ادمنت حدة عينيه

بارت 36

من كل گلبي احبهه ما مجاملهه

حبيبتي وانا رجالهه وخلهه

صح ما نتفق مثل الحجر والجام

بس ما نفترگ بالعركه اغازلهه

****************************

توفيق ـ والله ما الهه داعي عادي نرجع واسويهه باربيل ماكو مشكله

نائل ـ لا عمي هنا حتى الاجهزه احدث يله اتجهز على ما اجهز نفسي

توفيق ـ ان شاء الله بويه

نائل ـ غسلت وصليت وبدلت سريع وصيت ابوي عليهه بعد ما سلگتلهه الخضروات وجهزتهم

ادعيلنه يابه واذا گعدت گللهه ابوج راح تسوق ولهيهه حتى لو خليهه تتصل باهلهه وتحجي ويه الجهال اعتمد عليك

واثق ـ خلص بويه اتطمن وطمني ما اگدر اعوفهه وحدهه توكلوا على الله

نائل ـ الله كريم اخذت عمي وطلعت كملت كل فحوصاته ودخلوه للعمليات كملوا القسطره

ورا نص ساعه طلعوه وراهه بساعتين تقريبا صار زين الدكتور گال للعصر يطلع

فاتنه ـ گعدت ما لگيت نائل لبست الروب على ملابسي ولميت شعري شفتهه بال 10 الصبح طلعت اغسل وجهي ماكو احد شسالفه وين راحوا

غسلت وفرشت اسناني شفت نائل مسويلي خضروات اكلتهم وسويت عصير شفت على الجدول بعد بس المشي والركض والعلاج

رحت اصبح على بابا ماكو ما لگيته اها وين راح دگيت الباب على عمو رد

واثق ـ تعالي باباتي ادخلي

فاتنه ـ صباح الخير عمو

واثق ـ صباح النور هلا بنيتي اكلتي

فاتنه ـ اي الحمد لله وسويت العصير وشربته بعد بس العلاج والرياضه

واثق ـ كلش زين تجهزي حتى نطلع انه وياج نكمل الرياضه

فاتنه ـ ليش وين بابا ونائل ما موجودين

واثق ـ ابوج راح تسوق يمكن گال اريد افتر شوي يريد يغير جو ويمكن ما يرجع للعصر لو للمغرب

ونائل گال عنده فحوصات ما اعرف شنو يريد يجيك نفسه قبل لا نرجع

فاتنه ـ اي گال البارحه يله اني ابدل واشرب علاجي حتى نطلع وما نتأخر