ادمنت حدة عينيه

بارت 43

مدري شنقص بالعمر

من المرض جاسك

الليله انومك واضل گاعد بصف راسك

ولو نزل مني الدمع

لا تقلق اتطمن

صدگني راح ابتسم

لمن تصير احسن

********************************

ود ـ نائل همزين جبته وياك خفت كلش

نائل ـ يروح نائل بنيتي كافي بجي يله روحيله مشتاقلج روحي هزت راسهه وراحت وگفت يمه حضنهه وباسهه بخدهه

ماهر ـ ود يا عشگ الشروگي ليش تبجين هذا كدامج ما بيه شي شوفيني

ود ـ ليش ماهر شگد حجيت وياك ليش ما ترد

ماهر ـ ههههه هذا انه رجعتلج حبيبي انتي

نائل ـ عامر بقى يباوع لمرته وهيه مستحيه من عدنه رحت يمهه رغد روحي لرجلج يله لا تستحين

رغد ـ بس نائل

نائل ـ ابتسمت روحي يله لا تستحين يله خطيه شوفيه شلون يباوعلج راحت تمشي على كيفهه هو بطنه توجعه وصلت يمه گعدهه على رجله وباسهه واحنه ضحكنه

عامر ـ سرسريه وين تباوعون

عمر ـ ههههههه اصلا محد مباوع مو هيج نئولتي

نائل ـ اي عمورتي اروح فدوه لشواربج الجنهن سعفه

زيد ـ روحوا خر*** بيكم اروح احجي ويه خبيطتي

ايهاب ـ ربيييي انته تشوف كلهه مرتبطه الا حظي سنگل هسه توفيق كونه بعد مكثر انتاج شبيه قفل

نائل ـ هههههه سرسريه والله من تسمعك فتون الا تمسح بيك الگاع رن تلفوني ضحكوا طلعته فتون رديت ها حبيبي

فاتنه ـ ها عمري وينكم اتأخرتوا

نائل ـ اخذنه العارات تشوفهم امي ونجيبهم كلهم باجر بعون الله الصبح نطلع

فاتنه ـ ان شاء الله

نائل ـ رحتي للدكتوره لو هم أجلتيهه

فاتنه ـ لا ما رحت انتظرك

نائل ـ روحي فتون لا تنتظريني حبيبي

فاتنه ـ لا هو باجر من تجي نروح قبل لا تقفل العياده

نائل ـ ماشي حبيبي ارتاحي

فاتنه ـ الله كريم سديته منه گوه اكلت شوي ونمت عمه ام نائل تفتر وراي اكلي واكلي واني ما الي نفس متعوده نائل يوكلني وياكل وراي

باجر ادخل بالشهر الثامن والثگل يزيد بس مو مثل التوأم ثاني يوم يوصلون الظهر رحنه الصبح اني وعمه ام نائل والاطفال لبيت عمو واثق