صرخات مكتومه

بارت 55

 

تعبت روحي وجسمي   جوعانه ومكدر اكل ونعسانه مكدر انام   ياخذني التعب وتغمض عيوني واطفر مخروعه

بس تغمض عيوني تجي هاي المره  
بس هسه لا اكثر من  مره   يلتمن عليه ويحجن باصوات ما افهمها  و ونين طفل

  عمه وعهد سون مناوبات   وحده تبقى يمي و وحده اتروح ترتاح
اشوفهن تعبانات وياي

وصلت بيه حاله ادعى على نفسي   بالموت

دخلت عمه حجت ويا عهد  كومي عمه نامي اني يمها

.. عمه اني تعبتج و تعبت عهد   عوفوني وروحو ارتاحو

.. لا عمري لا تعب لا شي  شوفي روحج انتي التعبانه  تقربت باستني على راسي لا تفكرين بينه بس صيري زينه   البارحه هم ما نمتي مو 

..   لا مثل كل مره   لزمت ايدها  وهمس  خايفه احد  يسمعني    عمه  صارن هواي يجن والله  ،، خايفه اني ونزلت دموعي

كعدت يمي حضنتني يمعه شنو اسويلج يريت  ينشال عنج وشيله ما اعرف  شسوي  

  ..  حجيت وشفايفي ترجف    عمه كولي الفهد يذبحني    فدوه خلي امووت  جريتها    مثل الشي الي نتمنا ومنطوله

  كلشي  اتوقعت يصير بحياتي بس متوقعت اتمنه الموت وما اطوله   

.. اسم الله عليج     كلها فتره وتعدي  صدكيني   وترجعين احسن من قبل

..  وين صار اشكد ميخلوني انام و لا اكل  تعبت عمه تعبت

اريد انام  حطيت  راسي بحضنها       اريد انام اشتهي النوم
مكدر اغمض ميخلوني

   بقت تقره ايات  وتسبح شويه تهدء روحي   بس اظل لازمتها حيل   و ارجف

بس تسكت يجون  يهجمون عليه

اطفر مخروعه

  صار الليل  وراحت عمه   وبقت عهد يمي

وهم  كوه اتعشيت الاكل اشوف شكله محلو او عفن   ريحته مطيبه

بس   عمه وعهد يقرن ايات على الاكل يله اكدر اكله

   اتمددت يمي   تمسح على شعري

.. تدرين اني انقهرت على شعرج من كصيتي  بس الصراحه لايكلج القصير

  لا رد

  جرتها حسره  رجعت كملت
جنت اسمع  ابويه عنده بنت و امنيتي اشوفها و العب وياها   وحتى من كبرت اشوف بنات خوالي و خالاتي خوات وسالفتهن سوه وسرهن
اتمنيت اشوفج 
  كل ما اسئل  عليج يكلولي اتولي اخذت ابوج منج زرعو حقد بگلبي عليج   وخلوا  فكره ببألي ان ابوي عافني لان انتي  و امج احلى مني ومن امي   بس هسه الا عرفت اصلا ابويه جان ميعرف امج من شرد من  الناصريه