كبرنه وما لكينه بنادم ابكدنه
حسدونه على كلشي وكلشي ما عدنه
دخلت للغرفه نار تغلي بداخلي طبيت للحمام سبحت وطلعت فتحت الشباك و واكفه اجر النفس حيل هوى بارد اريده يدخل الريتي يبرد روحي المحترگه من كلام اختي
ظليت واكفه بالشباك معرف اشكد وما ابالغ لو كلت ما صحاني من وكفتي غير طلعت الشمس يعني اني الليل كله هنا واكفه
نعسانه وجسمي ياذيني ظلمت الغرفه وقفلت الباب وراسلت عمه لو تحتركون لتكعديني وطفيت الفون
اعرف عمه بس تقلق عليه تجي
وصدك نمت لليل فزيت ظلمه الدنيا فتحت الموبايل عمتي متصله عمار متصل
رديت على عمتي كلتلها ما بيه شي نمت بس
ولا نزلت ولا رحت جوعانه عصرت روحي وظليت بالغرفه كلت خلي ينامون و انزل اكل
وصدك انتظرتهم ونزلت جبتلي اكل مال يومين
واليومين صارت ثلاثه وانا حابسه روحي وبس عمتي اراسلها
رابع يوم من حبستي العصر وصارت عيطه و صياح
فتحت الباب اسمع هوسه وبين الهوسه اسمي اجه
ظليت اتسمع شكو
مياسه اتكله لو اني لو بنتك راح يدمر بيت بنتي
وهو يعيط خلي تنزل وتشوفني وجها
رحت نزلت وكفت براس الدرج
.. يله لج الي تفضح ابوها مالها كعده عندي اني اتخلين عمامج يرزلوني وعلي يمد ايده عليه
ومياسه اي يله شمنتظر خلي اتولي الخوالها شعدها باقيه هنا محد يريدها
اخذته وطبت للغرفه كلت عسا اتجيب عنوان خوالي
باوعت على عهد كاعده وعاميه عيونها اتقربت منها كلتلها اذا يحبج ميتركج الخاطر اخو واذا تركج يعني ميحبج والمايحبج طز بي
باوعت عليه ورجعت تبجي
حالتها ميؤس منها
رجعت للمقر فتحت الشبابيك ونظفت الغرفه
لليل كاعده
دخلت مياسه شمرت عليه ورقه وكالت هذا عنوان خوالج بس اياج بشر يعرف اني جبته وها حتى ابوج ميدري راح انطي الج
اخذت منها الورقه وكلتلها باجر جمعه كلها موجوده والسبت كذالك الاحد اخر يوم يمج اني بس اريد افلوس لان حديده
كالت اتفقنه
الجمعه عمتي دزت عليه مرحت
مريد اشوف احد محد نصفني محد يحجي كلمة حق
سولفت عمتي شلون متعاركين ويا ابويه وصايره هوسه كلتلها وشنو الفايده اني عشت العشته بعد كلشي عندي لا يقدم ولا ياخر
كالت جدج تعب و اخذنا و هواي امور حجتلي مهتميت
كاعده و افكر شلون راح اخلص من هالمكان
طلعت الورقه و ترجمت العنوان كردي
هيه عماره بمنطقه ...... ليتهم يطلعون بيهم حض و لو ما طلعو وين اولي
كلت اعتمد على نفسي لو اعرف اطلع التركيا تهريب و اعيش بس هنا يستحيل ابقى
وصار السبت وباجر اليوم الموعود
بليل طبت مياسه نطتني جنطه
وكالت بيها فلوس وطلعي منا ما اريدج تجين بعد
كلتلها مو لحيتي شويه
عافتني و طلعت
دخلت عهد كعدت كبالي
ضحكت بگلبي كلت شناويات اليوم
اريد عهد تنطق ماكو كاعده وتتصفن
لحد ما حجيت اني
عهد محتاجه شي شبيج صار ساعه بس اتصفنين
.. شهد اني قسيت عليج بالحجي ذاك اليوم مجنت اعرف انتي بشنو مريتي
.. عادي مبقت عليج لتهتمين
.. لتزعلين مني انا مصار اهواي من اتزوجت و يجون والله تره انطلكها اذا اختها ما قبلت شنو ردت فعلي قابل اتصرف طبيعي
.. لا عيني لتتصرفين طبيعي بس اوكفي وجرحي اختج كدام الكل وطلعيها وحده عار وانها رفضت عريس الغفله لان راد يسترها بعبايه و حجاب
عهد انسي اني شايفه اشكال مبقت على كلامج
عافتني و طلعت
ذاك اليوم للصبح بقيت كاعده قلق و خوف وتخطيط لمصير مجهول
صار الصبح حضرت كلشي وبدلت و انتظرتهم يطلعون ساعه وكلها راحت محد ظل اني رحت من الباب الخلفي ومشيت مسافه وطكيتها ركضه كله يتصورلي ديركضون وراي
لحد مطلعت على شارع عام
وكفت تكسي ونطيته العنوان وصلني العماره نزلت من التاكسي وداباوع اي عماره و التفت بالوجوه اسئل منو بله وجان تشخط يمي سياره وينزل منها خازرني
أنت تقرأ
صرخات مكتومه
Aktuelle Literatur.. والله مدري يعمه شوفها صافنه متحجي خوفتني وقلقتني ولج عمه شهد .. شهد دحجيلج حرف خاطر عمتي شوفي وجها اصفر اسمعهم كلشي يحجون بس مصدومه احس الساني مشلول اسمع عمه تحجي وخايفه وعمار يريد يعرف شبيه اتقربت مني عمتي وحضنتني وتبجي .. ع...
