صرخات مكتومه

بارت 17

انفتحت الباب بقوه  
  عمه صفيه دخلت علينه جفلت من شفتها   شبيها 
ونزلت انزول على سجى 
.. شسوين هنا يم هايه انا شحجيت شوصيت شكلت   ،  ورايحه تسحل بسجى
.. يما بس افهمج شسالفه انا مو طفله وهاي بت عمي   و دنحجي عادي   شهالتصرفات
ضربتها راشدي ودفعتها طلعتها  ورجعت عليه
انا  استمريت اكل اللفه بايدي  وشكلي طبيعي   من الخارج فقط  لكن داخلي يغلي نار   احس يمشي بجسمي مو دم لا  مي تغلي
.. سمعي ولج شهد بناتي ثم بناتي اتشوفينهن بدرب ترحين درب ثاني فهمتي   لا والله اخلي فهد يصلخ جلدج      عايشات بتركيا  وما خليتهن يلعبن لو يتخطن حدودهن يجن هنا اتخربيهن الي لا فلا اسكت سمعتي  وولج ،
   باوعت  عليها هزيت راسي وكلت صار
اتخنصرت  وباوعت اشويه عليه  وطلعت ركعت وراها الباب
 
باوعت على ايدي ترجف  قهر   وصلت بيج يا شهد اتصيرين عار  و تستنكف مرت عمج اتكعدين ويا بناتها 
رحت لفيت راسي بالغطا   وبجيت بحركه  واصرخ بدااخلي  صرخات مكتومه   واكول ااااخ يا كاظم وين وصلتني
   غفيت  والنوم نعمه الله لا يحرم احد منها 
حلمت كاني دامشي  بكاع جبيره   اشوفها خضار بس من ادوس عليها اتصير رمل   اجه صوت من وراي  صاح شهد روحي استمري  لا توكفين انا بظهرج  اجيت التفتت اشوف منو صاحب الصوت وجان اوكع بحفره ظلمه اصرخ محد يسمعني انمدتلي ايد   اريد الزمها وجان افز مخروعه وعطشانه
  انفتح الباب ودخلت عمتي بيدها صينيه اكل    ابتسمت بداخلي  كلت شنو مؤقته  
خلتها على طاوله صغيره   والتفتت عليه شنو جنتي نايمه 
هزيت راسي باي
اتقربت يمي عمه  بعدج  زعلانه   سحبت راسي بحضنها ما بديت اي ردت فعل  لان محتاجه هالحضن محتاجه بشر يحن عليه  حقي    هذا    بنت حالي من حال البنات
  خليت راسي بحضنها ظلت تلعب بشعري
كالت اجتلي سجى تبجي و تعتذر منج على موقف امها   
لا رد    اتجمعت الدموع بعيني 
كالت عمه شهد  عذري صفيه لان بس سمعت ما شافت  وسجى تره ورده  لا عبالج مثل باقي البنات  وتدرين كم مره تسئلني عنج وتخاف تتقرب منج اتكلي مفروسه اخاف تفترسني
  صدك ضحكت وعمتي حست كالت اي لج ديلا ضحكي وكومي اكلي اكيد جوعانه وما تردين اتنزلين
كمت من حضنها كلتلها كلش  بس بيش الساعه  كالت بالثنتين و الزفه على وصول  
كمت رحت للحمام اغسل  حجيت ،
  ... يعني  عود كل عقلهم  ياخذوها منا للناصريه
     ... لا عمه  شتحجين   يزوفنها منا  للقاعه وتالي فندق و يمكن باجر اتروح للناصريه
... الله يوفقها
رحت اتغده وعمه ظلت  شويه اتسولف عن  التحضيرات و راحت  
خلصت نزلت الصينيه  للمطبخ واكفه حوراء و تحجي ويا مرت كاظم   شافني سكتن
خليت الصينيه   على الحوض اريد اغسل  اجت حوراء ادحش بيه عود تشتغل
فهمت عليها كلتلها متنولين مرادج
عفت المطبخ و طلعت صاحت  ام عهد تعالي غسلي  اماعينج مو  خدم عندج
ولا كاني سمعتها صعدت فوك و فتحت الموبايل من امس مغلق
  شفت رسايل رزاله من فهد سجلت اسمه  عزرائيل
وشفت رساله  ثانيه
شهد انا عمار لتنزلين  معليج  بعمتي 
رديت ليش شنو صار
شويه ورد 
-- بعده وقت خاتون 
-- والله جنت نايمه  ليش شصار امس
--  كال  ابويه جان ظاملج ظميمه تره كدام الكل  لان ما ناسي انتي متجاوزه علي  لهذا حذرتج
--   والله وبيك حض طلع يا عمار  فديت ابن عمي وشيال همي    بس كلي عمه تدري
---  لتزحفين مرتبط انا   ههههه    لا عمه متعرف لو تعرف مصاحتلج بس انا سمعته يحجي يكول خلي اتجي و اعلمها شلون تتجاوز بعد
-- اطمن ما ازحف   اصلا كا رهتكم     
--- شكرا عمار  موقفك هذا مراح انسا
-- ولي ولج  واجب هذا وديلا اريد اشتغل لا تعطليني

بعد ما راسلته و لا هو
   ظليت اگلب بالفون  دورت رقم ثريا اتصل بيها  رن ما ردت  شويه و اجت رساله من رقم غريب
  -- بعدج احوالنه انگلبت  ............