صرخات مكتومه

بارت 57

   هاي   طولت البارت لعيون الغوالي

للظهر
كاعدين و رن تليفون عمه  ردت
- اي صار  عمه بس خو ماكو شي
...
- هاي هيه تمام  بس خلي انصلي 
...

سدته وراحت شاورت ثريا  هزت بيدها  
.. مبارك علينه  ديلا عيني سرى خلصي دنطلع

.. شبيج ثريا  ليش ضايجه

.. مضايجه  يروح ثريا   خليج بضيمج انتي

  بتسمت بوجها 
راحت عمه صلت وشفتهم  ديتحضرون   حجيت
.. وين عمه راح ننزل 

..ها عمه لا انتي ابقي  اشوفج تعبانه  مبيج حيل  احنه ننزل نتغده  ونرجع  منطول

.. لا عمه فدوه اخاف ابقى وحدي والله اخذيني وياج

دتحجي وندك الباب  
صاحت ادخل عمه
دخل فهد  ها خلصتو 

.. عمه لتخليني  ،، كلش خفت اني اعرف من اظل وحدي  يجون 

فهد .. لا خلي تنزل عمه اني يمج

.. لا اريد عمه   قاطع كلامي  يله فضوها عمار دينتظر

   اتعدت من يمه ثريا وهيه طالعه اتباوعله وتهز بيدها  
 
اشر على خشمه  يكللها الهنا وصلت وياج بس خلي اتفض ويصير خير

.. دروح   يهدد بعد
جرتها عمه وطلعتها وولج عوفي وامشي

بقينه وحدنه    سد الباب وباوع عليه

  درت وجهي منه   خليت راسي على  الجربايه   

.. شتريد مني فهد ظل شي بيه وجاي اتكمل علي

جر حسره   واجه اتقرب يمي كعد

.. اني اعرف  شكد مراح احجي مراح اتسامحيني 
بقيت  دايره وجهي وساكته محجيت شي

..  شهد يمكن  مالي حق   اكلج سامحيني بس هم اريدج تعذريني

نزلت دمعه من عيني   اتقرب مسحها    دخل اصابعه  بشعري هاي ليش  كصيتي الشعرج  تدرين بيه  احبه

   طلعت مني شهكه  
.. حطمتوني  الي فهد   ظلت على الشعر ،

ليش مقتلتني بذاك  اليوم  اشكد اتوسلت بيك   موتني

.. لج مكدرت مكدرت صعب  تذبح بايدك انسان اتحبه

..  ضحكت مستهزئه  يا حب هذا الله يخليك   احجي ودموعي تنزل   اجيت اكمل كلامي   مخلاني  جر راسي بحضنه  اششش سكتي  خلي تخلص ونكعد كعده طويله

بس قبل كلشي اريدج تنطيني العذر  باس راسي 
وبعد محجه اي شي

   واني هم متحركت   بس  بقيت ابجي   وهو  يمسح على راسي

هدوء لدرجة اسمع دكات گلبه   وين الا حجه 

. شهد نمتي

.. تؤ
..  فر وجهي عليه يباوع  بيج شي