صرخات مكتومه

بارت 22

 
خليت راسي بحضنها   وكلتلها عمه رايدتج بموضوع 
 
مستمره تلعب بشعري كالت احجي عمه شنو
.. عمه ارد اكمل دراستي حرامات راحت سنه عليه اني المفروض هالسنه سادس 

.. والله عمه شكلج    شوفي جدج اني هم اتمنه اتكملين لتبقين هيج حابسه روحج 

.. عدلت كعدتي  ، فدوه ساعديني  تدرين مالي غيرج  وانا راح يصيبني اكتئاب من هالغرفه 

.. شوفي عمه انتي نزلي جوه  وتعالي يمنه  وشويه غيري طبعج يم جدج    حتى من نفتح الموضوع   عسا يوافق     بين قوسين  ليني راسه خلي يشوف اكو تغير  بيج

   .. عمه  وين انزل متشوفين المشاكل لاحكتني  عسا لا خطيت خطوه  بره هالغرفه
 
..  انتي تدرين عهد اختج جايه زعلانه هنا وراح يبقون فتره هيه و زوجها

..  صدك تحجين  عزه مصار الها اهواي من اتزوجت
ظلت تحجيلي عن مشكلة عهد وبان  عمها ابو زوجها طاردهم بسبب متعارك ويا زوجها  على افلوس
  كالت تعالي يمنه  وبس باليل نامي هنا  وهاي الفتره خليها اتصير بصالحج  فاهمه عليه شهد
  
..  فهمت عمتي شتريد و فعلا  ثاني يوم نزلت وشفت زوجها كاعد صبحت و رحت البيت جدي
     كظيتها يم عمه و بيبي
  دخل جدي اتعجب من شوفتي عدهم رحت سلمت علي  كال اليوم البيت منور  
     سجى من بعيد اتباوعلي و تبتسم   اتخاف توصل يمي وانا ابادلها الابتسامه
   بيت  جدي كلش حلو مشايفته عدل كل ما ادخل بمصيبه اطلع هسه كلت اتكفه الشر  الخاطر اكمل دراستي

.. يوم وره يوم وصرت اروح هناك   حدي غرفة بيبي و المطبخ  وين متروح عمتي و لليل ارجع
خلصت من مشاكل  مرت ابويه و عهد وحتى كاظم صرت ما اشوفه  
عمار   بيني وبينه سلام فقط كم مره حاول يحجي وياي   منطيته وجه فوك ما احذره   يكلي اشفق عليج خلي الشفقه اله
    شويه وظليت اشوف حوراء هم تتردد
و بس تتلوك العمه صفيه    ومتلحك تطلب شي اذا ما ركضت
لاحظت بنات عمو علي  ميحبنها   واذا كعدت يمهن   يعوفن المكان وحده وره الثانيه
عكس انا لو كعدت يم عمتي اشوفهن يجن صح ميحجن وياي لان امهن متقبل اصلا كل شويه ونطتهن  خزره     فد يوم  دنحجي انا و عمه ودخل فهد معرف شنو حجه ويا  عمه صفيه وظلت تعيط عمه اشرتلي كومي  
رحت وراها  كالت تعالي الغرفتي انتي ولا مره شفتيها
عرفت عمه اتريد اتبعدني عن هوستهم  واصلا هم شعليه
طبيت غرفتها اتخبل نازكه و نظيفه ومرتبه
  شمرت روحي على جربايتها كلتلها عمه اليوم انام يمج

.. بعيني اخليج    واصلا يا ريت تبقين يمي وما ترحين هناك

.. لا عمه  خليني باليل ابات هناك احسن مريد احد يحجي  

بكيفج   انا اريدج يمي مو على فد شي 

.. اكلج عمه صدك يمته انحاجي جدي  بموضوع المدرسه
  فركت ايدها وباوعتلي كالت ها عمه شو حاجي انتي وحدج اليوم وره العشه  روحي غرفته وفتحي الموضوع

.. لعد مو كلتي اساعدج   راح تتخلين عني ،  و مسويه روحي زعلانه

..  لا ابد   بس انتي تحجيين احسن   ومثل مكتلج هو يتعشه و يروح للغرفه   و روحي حاجي
  .   وصدك انتظرت لليل    اتعشينه     وراح للغرفه  شويه وعمتي اشرتلي بمعنى روحي  

گلبي يدك و اطرافي ترجف عبالك  معرف وين داخله    من صدك خايفه و اجيت اتراجع   لكن  حبي للمدرسه  و الوضع الي امر بي شجعني  دكيت الباب وصاح اتفضل
 
من دخلت  باوعتلي بيبي وفتحت ايديها رحت   حضنتها
  وجدي يبتسم  بوجهي 
.. حجه اي منورتنه عسل    بويه شعجب
.. والله جدو بصراحه اريد احجي وياك بموضوع بس اتمنه ما اتردني  على الله و عليك
  .. كولي بويه اذا  بسيط ما اريدج و اعتبري تم

.. بسيط والله  جدو انا اريد ارجع الدراستي    شاطره و احبها و فاتتني سنه مريد اتفوتني  سنه الخ

  باوعلي و دنك    سكت شويه    اني كاعده بحضن بيبي وبيبي تلعب بشعري   باوعتلها احجي ويا

.. رسول الخاطري لا تردها شهوده اتغيرت وصارت تفهم علينه  و عرفت  طبعنه وانا اتكفلها 

بس سالفتها مو يمي    يبدريه  
..  لعد يم منو  انت جدها و ولي امرها لتگلي كاظم     ازعل والله 

.. لا مو كاظم انا بيوم اخر مشكله كلتلها فهد يتولاج وما ارجع بكلمتي ........