ادمنت حدة عينيه

بارت 7

ليتك كسرت اضلوعي واحد ورا الثاني
ترى كسرت الخاطر حيل اذاني

*********************************

نائل ـ هههههه تردن تقنعني انتن الفقيرات مو ولجن ما هججتن مرت مرتضى بليله ضلمه ما خليتنه طلگهه وجانت تشتغل عنجن كلشي
شوفن اني مو مرتضى واصدك بيجن مفهوم هالمره صارت مره ثانيه اموتجن بيدي يلللللاا

فاتنه ـ اخذتني امه بغرفتهم مددتني على السرير

ام نائل ـ ها شلون صرتي
فاتنه ـ تحجي وما تباوع يمي
زينه هسه اگوم احضر للعشا لا يضل بالج
ام نائل ـ شوفي فاتنه اي شي يحجنه البنات لا تردين اسكتي منهن هنه فتره ورايحات
اتاجل عرسهن بسبب وفاة اخوهن كلشي تشوفينه لو تسمعينه اسكتي لا اذن اللي تسمع ولا حلك اللي نفتح

فاتنه ـ بس عمه تجاوزن علي وغلطن وسبن ويمشن ويرجعن يكفخن بيه ترا اني هم بشر
هسه ضربن ميخالف مو تدري بيه گلبي مو زين وتضربني برجلهه حيل لا وعلى گلبي
ترا هنه صدك بناتج بس اني هم بنت ناس هم اهلي ينقهرون علي
ام نائل ـ ادري اسكتي لخاطري اسكتي اذا معتبرتني بمقام امج اخذي حجايتي واكسبي نائل اليوم ابوه تعارك وياه بسببج
فاتنه ـ ليش اني شكو واذا ابنج نائل خاله ترا هاي حيل واگفه

ام نائل ـ ابني ما يريد يكسر بختج وابوه رايد نيشانج الصبح وهو ما ماخذ بحجي ابوه حتى انهان بسببح
فاتنه ـ عمه هو يعرف كلش زين اني ما اطيقه ولا اشوفه شلون اسلمه نفسي تحجون صدگ انتم لو ينط والله اخر احلامه هاي الشغله
ام نائل ـ اي نحجي الصدگ ليش انتي هسه مرته بشرع الله شنو السبب عندج شي ثاني

فاتنه ـ هزيت راسي
لاااا والله مو مثل اللي تفكرين بيه ابنج يعرف كلش زين اني ما عندي بهيج شغلات
حتى دوامي هو ياخذني وهو يرجعني ترا مو اذا البنيه ما سلمت نفسهه بسهوله يعني اكو شي بحياتهه
عمه اكو شي اسمه تقبل واني ما متقبلته رجاءا لا تضغطون علي خليني اشتغل اي اشتغل حتى اتعلم طبخ وكلشي
بس سالفة نصير اني وياه مثل اي زوج وزوجه مستحيل

گمت گوه اجلب باي شي گدامي وامشي
جسمي كله يرجف نزلت دمعتي مسحتهه يعني كلامه البارحه بالليل صدك
ام نائل ـ انتي الخسران الاول والاخير لان عمرج راح تخلصينه وياه ومستحيل يتركج بيوم فاستسلمي للامر الواقع وبدون هذا الحجي كله

فاتنه ـ ما حجيت لان لو حجيت انفجر بوجهه واني گوه يله متحمله روحي وماطولهه زينه وياي خليني زينه وياهه
رجعت للمطبخ ولا واحد موجود كملت ثرم الخضروات وجهزت الكباب وحضرت سلطه وباذنجان وبتيته وياه وطماطه
بديت اگلي بيهم ولاول مره ما اخاف لازم اعتمد على نفسي جنت بيت اهلي مدلله هنا لازم يروح الدلال

كفيت المطبخ حتى لا تزيد علي الاغراض اجن من برا وجهن بي شر الدنيا واهلهه
ما حجيت شي بقيت اكمل شغلي على الساكت خلصت نقلت الاكل وهنه محد كلفت نفسهه
حتى ابوهم ما يحجي شي لو يگول ساعدوهه جريت حسره ميخالف نطيتهم الاكل وصعدت فوك حتى اكلهم ما اريده
بقيت افتر بالغرفه شسوي يا ربي تعبت هاي اول يوم وهيجي شيخلص العمر وياهم شوي ودخل