ادمنت حدة عينيه

مشاهد

مشهد 1

ام سليم ـ يمه هلا بضوا البيت شلونج يبعد گلبي شو گطعتي بينه ما تجين

فاتنه ـ اوي بيبي خليهه سكته مو ثالث متوسط ظيم ظيم كرهت نفسي من الدراسة وبابا مخليلي اساتذه يدرسوني همزين خلصت الحمد لله بعد بس النتائج

ام سليم ـ يبعد روحي الله كريم يمه هذا مستقبلج وضمان الج من الزمن

فاتنه ـ هههههه يا زمن يوم يا زمن ما دامكم يمي هذا احسن ضمان

ام سليم ـ ترا محد ضامن نفسه شگد يعيش وخوفج من الزمن لو دار يمه يعكس ويخلي الردي يتجرا

مشهد 2

فاتنه ـ ههههه تخاف تحجيهه گدامي مو ذبيت الجطل ورفعت راسي حركت حواجبي يله احجي هاااا اي افتهمت الظاهر وجودي ضايقك استاذ نائل المحترم

نائل ـ استغفر الله ربي واتوب اليه عمه من رخصتج رايح بعدين اشوفج ونحجي تمام

ام سليم ـ براحتك يوم

فاتنه ـ ههههه لك بس لا زعلت تعال تعال ما احجي شي والله سولفوا ولا كأنما اني يمكم سولفوا

ام سليم ـ يمه فتونه شبيج ويه الولد اكلتيه وشربتيه

فاتنه ـ عفت الاكل وضغطت بايدي على الميز يووووم مو اني اللي بيه هو المن جاي من بعد هااااي السنين كلهه

ولو بيدي مو بس اشرب من دمه لا والله اذبحه وما يرفلي جفن لملمت شعري وطلعت من المطبخ صعدت فوگ فاير دمي منه والله اندمك يا حقير والله

مشهد 3

صرت بالسادس قبل امتحانات نصف السنه بكم يوم دخل جدو وجهه اصفر وراح هو وبيبي لغرفتهم

صعدت لغرفتي ادرس شوي وسمعت جوا صياح وعياط ابوي واعمامي وولدهم نزلت اركض شفتهم بيدهم انواع الاسلحه ركضت لمجاهد

مجاهد ـ فاتنه اصعدي لغرفتج

فاتنه ـ فدوه شكو مجاهد احجيلي عفيه شنو هذا شصاير

مجاهد ـ فتونه اصعدي فوك وصيري بغرفه بعيده عن الشارع لو تنزلين يم بيبي

فاتنه ـ هسه غير يگول شصاير احجييي

مجاهد ـ سحب نفس قوي هذا الزمال باقر داعم ولد وكاتله خلاص عرفنه هذا الولد اخو نائل الصغير عمره 12 سنه وهسه دزولنه كوامه

خاف كلشي يصير ادخلي ويه بيبي بغرفتهه ولا تطلعين لاي سبب حتى لو الدم يوصل للغرفه ما تطلعين مفهووووم فتونه

فاتنه ـ لزمت گلبي لا يمه لا مجاهد فدوه لا تطلعون اخاف والله اخاف لا يصير بيكم شي لا يعيدون الثار القديم لا تطلع اروحلك فدوه مجاهد

مشهد 4

شربتهه الحبه ونفسهه ضعف صحت سهى الجهاز بسرعه اركضييييي شوي وجابته انطيهه ما تسحب نفس لا فاتنه لا دخيلج اسحبي نفس

اضربهه اريد ماكو صحت وخروا عنهه وخروا الله ياخذكم نفخت بحلكهه واضغط على گلبهه وما تستجيب شلتهه وركضت للسياره امي اجت وياي خليتهه بحضنهه وبسرعه وصلنه للمستشفى

اخذوهه مني ساعه تقريبا متت احس ما بيه دم بعد لما گالوا صارت زينه روحي طلعت گعدت بباب الردهه وبجيت صحت يمه بعد ما ابقيهه يمكم والله جان ماتت

شلون ولكم لا خليت فلوس لا صخام هالك روحي حتى لا تاذونهه شسوي وياكم شسوي بس گلولي لما تموتونهه وتحرموني منهه

********†*********†*********†*****

هاي قصتنه الجديده وهاي مجموعة مشاهد من بارتات مختلفه قصه بيهه الغاز هواي تكتشفونهه ويه كل شخصيه تجي جديده بالحوارات

لا تنسون تعلقون وتصوتون حتى تصعد والتنزيل بين يوم ويم بحكم دوام المدارس والامتحانات

شجعوني وكلما يصعد البارت بسرعه واشوفكم واشوف تفاعلكم تجيكم بارتات مفاجئه ☺️