شسويتلي وهلگد صرت مشتاگلك
وانا ما ناقصني شي بس مدري ليش احتاجلك
يا شعر يا الما لك وكت
يا التجي ابالي من التفت
يا التوني بيك اتعرفت
بس جنك شگد صارلك
شسويتلي وهلگد صرت مشتاگلك
*******************************
نائل ـ فدوه للنايمه ليش هيج متكسره يروحي
فاتنه ـ خطيه ود ارتفعت حرارتهه وجنت اسويلهه كمادات حتى تنزل الحراره
نائل ـ عضيت شفه
مشتاقلج عروم طاگ گلبي عليج
فاتنه ـ ههههههه وخر لا يدخل احد عيب
نائل ـ قفلت الباب
فاتنه ـ فاسد مو بيدك
نائل ـ اعجبك يول
شلتهه ومشيت بيهه عكس وجه ود بستهه بلهفه ابتعدت
مشتاقلج يا عذب صافي ابهرتي الزبده فتينتي
فاتنه ـ واني هم احبك يول
نائل ـ ههههههه يولو عشگك بگلبي يسري
فاتنه ـ يا حيلي وسهر ليلي
نائل ـ فتينه وخري مني لا ابتلي بيج هسه
فاتنه ـ وخر ايدك مني اني اوخر مو لاطشني بيك وتگلي وخري هههههه اي شلون اوخر
نائل ـ ها اي يله روحي
فاتنه ـ ههههههه شبيك حبيبي المشتعل
نائل ـ انجبي ما بيه شي ولي يله
عفتهه تضحك وطلعت للمغسله غسلت راسي ووجهي ورگبتي
رحت للمطبخ اخذت مي من البراد صبيته على راسي مسحت وجهي ونكثت شعري جريت منشفه نشفت راسي وگعدت على الميز روحي رايحه
ااااخ يا فتينه
عمر ـ صباح الخير
نائل ـ صباح النور
عمر ـ شلونك اليوم
نائل ـ الحمد لله
عمر ـ ترجعون اليوم غير
نائل ـ اي بعون الله ليش اكو شي
عمر ـ لا ماكو شي بس فاتنه تداوم غير
نائل ـ يحجي وياكل تفاح
شنو دخلك داومت او لا شي ما يخصك
عمر ـ هيج بس اسأل
نائل ـ اي لا تسأل تسوي فضل
عمر ـ هههههههه يقار القيور ولك هسه اني عمهه يا زمال
نائل ـ ما زمال غيرك المتحرش زير النساء تموت على شي بي نسوان ريحة النسوان اسم النسوان هيج تتسرسح
عمر ـ هههههههه البعير ابو برطم الحقود
نائل ـ لا تشوفني گدام ابوي متقبلك تاخذ راحتك كلش اطيح حظك والله
رن تلفوني
هلا مجاهد صباح النور
اي شوي ونطلع بس يگعدون ويكملون
الله كريم
اي ابقى بسليمانيه من اجي اگلك وين تلگانه
اي روح لجمانه احسن
مع السلامه
عمر ـ ها ابو برطم كافي حقد خلينه نبدي صفحه جديدة ونصير صحبان
نائل ـ باوعتله بطرف عيني
انته واني وياك
وأأشر باصبعي عليه من فوك لجوه
ما اريدك ولي
گمت اريد ارجع للغرفه ابدل طفر علي گوه ثبتت نفسي
ولك الزمال هاي سوالف دكتور جامعي
عمر ـ غير انته ما شايفني هناك اموت
نائل ـ شفناك فوك شفناك تحت كلك على بعضك بوخه يا خايس
عمر ـ هاي انه
نائل ـ نعم وبكل فخر
عمر ـ ولي نويئل راح اكرهك بعد وما افكر حتى احبك
نائل ـ اصلا تسوي فضل
عفته ورحت بدلت وجمعت ملابسي اخذتهن فتون
هاج حبيبي ضميهن بالجنطه مالتي
فاتنه ـ اي جيبهن بس ارتبهن
نائل ـ مرتبات بس ضميهن هاج
انطيتهه بيدهه وبستهه بخدهه
احبج
فاتنه ـ ههههههه عيب وراك عمر عود من نرجع لبيتنه حب براحتك بوس براحتك مو هنا
أنت تقرأ
ادمنت حدة عينيه
Humorما بين مريضة بالقلب وشاب منطوي يتخرج ليصبح صيدلاني تحكمهم الاعراف والتقاليد يا ترى من سيفوز بينهم الحب ام الاعراف تحت وطأة الثأر
