صرخات مكتومه

بارت 53

كابووس

اي هذا كابوس   لازم اكعد منه  انا بحضن واحد ماعرفه   وفهد يصيح من بعيد و ليث  يركض باتجاهي
اكيد كابوس 

  فزيت من صفنتي   على صوت ليث ويصيح لك اووكف گو.......  ابن الگ.......

واكفه اباوع على فهد  الي واكف گبالي وخازرني و جها  راح يطك من الاعصاب 

اتقدم باتجاهي    غمضت عيوني وكلت قربت النهايه يا شهد  ماكو شي يشفعلج   

جرني من شعري  وكعلي ضرب على وجهي  ماكو فرصه اتنفس لو احجي بيها  ويصيح لج ليش ليش

   ما اشوف شي بس لمظات من الضرب لكن اسمع اصوات يمي   صوت عمار وعمه فاطمه  و اصوات  اهواي اتصيح

شي اذبحها وشي  ذيل الكلب مينعدل وشي تربية  ثريا  شتوقعتو منها

عاط  بالكل  ما اريد اشوف احد  ولا احد يتصل على جدي 

عمار  تعال افتح باب السقيفه

  سحلني من شعري  ودخلني غرفه    بيها اغراض مال زراعه و سماد  نباتي   
وبيها افراش و بطانيه ومخده

شمرني كال هذا  مكان لقائكم مووو  هنا جنتي تلتقين بي

   اجيت احجي صاح اششششش  دفرني وطلع وسمعت  صوت الباب انقفل
باوعت  شنو هذا الفراش ومبين نظيف مو مال حارس  واذا حارس شكو ينام هنا

وبعدين شنو  لقائكم لقاء منو ومنو

عزه  هذا عباله اني داخونه وهنا 
  مصدومه وخايفه وافكاري اكلت راسي 
شنو احجي وشلون اثبت
    

صارت ظلمه الدنيا  والمكان موحش   خايفه  من المكان واسمع صوت صراصير  وهم اخاف اصيح لا يجي فهد

 

شويه وسمعت شخص  قريب من الباب   صاح شهد

طفرت هذا صوت ليث

.. ليث  فدوه العينك  طلعني منا

.. وين اطلعج خاطر الله ليش هيج سويتي  شهد الله يسامحج
، عموما اني اجيت اشوفج عايشه ميته 

.. مسويت شي وربي   ليث
لا رد
صحت ليث  ماكو يمكن راح 
   حضنت روحي وابجي  ليش كل مصيبه اوكع بيها اكبرمن القبلها منو دبر هالشي 

معقوله لمى  ليش شسويت الها  بالعكس ردت....
   رفعت راسي ورجعت بذاكرتي   هاي  اتفاق حوراء دعاء  وصلت بيهن   للشرف  ،،،   زين منو هذا  منين عرفنه وشلون وشلون
كل هاي  افكار وتجي براسي يا ربي شياطين مو بنات

  فصلتني  من حيرتي  دخلت عمار  

واكف  فوك راسي  كال
.. كومي جدي يصيحج

مكدر اكوم بالكوه داوكف  حجيت
.. عمار فدوه والله ممسويه شي  لمى صاحتني تعالي
مخلاني اكمل 
.. شهد ايااج اتجيبين طاري لمى يم فهد ديري بالج 
وبعدين يا لمي لج حساافه  بيوم كتلج مثل اختي