صرخات مكتومه

بارت 21

  وجان يجي يضحك وبيده العصاره مال الحرك
اخذتها منه و داخلي لايدي كتله ليش الضحك
... كال شنو من حفله صايره اليوم اطربيني
ضحكت كتله  عادي متعوده على سوالف كاظم
..  شهد ميصير ابوج هذا عمرنه مسمعناج اتصيحين  بابا  انتي متحترمينه و تردين يحن عليج
صفنت بوجها حجيت بگلبي الي يدري يدري والميدري شيكول .
عمار متغدي انت
.. اي بالمعمل ولد  جايب بيزا و اكلت ويا ليش ناويه اتسويلي اكل
  .. ليش اني خو حوراء احسن  مو
  ضحك كال ملعونه ادري بيج منتبها ومنتظرج تسئليني
كتله متفيدك اتولي ابتعد منها
سكت و تغيرت ملامح وجها
.. ليش ابتعد عنها 
.. متفيدك مسمومه  واصلا عينها على غيرك  انت تستاهل الاحسن منها
...  بسرعه عصب عليه وجها  انگلب احمر  شوفي شهد وكفاتي وياج  من باب اخوه و استعطاف  فقط
لا يروح بالج بعيد وتفكرين بغير  شي وتخليني اتندم انا اعزج و احترمج
فاتحه عيوني مصدومه  هذا شيحجي  حضرته يعطف عليه يعني يدافعلي شفقه
قاطعته كتله اسكت  عمارر  اشكرك لانك عطفت عليه و اشفقت و دافعتلي  ما قصرت 
واحسبني محجيت شي   وشمرت علي عصارت الحرك  ورحت للبيت
  ميته قهر  صدك لو كالو لتسوي زين شر ما يجيك
كل عقله خاله عيني علي اني افكر بي عباله

راسي وجعني مووت  رحت للثلاجه اشوف حبوب وجع راس
دخل عمار تعالي نحجي شلون اتعوفيني و تمشين شهد اني
  عفته وصعدت مسمعت منه اي شي
قفلت الباب  وظليت بالغرفه افتر راسي   احسه راح ينفجر وانا كل  شويه اضرب علي اكول حل استاهل الي يصير بيه شكو اتدخل شكو
حرك الموبايل حرك   ما رديت  قفلته وشمرته كارها كلشي 
شلون و التالي اني حتى عنوان خوالي ما حصلته  اخ لو احصله  اريد اشوف منو تبقى هنا بعد
دخت  ورحت شمرت روحي على الجربايه والله وغفيت
بين النايمه و الكاعده سمعت صوت صياح جوه  غطيت راسي يبووو عفيه بيت ما تخلص مشاكله
بالساعه وصارت سكته
  ما اريد انزل جوه مريد اشوف احد  مليت وحدي
  قريب تبدي المدارس والمفروض اني هالسنه سادس حرامات 
للساعه عشره باليل   جعت حيل كلت خلي انزل  اسويلي لگمة
  نزلت شفت  عهد كاعده التفتت عليه ودارت وجها  بس عيونها حمر و مورمه
   رحت للمطبخ   شفت دولمه    يابه ممكالتها من زمان   طلعت اربع  وحدات  حميتهن اجت عهد هاي شدتسوين

  عيني على الطباخ  كلتلها داحمي دولمه
كالت رجعيها  ناصر هنا وما متعشي وهذا عشا مالته
كلتلها اهواي انا اخذت بس اربعه
  اجت بسرعه  اخذتهن ورجعتهن بالجدر كالت كتلج عشا ناصر هذا  
   باوعتلها     عفتها رحت للثلاجه طلعت بيضتين  التفتت بعدها واكفه
كلتلها اطمني ما  اوصل العشه زوجج  اخذي راحتج
كليت  البيض حميت الجاي رحت اطلع خبز ماكو
افتح المجمده مقفوله
  التفتت عليها  كلتلها تحجون صدك   الهنا وصلت بيكم
كالت هذا الموجود   و راحت
   اكلت البيض   بلا خبز و شربت الجاي    وطلعت وعناد مغسلت الماعين الوصختهن
   طلعت للصاله شفت زوجها كاعد ومدنك راسه   سلمت علي انسان محترم وعيب اتعده ما اسلم   رد بكل احترام هلا بيج خويه رجعت للمقر مالي
والله ملل  و لعبان نفس   كلت لازم احاجي عمتي  عسا جدي يقبل ارجع للمدرسه 
  ظليت العب بالتليفون  20 مكالمه من عمار  و رسالتين
فتحتهن  مكتوب لتضوجين مني اسف ما اقصد
و وحده انتي مجرد اخت
ضحكت على عقليته وحلفت الا اثبتله   بس شلون 

    صار الصبح يله نمت  اصلا احسن الي  ما اشوف احد 
  للظهر عمتي كعدتني  كومي صدك  كذب شنو هالنوم كل ما اجي نايمه ولج حتى اشتاقيتلج  
   حضنتها   وهيه هم ورجعت اتمددت على  رجلها كلتلها عمه رايدتج بموضوع ...

..