صرخات مكتومه

بارت 25

نايمه وطفرت ع صوت عمتي اتكعدني

.. عمه شهد كومي دنيا ليل ثالث مره اجي اصيح و انتي نايمه شسالفتج
.. عوفيني عمه انا اذا ما انام اتخبل عليكم خلوني انهزم بالنوم احسن ورجعت غطيت راسي

.. جرته كالت شو كومي حاجيني شنو صار انا ملحكت على الخبل الثاني

.. مصار شي عمه بس شاف نفسه عليه وصدك هو ولي امري انتي مو كلتي احاجي معليه يله الا اتحاجينه

.. دكومي غسلي و تعشي وبس اشوفه يصير خير

حضنتها وكلتلها صدك عمه تحجين ويا كالت والله بس كومي وبطلي اتعزلين روحج

كمت غسلت طلعت من الحمام لكيتها نازله نزلت وراها
دنتعشه وحجت مرت ابويه

.. شهد اليوم منورتنه صار فتره تجين مثل الخطار

.. بيت ابوها هذا مياسه ومن طلعت راحت بيت جدها مو غريب
.. خيه مكلت شي بس مو بكيفها تسرح تمرح شنو ماكو رداد هاي مو اختها وياها كاعده وساكته

.. شنو تسرح تمرح مدري شلونه حجيج انتي التفتت على كاظم دحجيلك كلمه يا خويه هيه وين قابل شو كله بينه وبينكم بيت و بيت جدها مو غريب

.. ما كالت شي خويه فاطمه صح شنو دايحه بالبيوت وكت ما يعجبها
قاطعته كتله اتصدك لو حجيت غير هالكلام جان وكف گلبي
وبعدين انتي عيني مياسه مكاعده بيت ابوج اني ولا انتي ولي امري ولا تحشرين روحج

حجت عهد شسالفه امي مكالت شي اكلتوها
.. ديلا بله وتكليلي لتعزلين روحج هاج شوفي بعينج
عفت العشه وطلعت بره للمرجوحه
خاله الهتفون باذني ومطنشه العالم
اجه واحد وكف المرجوحه التفتت شفته عمار
طنشته سحب الهتفون من اذني .. ممكن نحجي شويه شهد
.. ماكو شي ينحجي ومن اتصلت عليك و سمعتك كلامها فقط ردت اثبتلك اني مو اتبله عليها

راد يحجي مخليته ابد وكملت
شوف عمار انت الك كم موقف وياي جنت حاسبتهن اخوه مجنت اعرف من باب الشفقه
.. بس انطيني مجال ليش تاكلين الواحد

.. صدكني ميحتاج وكتلك الك مواقف وياي حسبتهن من باب خوه و رديتهن الك و لو اعرف انت جنت مجرد تشفق عليه يا عمار ثق بالله ما خليتك تحجي عن لساني و تدافعلي بحرف

راد يحجي عفته ومشيت ، شنو يحجي يكول ما اقصد يكول زلة لسان مو هيه الحقائق تطلع بمثل هاي المواقف دامشي وضايجه ومخنوكه وين اولي كارها كلشي هنا انصدمت بفهد معرف شنو حجه مسمعته لان رجعت الهتفون باذني اتعديته و مشيت
رجع سحبني وجر الهتفون من اذني وكطعهن وشمرهن بعيد
كتله هاي شبيك شهالتصرف بله

.. حتى من بشر يلغي وياج اتسمعي و احترمي
خزرته وركضت جوه اسمعه يصيح لج الا اعميهن الج اتخزرين مو

لعبانه روحي من الكل مطايقه بشر بيهم اخ لو احصل عنوان خوالي
كلت اخر حل عندي هيه مياسه
رحتلها للمطبخ حجيت مياسه اريدج بسالفه
.. خير ام اللسان ما وراج بس البلاوي

.. انتي تكرهيني و ضايجه من وجودي و تتمنين افاركج اليوم كبل باجر مو صح

والله وزين طلعتي اتحسين و تفهمين حديده وعلى كلبي صدكيني

.. تمام اني افاركج و وعد متشوفين وجهي بس بيدج هالشي

.. شلون بيدي بله ، التفتت عليه و ركزت وياي باوعتلها كلت بگلبي اشكد اتحبني وحابه وجودي اويلي

عنوان خوالي جيبي من ابويه وانا سمعت بيهم منا همه بالشمال ثقي بالله يا مياسه اذا رحتلهم وعد متشوفين وجهي اني ارتاح و انتي ترتاحين مني

.. ظلت صافنه بوجهي شويه ورجعت اتكمل غسل وتحجي بس اهلج ميقبلون لتورطيني شهد لو عليه هسه اني بيدي اجيبلج تكسي ونطي العنوان و اكله روح

.. محد يعرف صدكي بيني وبينج انطي اليه واني اطلع منا من يطلعون الدواماتهم انتي روحي بيت عمامي حتى لتصيرين بالصوره

.. كالت خوش اشوف ابوج و اردلج خبر

طلعت من المطبخ عهد سحبت ايدي حيل اتفاجئة منها
كلتلها هاي شبيج

.. شهد عقلي شهالتصرف تردين ابويه يروح بيها انتي ليش متهوره يذبحونج والله

.. لمست وجها كلتلها والله ممصخنه عبالي حرارتج مرتفعه والا اول تالي انتي اتخافين عليه

.. كالت غلطانه مخايفه عليج بس ابويه خطيه وتصرفج هذا مرجوعه علي هو يتاذه

عفتها ومشيت وانا اصعد كلتلها محد خطيه غيري و لتخافين اصلا يتمنه يخلص مني

صعدت فوك للغرفه ........