ادمنت حدة عينيه

بارت 18

خذيتك منهم وخليتهم دخان

شمحلات التحبه وتاخذه بهمه

ضواهم ما يهم الگمر بس بالليل

الشمس تفرش ضواها ابين الف نجمه

ما مقسوملي مقسوملي امتانيك

هو الرايدك شيقنعه بالقسمه

حرفيا هاي الابيات

تمثل بارت اليوم

*

*******************************

فاتنه ـ كلشي ما اريد اريدك الك وبس

نائل ـ بس اني اريد جريت وجهه بستهه بطرف شفتهه اريد اشوفج باحلى طله ماشي

فاتنه ـ تمام گعدنه شوي نسولف ونضحك گال

نائل ـ يله اني اروح واجي بالحفله ماشي ما راح اجيب هواي ناس بس عمتي وامي والبنات وكم رجال وياهم

فاتنه ـ براحتك حبيبي

نائل ـ احجزي بدله وصالون والزمي هذن للحفله

فاتنه ـ ماكو داعي والله

نائل ـ لا اكو داعي اني مخليهم لهيج يوم يله اروح اني انطيني بوسه تصبيره لما اجي بعدين بستهه بشفتهه سريع وطلعت للبيت مرتاح

فاتنه ـ الله وياك حبيبي انتبه من الطريق راح نائل ورجعت للبيت البنات مصوريني من بايسني ويحلفن الا يخلنهه بالمهر على الكاسات واني ابجي وهنه يضحكن

ثاني يوم حجزنه البدله والصالون كملنه كلشي واليوم حفلتنه راحت وياي جمانه وصلت للصالون سوتلي شعري برم وصعدت شوي منه بف والباقي نازل

وبدلتي اوف وايت نفخ قليل رجعنه باقر يرگص وياي بالسياره وفرحانه من كل گلبي گاعده على الكوشه ومنتظره حبيبي يجي

طبعا هو اشترى الذهب لان اخذ قياس اصبعي شوي وجددنه العقد بين اصابعي هيل وقران مفتوح على سوره الفتح وجوا رجلي مي بيه ورد وياس

وهالمره عقدنه بفرحه مو مثل ذاك العقد كملنه العقد دخل مبتسم باسني براسي وگعد يمي وخاله ام ساهر تهوس وترگص وراهه صاحت

ام ساهر ـ ولك نائل بوسهه عليك العباس بوسهه اذا ما بستهه ما احسبك من الزلم

نائل ـ افا غاليه والطلب رخيص ما يحتاج توصين حريص

فاتنه ـ نائل لا مو گدام الناس حبيبي فدوه شوي وشفت جمار جابت عبايه خزرتهه غطتنه بيهه وضحكت صاحت

جمار ـ خاب نائل بوس يحضي شمالك هيه فرصه والحياة فرص ما تتعوض

فاتنه ـ لا حبيبي لا مو گدامهم فدوه وهو يبتسم بخبث جرني وباسني طول وين يله رفع راسه ورجع باسني مره ثانيه دفعته كافي عيب من الناس شيگولون