دخل البيتهم وشفتها صارت صدك ....
يعني شنو صدك اي انتي هسه اتزوجتي واحد اكبر من ابوج ابوج باعج شهد باعج برخص اااااااه اااااه
كل هذا الكلام بداخلي احجي و اصرخ صرخات مكتومه وانا صافنه بالغرفه ودموعي تنزل من وحدها اتعبر عن اليأس الي اني بي ، دخل هزني من كتفي
ابو علي.. هاي شكو مو صار ساعه الغي بالج وين
باوعت علي كتله مسمعتك افكر بالحاله الي وصلتلها لو هم هاي بامركم بعد راح كعد على كرسي كدامي و ايدي على كرشه يحجي مستهزء اي وشبيها حالتج بله خذيتي واحد يسوه ابوج علي الاقل اشتريتج وجبتج بيت نظيف وعائله مو ابوج الباعج ومكعدج بيت ثريه و اشكالها تستوطن بي وضحك
كتله تدري كلامك صح ابوي باعني بس لا تتوقع انت احسن منه انت اصلا اسوء لان خليت عينك على بنته وهو صديقك والمصيبه بعمر بنتك وصديقتها انت واحد نگس نذل خااين للعشره
ما اشوف الا ضربني وملخ شعري وظل يغلط يسب وانا من حركت گلبي ازيد غلط مسبه جر ملابسي يحاول ينزعني بس مكدر لان تعبان وانا قاومته بكل قوه عندي معبالك مكتوله حسيت موتي وذبحي مو مجرد ملابس صرخت حد ما تعبت وهو هم تعب راح كعد على صفحه كال الليله اخليج براحتج وهو يناهد ضحكت على منظره كلت بگلبي ميعترف بكبر سنه ورحت ختلت بصف الكنتور وبجيت لحد ما غفيت .......
.
اربيل ..
فاطمه. وصلنه الساعه الفجر انا وعلي اخوي وعمار متنه تعب وقهر صار يومين ببغداد وكلشي ما استفادينه رحت على وجهي اغسل و ابدل خلصت صليت نمت وما اكعد للساعه 8 اجت زوجت علي اخوي كعدتني عمي يريدج
كمت طفرت غسلت ونزلت اصبح عليهم وكاعدين الكل متجمعه وتتريك سئلني ابويه هاي يابه شنو صار امس اخوج طلع مستعجل وكال خلي فاطمه تحجيلك
كتله والله يابه منين ابدي اخوي متدمر ودمر بته وزوجها الواحد اكبر منه وبديت اسولفله كلشي اول ما رحنه وحالت البيت المزريه و وضع بنته المسكينه
ابوي حيل انقهر وكال مستحيل اخلي هالوضع اعرف كاظم اهواي غلط بس يبقى ابني طفرت امي اي والله رسول انا ما بيه علي الفراك بعد و احس ايامي قربت و اريد اموت ببينكم اتوجه ابويه علي فهد كاله ها فهد ما شاركتنه بقضية عمك
كاله جدو عمي نكدر انجيبه هنا بس لازم يتعالج و مع احتراماتي يعني نكدر انجيبه بالفلوس اما بنته منكدر انسويلها شي هيه علي ذمة زوجها
امي كالت شلون بفلوس يعني
كاللها لتعزعلون بس عمي باع بته ف سهل نشتري
حته معرفنه شنرد على فهد ااخ يا كاظم دومه شالع گلبنه ومفشلنه من فتحت عيني علي الدنيا مشاكل كاظم لحد ما زوجو بت عمي وما كعد ملت وتطلكت منه وانوب هج وصارت شغلت ابوي وسافر هو وعلي واشتغلو هناك انا جنت متزوجه وزوجي مقبل و باسم وحسين بقينه بالعراق وبعد فتره سمعنه بي متزوج كرديه دورنه اني و باسم لحد ما شفنه عنوانه ودخلت وزوجته ما شاء الله لو هيج جمال لو ماكو نسخة شهد بس شهد شويه طويله اتذكر امها اقصر بس بعده بخرابيط مالته سكر وشرب وعربده ومرته هم تشكي منه بس خطيه جانت لا حول اخذها المرض وماتت و تركت بنيه وراها للظيم بعمر خمس سنوات اشكد حاولت اخذها منه مقبل بنتي وبنتي شهالحنيه معرف لحد ما ظلينه نتعارك ويا باع بيته واختفى لهاي اللحظه فهد الا عرف مكانه ويا ريتنه معرفنه جنه بحركه هسه بحركتين ،،،
بغداد .
كعدت الصبح راسي و عيوني مغوشه اوويلي لعد اشكد باجيه وما اسمع الا الباب اتكسر من الدك وصياح كمت اتصصنت شكو ؟ ،
اليوم ما ابقى بالبيت جايبلي وحده كد ببته ولا اخدمها اني يبوووووي يبوووي لو روحي لو روحها لو اعوفلكم البيت و اطلع
كلت ااي بدينه اسمع الي يهديها والي يأيدها والي يسكتها بكم كلمه دخيل ربكم حقها وربي لو امي بمكانها والله لاكل كويظم و اه يا كويظم
وجان اسمع صوت الشفيه صاح بيها ماسكتت كالتله ولك فؤاد جايبها هنا وعايش دور المعرس بعد هالعمر هيج تكسرني كدام ولدي و جنايني
كاللها اخذتها بدال افلوس ابوها مو ماخذها حب لو ميت على شكولها شفتيني مسويلها عرس حاطها ببيت شو هالمشموره ويا يبه حسبيها خدامه بعد
كل هذا كاعده وره الباب اسمع صياحهم كلشي محجيت بس حسبي الله ونعم الوكيل عليك يا كاظم
شويه ودخل اشكد تلعب روحي منه ادري هاي كل عقلها اتغار علي
كال شنو ست الحسن ناويه تكضيها هنا كتله متشوف الهوسه وين اولي
وبعدين اريد اروح اجيب هدومي
كال ثريا راح اتجيبهن عفست وجهي اجه اتقرب مني كال حضري روحج الليله يعروسه ولا المصيبه يغمز
ولا رديت لعبانه نفسي ومن اكول اريد اتقيئ ما ابالغ والله
ساعتين ودخلت ثريا كالبه الخلقه
لا سلام لا كلام ولج شهدوو هاي شنو هالجلاب الله يعينج
كمت بوستها كلتلها عادي متعوده كاظم مخله بنفسي شي ما شوفنيا بهالدنيا
كالت علي طاري كاظم تره ابوج امس انتكس حيل و ارتفع ضغطه واخذنا للمستشفي والفجر الا رجعنه
ورغم كلشي گلبي وجعني يا ناس ابوويه هذا
كلتلها ليش شبي
كالت عليج و علي اخوانه كلتلها تعالي صدك شنو سالفت هالاخوان
كالت يا ما تدرين غير طلع عندج اصل وفصل شو عجبني الوضع اتربعت كلتلها اي اي كملي ومتحمسه
وكعدت اتسولف عن جد وجده وعمام وعمات و اولادهم وهاي الي اجت اصغر عمامي و ارمله و الي وياها اكبرهم متزوج و عنده اولاد وبنات وجان بالخارج هو وجدي وهسه راجعين يستقرون باربيل كلتلها وهذا المتطفل الي كل ما اشوفه يتعارك
كالت هذا عمار ابن عمج الوسطاني اسم ابو باسم مدري حسين
وكعدت اتسولف كلشي وكالت كالو الابوج امشي ويانا وما قبل كال بتي مكدر اعوفها
وهنا الصدمه شنووو هاي منو يحجي كظومي اوويلي ستقوم القيامه
كالت والله شبيج وتالي عجزو وطلعو بنص الليل
وابوج اتخربط و ....
راحت ثريه وانا اخذت الهدوم سبحت وكعدت يا ربي والتالي شنو
دخل شيخ الشباب راد يتقربلي ولعبة نفسي اتقزز منه اشوفه مثل اب و بنته صعبه وخاصه سرى بنته بعمري يعني ما ترهم ضربني وطلع
وظليت لليل مكرفصه على روحي وكاعده
... اربيل
صار الليل وبعد العشه هم انجمعنه
ومن ضمن المواضيع انفتح موضوع كاظم وبنت كاظم
اخواني كلش حقدو علي و على سوايته ببنته بس ابويه اله راي اخر كال كاظم يجي هنا و اعالجه باي طريقه ولازم يصحه على روحه ضيع دنيا ليضيع اخرته
وطبعا امي شجعته و اخواني هم همه ببالهم كاظم و انا بالي هاليتيمه الي معرف شنو مصيرها
اجه يمي عمار هاي عماتي وين بالج كتله والله يا عمه كلها بالها بكاظم وصحة كاظم وانا بالي يم هالمسكينه شنو عيشتها ما ادري
شو هذا طفر كال ويطبها طوب من السانها بربج شفتيها بس تربية ثريا الگح.......
يا عزه الولد كلها التفت علينه وعلي كلمته رد فهد منو ثريا ؟
والله ظليت اكحكح شرد بله
وهذا انسرد على شهد يكله ياخي الساان دلالات ولك متنطي فرصه احد يفهمها خايفه من عدنه وهيه عايشه بين الكح... شي طابه شي طالعه
احنه هالحجي كله محجينا يم ابويه
كام من مكانه شنو هاي حجي جديد
والله صرت بنص هدومي شحجي بله شكول
كملها عمار ليش جدو محجولك
عمي كاضم مسوي البيت تره كعدات و روحات وجيات
ابوي احتقن وجها كال شنو يم بته وهذا يكمل يكله جدو يا يم بته اصلا الي مربيتها وحده مو شي جدو البنيه السان رشاش عبالك تكدر تحجي وياها اتكول تهي يا ربي
ماكو عمار نكتهن كلهن ورجع كعد
كتله ها عمه ارتاحيت كال لا والله احس ناسي شي محاجي كتله يبوي عليه
صفن صفن كال ااي اتذكرت اي جدو ما اكلك لبسها شنو خليها سكته ورجع اشوف فهد يباوع علي و يهز بيده كتله اتعلم من ابن عمك والله لو هو رايح جان كلمه محجه صدمني فهد من كال لو انا الرايح جان باجر السابعه
صفنت علي احتاريت هايي عود كاعد بالخارج بس يبقى العراقي غيرته وعقليته ما يغيرها شي وجان اتفززني من صفنتي صرخت امي وكع ابويه وركضنه ...
بغداد
اجه الليل وهذا هم دخل ووويع ربي
اجه كال شوفي اذا منعتيني ادفنج هنا كتله والله اهون عليه بدون مقدمات ملخني من شعري ضربني راشدي حقير ايده ثگيله اشكد بجيت ودفعته مكدرتله جر ملابسي شمرني علي الجربايه وشمر روحه فوكي هنا وصلت مرحله حسيت راح اتقيئ بوجها بس شو هذا كام ينافخ و وجها صاير اللوان
خزرني يغلط عليه هاي شبي
رجع كرر نفس الشي وهم ماكو
يا الله ارتاح گلبي بدون قصد صارت شبه ابتسامه على وجهي
لو احتر كنه الدنيا سودت بعيني من الضرب و يصيح فرحانه بيه مشمته بيه مو مينطيني فرصه ارد خررب يومه منين جاب هالقوه حد ما تعب وانا انهد حيلي اريد اشيل روحي مكدرت لبس و طلع
ما شفت خلقته للصبح
كعدت على واحد يجر بشعري
يمه طففرت هاي منو والا زوجة ابنه علي يله يالمسعده عمي كال شغل البيت عليها واحنه ممنوع نسوي شي ومنا بديت عيشيتي عدهم مريد اكول خدامه لا والله الخدامه احسن مني يومين بلا اكل وشرب وتعالي اشتغلي رحت للمطبخ سويتلي لفه وكلاص جاي وبلشت انظف وهنا ممصدكات يتامرن عليه خدامه و ببلاش
اسبوع و دخلت عليه ثريا وطبعا يتعاركن وياها رغم هنه عبالهم جارتنه ميعرفن سالفتها شنو همه يعرفون بي يشرب بس معبالهم نسوان وكعدات و حفلات خاصه بزود بيت ابو شهوده الي ملفيهم انا اعرف بس بعمري محجيت السرى ابوها يسهر يمنه ونسوان وكذا اابد دخلت وكالت هاي هدومج البقيه كلتلها اشلونه كظومي كالت ابوج اخذو اخوانه وراح يتعالج ويعيش عدهم وسمعت اخته اتكله مرتك عليه بس اتعالج و اخو يكله بيتك موجود
مكدر اوصف احساسي قهره وهضيمه وكسره يعني شنو ادمرت اني بلا سبب دمرني وراح يروح يعيش حياته ويتعالج ويمكن يصير عنده اطفال لعد واني ؟ حياتي مستقبلي دراستي
ظليت ابجي اجت ثريا و حضنتني كالت شكول بس الله يخلصج منا ولو تسمعين مني وتجين وياي وطز بيهم
كلتلها فدوه هالسالفه انسيها كعدت شويه وراحت
ورجعت انا والمصيبه امهم شمرت ملابسي واجابتلي ملابس مستعمله وكلها دشاديش تعبانه والله عندي ولد بالبيت وتراكات وبناطير ميصير جانت حسره عليه اسبح و اتعطر اتظل تلطم يبووي اتريد اتجرجر الولد وجناينها ما مقصرات وساعات نتعارك من الشعر اصلا يعني عايشه حياة ما اتمناها العدواني
ايام اتروح و تجي وماكو اخبار من كاظم كاعده صافنه كلت اي هسه ديتعالج و يزوجو وبيت وحياة رفاهيا يا شهد يا ضيمها ااه ااه
دك موبايلي رقم غريب طنشت مره مرتين بصراحه شكيت بالحيايه العندي كلت كلشي اتوقع منهن وانا ثريا ممقصره كلشي مفطنتني لليل اجه الشفيه صحته عود الليله عد مرته الثانيه العادل الامين المهم اجه كتله هذا رقم يرن عليه غريب
كال ايباااه تربية ثريا مترد على ارقام غريبه كتله تربيت ثريا ميت عليها وما جاي اتطولها كال شتفضلتي وجان يدفعني للغرفه لج يا سزز اتعايريني هسه غير اسكت وهو يضرب ويغلط و يسب وانا ارد علي لحد ما دخل ابنه وجره مني بس احس روحي طلعت الله يطلع روحه صاح علي ابنه يشوف الرقم شافه واتصل رد رجال
عمو شهد وينج انا عمج باسم
اخذه من ابنه كاله اتفظل انا زوجها كاله ابوها بالمستشفي وطلب يشوفها يما ابوي طفرت اريد احجي يا عمي ميخليني هو كمل يحجي كال والله عندي شغل عود افرغ اجيبها و سده كتله ليش مو مريض كال يطبه طوب مو احسن من الراحو كتله ها من جان ملفيك وكعداتك و انته مجان هذا كلامك وجان يريد يرجع يضربني وابنه لزمه كال عديها و شوفي وعقوبه الج ماكو روحه ....
أنت تقرأ
صرخات مكتومه
Tiểu Thuyết Chung.. والله مدري يعمه شوفها صافنه متحجي خوفتني وقلقتني ولج عمه شهد .. شهد دحجيلج حرف خاطر عمتي شوفي وجها اصفر اسمعهم كلشي يحجون بس مصدومه احس الساني مشلول اسمع عمه تحجي وخايفه وعمار يريد يعرف شبيه اتقربت مني عمتي وحضنتني وتبجي .. ع...
