صرخات مكتومه

بارت 10

  فاطمه :    .   كعدت الصبح گلبي مقبوض   و مخنوكه اجت على بالي امي نزلت بسرعه شفتها نايمه و ابوي كاعد بالحديقه  يشرب كهوه و فهد يمه و علي وجاي يتناقشون بامور الشغل 
  ام  غايب محضره الريوك الهم  (ام غايب العامله  اتنظف و تطبخ اصول كرديه جانت متزوجه عربي اتوفه زوجها و رجعت لكردستان  فقيره ومعدها اطفال اضافه شغلها مرتب نضيف ارتاحينه الها و وضفناها يمنه  )
صبحت عليهم و كعدت يمهم   مبتسمه  بس بعده گلبي   ما مرتاح  و مخنوكه  حته مشتهيت اتريك
سئلني  ابويه  شبيج   فطم مو عادتج
كتله والله يابه  احس دايخه يمكن لان هسه كعدت
   كملو اريوكهم و طلعو     ،
ابوي فتح معامل البان  و معامل نسيج وشغل بيها الولد   و شركة سيارات استيراد هاي تحت  اشراف فهد  لان هاي شغلتهم اصلا من جانو بتركيا ..
  كلها تشتغل عدا كاظم  لان صحته تعبانه وهم ميردونه يختلط باحد  حتى لا يرجع  ابويه  اشتره بيت  بفد منطقه و اجره وخله ايجاره مصرف الكاظم  كال ميصير اخوته تشتغل و هو ياكل تعبهم   هاي غير  مصرف و مسواك من ابويه البيتهم يعني  حالته عال العال     قريب زواج  عهد  اتصلت علي  شهد مرتين ماكو  كلت لازم اكللها عدها اخت عسا تحضر 
   زادت خنكتي من شفتها مترد  ذبحتيني يا شهد  معقوله كل هذا زعل .، رحت الكاظم اشوفه يتصل على بنته عسا اترد عليه ....
.
انجريت داخل اريد التفت  اشوف منو هذا   اريد افلت روحي افتح الضوه يربي هذا مو فؤاد واصلا فؤاد ميسوي هيج   كلها لحظات و واحد خله شفايفه على شفايفي وجان ينفتح الضوه  وهيه صرخه      بقيت مصدوومه   فاتحه عيوني على وسعهن  هذا ابن خالتهم و الي صرخت  سجى بنت فؤاد  و وراها   سميه بنت خالتهم  وكلها التمت وانا مصدومه عشت عمري ببيت كاظم عمري متعرضت لهذا الموقف 
    اجه فؤاد اسمع مرته اتصيح  شوف اتخزينه  ما مالي عينها راحت ادور غيرك وابن اختي و خطيب بنتي
سحلني فؤاد غلط وفشار  هو  و بناته ضرب و دفر ما فهمت شي  لسه بعدني بحالة صدمه اتذكرت من سرى كالت راح يوكعنج بمصيبه  
فزيت وجان اصرخ  فؤاد والله مسويت شي وربي مصدومه  اخذني سحل للغرفه      شمرني وقفل الباب وراح
   كعدت  بزاويه الغرفه  اللطم   وربي ممسويه شي  ظلم
   سمعته  يصيح و يتعارك و طردهم بنص الليل    ورجع فتح الباب  جايب بيده  عوده مال ماسحه
  شفتها ظليت املخ بشعري وربي  تبلي   ميسمع مني ابد ضربني لحد ما اتكسرت العوده  ودخل ابنه جره مني
كاله  لا  تتورط بدمها انخابر اهلها    يغسلون عارها
اسمع حجيهم واني نار تسعر بروحي    يربي همه هيج مطايقيني يخابر و يكللهم   صدك يذبحوني    خلي يذبحوني هيه شلونها الحياة و اتمسك بيها بس مو بهاي الطريقه و لهذا السبب وظلم 
   طلعه ابنه و قفلو الباب
و للصبح   محد كدر ينام  
  كرفصت روحي منتظره ساعات موتي  عيد عند عمي باسم ادري والله
  دخل  فؤؤاد     شفته خفت منه ومن شكله  رجعت ليوره لطشت روحي  بالكنتور اجه الباب يطك
  دفرني   بصفحتي كال شوفي  اخابر اهلج و يجون ياخذونج  بس  اذا صار طفل    اتنزلينه وما تبليني بي هاي اذا اهلج ما ذبحوج
  كتله  ما لمسني     وما تقربلي والصار تبلي
رجع دفرني كال يعني انتي بعدج بنيه
كتله وروح امي   كال حلو يعني ما لحكتي و الله فضحج وكل كلمه وياها دفره
  كال تمام بس هم ما تطلعين من بيتي مثل ما انتي    كتله  شلون يعني
كال بالليل افهمج اروح اشوف التاجر وهذا من حسن حضج
طلع و قفل الباب    ظليت الطم و ادك علي وجهي   بعدين راجعت كلامه كلت هذا شنو يريد يسوي بيه      اكلني التفكير وجهي كله دم صفاحييه تاذيني شعري مملخ   حالتي  ما اتمناها العدوي وياريت صدك مسويه شي و استاهل
  كلت محد  الي غير ثريا   ادور علي الموبايل    لكيته شفت  عمه فاطمه متصله غلست   اني باي حال  
اتصلت على ثريا كلتلها لحكيني و سولفتلها كلشي
كالت عزه ولج هاي يريد ياخذج بغير اسلوب    لا اتخلينه و انا رايحتله للمحل
    سدته
وظليت احمس بروحي  والغلط و الفشار من وره الباب اشكال
  ساع وساعتين وماكو ثريه للساعه 11   اتصل كاظم 
خفت متت خوف كلت اكيد  وصللهم خبر وجاي يحذرني يمكن ما رديت مريد اسمع شي  الي اني بي يكفيني قلق خوف الم    روح و جسد   وصرخات  مكتومه داخلي   
،   بين الاااه و الونه  انفتح الباب غمظت عيوني كلت  هاي النهايه وجان اسمع صوت ثريا     اتنفست      فتحت شفتها هيه باوعتلي ولطمت    وظلت اتهدد هسه ابلغ  وهسه اخبر  واليوم العب بيكم طوبه اتقرب فؤاد  كاللها  بعينه شفناها   اصلا حتى القانون   وياي و يعتبر غسل شرف 
اتقربت منه  شاورته هو راسن التفتلي خزرني  خزره   جمدت بمكاني باوعلها كاللها و المطلوب
كالتله اخذ البنيه هسه منا ولا من شاف ولا من دري  راد يحجي ما خلته     كالتله لا ادخلنه  بمتاهات  انت الي راح تنظر بيها مو غيرك    كاللها هاي هيه اخذيها و ولي وباجر اطلكها   سيد و محكمه ولا ادليني خلقتها ،

لو بيدي اهلهل هلهلت   معقووله راح اخلص من فؤاد  ما مصدكه
متجاهله  كلشي  وضعي وين اروح وين اجي وشلون جان ببالي المهم راح اخلص من فؤاد و اهل بيته وطلعت بالعليه ويا ثريا ودتني بيتنه  القديم
    نسيت اخذ كلشي وياي بس الموبايل
نسيت الجنسيه و اوراقي   وحته الشاحن 
بيومها كاظم اتصل مرتين اخاف ارد علي    كلت اشوف الوضع اول  
اتصلت على علي  ابن فؤاد كتله جنسيتي و اوراقي     اريدهن و شاحن علي شويه احسن من البقيه
كال بالليل اجيبهن  اصلا ابوي وكع من طلعتي الله لينطيج فوك ما طلعج من خيسة ابوج هيج اتجازينه
  سديته  منه كلت  عاد  هو عود احسن من كاظم شو نفس الخياس على الاقل ببيت كاظم عمري ما تعرضت للتحرش مثل ببيتهم هه
    ثريا رتبت اموري وكالت عندي طلعه لليل  اجي الفجر  حته اخذج و انروح  تطلگين و انرتب وضعج
    راسي وجعني  رحت غفيت   نعسانه  وما حسيت بشي  لحد ..
.
.
فاطمه ::
وضع شهد مو طبيعي   ابوها يتصل مترد وحته كاظم   حسيته خاف
  كال مو من عوايدها مترد عليه  ظلينه بحيره وانا بقيت ببيت كاظم
بس اكتشفت عهد و امها عدهن نوع من السم  كل شويه واسمعهن ختولي طبها مرض هيه ما متربيه وعهد  الظاهر اهواي اتغار من اختها
لان شفتها انطعنت من ابوها يحجي و يدور عليها
متحملت طلعت سمها كالت ختولي  انا بعد كم يوم زواجي  وانتو محتارين بهايه  شنو هاي بابا ما كفاها اخذتك مني عمر جايه علي هاي ايامي القليله وراح اروح
اجت امها  اطبطب عليها اي يمه هذا حظج من الدنيا    حجه كاظم لا بابا ماكو فرق انتو بناتي بس اختج بيها شي وجان رن موبايل كاظم اسمعه صاح شنو يمته هالحجي .....