد وكعد كال ها خيركم
اتقرب يمه عمار و ديسولفله وعمه وعمو باسم يحجون
طلعت عهد

حجت و وجهت كلامها الي
.. انتي وحده انانيه و حقوده قبل اخذتي ابوي وعشتي بحظنه وانا انحرمت منه سنين الله كلها وهسه راح اتخليني اطلگ مثلج لا انتي مطلقه لازم مثلج حاقده گلبج اسود
وحده غيرج اتبوس ايدها وجه و كفا واحد مثل جابر قبل بكل عيوبج وراضي بيج
بس انتي وسمعتي عبايه وحجاب وستر اشلون اتقبلين
دمرتي حياتي قبل وهسه حرمتيني من ابوي وهسه رجلي الله لا يوفقج

نار تغلى بگلبي واني اسمع حجيها لزمتني رجفه لشتي كلها وحسيت عيوني غوشت كلامها اذاني
شكد شايله حقد بگلبها عليه لعد
اباوع كلها موجوده حته نسوان عمامي جايه شلون و يمته ما ادري لحظات صمت وكلها صافنه علينه باوعت بالوجوه ادور احد ينصفني ماكو اشكد قهر
التفتت اخر شي على كاظم وكتله

كاااظم سمعتها شحجت اتكول اني حرمتها منك و عشت بحظنك احجي وكللها اي حضن هذا
باوعتلها كلتلها حقدج هذا تره من لا شيئ وحده غيرج تحمد ربها ما عاشت عد كاظم

انتي عشتي اميره تره و بنعمه محاستها
لان ما عشتي بعمر خمس سنوات اتكسرين ثلج المشروب السكاره واذا ما عرفتي تنضربين
ولا عشتي الليل كله بحضن ام تبجي للصبح لان زوجها ديخونها بغرفه ثانيه ولا كعدتي الصبح ولكيتي امج ميته والناس تعطف عليج
وتاليتيج صفيتي عند وحده گحـ.... ه
اتربيج وتصدكين طلعت اشرف من اهواي ناس عرفتهم
وضربت على رجلي
ورجعت كملت

ولا احد من الي ملفيهم ابوج اتحارش بيج و يركض وراج الليل كله
شهر الواحد فوگ السطح قفلتي عليج الباب لحد ما اتكسحو وانتي كل عمرج ميتجاوز العشر سنوات
وتالي تجي ثريا الي معجبتكم اتبدلي قفل الباب لان صديق كاظم الي حضرتج انحر متي من حظنه ماخذ المفتاح لان اقفله باليل عليه
نمتي ليله بالشارع انتي
كمت طكيت على كتفها حيل بقهره
كلتلها احجي
نمتي ليلج بالشارع ابوج طردج لان صديقه جايب وحده عاهر دينام وياها بالغرفه الي انتي اتنامين بيها
وضربت كتفها و على فراااشج احجي

حضن كاظم عبالج حضن اب وحاسبه روحج محرومه منه
لج احد بيوم نص الليل دك الباب عليج ويحجي بكلام قذر وانتي كل عمرج 16 سنه احجي
صاح جدي بس بويا بس
.. لا جدو خليني اعلمها حضن الاب الي اني حرمتها منه هنا صدك انهاريت وظليت اشهگ حركه بس بلا دموع

رجعت كلتلها هم احد طردج الساعه ثنتين بالليل وطلع صديق والدج يركض وراج وادورين مكان اتظمين روحج بي
لحد مشفت مكان بين البيوت و هو ضيعني و وله للصبح رجعت للبيت وشفت ثريا الما عاجبتكم تتعارك ويا
عشتي هالشي انتي لا ما عشتي ولا شفتي وجاييه تحسديني وتلوميني على شي اني لنفسي ما متمنيته

اهوو شكد اريد احجي على الاقل انتي محد
باعج على واحد خسيس اكبر منه بالعمر وتره قبل فؤاد ثنين وجنت اتعارك و اطردهم و يبتعدون مني بس هالمره لان شفته وكع مستشفى مكدرت اتخله عنه ضحيت بمستقبلي لعيونه وهسه هم يريد يضحي بيه لعيونج انتي
التفتت وباوعتله وكتله لعد ووواني

كلتلها تنتقدون لبسي والفاضي وحركاتي وانتو متعرفون شلون عايشه ودكيت على كتفها
حيل وكلتلها لو شفتي الشفته اني ما وكفتي وحاسبتيني وما حقدتي كل هالحقد عليه وارجع و اكول حقدج بلا سبب وعفتهم وصعدت سمعت عمي علي ضرب ابويه وصارت هوسه

طز الى قير .....