ادمنت حدة عينيه

بارت 26

انا الما عنده حظ بهاي دنياي
انا ال بس المصايب توگف وياي
انا الما يدري منه الدنيا شتريد
انا الما عنده واهس حتى للعيد

********************************

ابو نائل ـ تبنيتك من دار الايتام لان امك سنين ما صار عدهه اطفال هسه خوش برد گلبك ارتاحيت
نائل ـ الله لا يوفقهم ولا يوفقكم الله يجازيهم ويجازيكم بسوء اعمالهم واعمالكم شنو ذنبي ها شنو ذنبييييي شلون راح اواجه اطفالي وزوجتي شلوووووون
شلوووون شلون احط عيني بعينهم ولكم ااااااخخخخخخ يا كسرة الخاطر شگد ثگيله اااخ ربي رحمتك بس رحمتك الهيييي
يعني هسه انته هاي الفلوس اللي جاي تسحبهن مني كل اللي صرفتهن علي مو
ابو نائل ـ اي
نائل ـ شگد بعد الك يمي
ابو نائل ـ مليونين
نائل ـ تتدلل

طلعت رحت للبنك سحبت مليونين ورجعت للبيت
هاك اعتقد هسه كلشي اتصافينه بيه لا اطلبك ولا تطلبني وهسه اني رايح
طلعت امي شافتني
ام نائل ـ تعال يوم وين رايح
نائل ـ ليش ما گلتيلي من البدايه ليش كسرتيني مثله
ام نائل ـ شنو اگول يا حبيبي اگلك انته اللي من ساعة اللي صرت بين ايدي ربك زرع حبك بروحي شنو اگول فهمني گلي

نائل ـ دموعج غاليه يا الحبيبه انطيني اي شي اسم الدار احد اخذتوني منه خلي ادور بلكي الگه خيط اعرف منو همه وليش هيج شمروني
ام نائل ـ ما راح تلگه شي ابوك 7 سنين دور العراق كله وما لگه شي يثبت هويتك مجرد بس اسم
نائل ـ وشنو جان الاسم
ام نائل ـ فرقد
نائل ـ ههههههه يعني حتى هذا الاسم مو اسمي

نزلت دموعي خليت راسي بحضنهه
يوم تعبت والله تعبت ليش ضميتوا علي
شلون اواجه عائلتي شلون اخلي عيني بعين فاتنه واني لقيط شلون فهميني
ام نائل ـ فاتنه لان تحبك ما راح تخليك مقهور اعرفهه والله
نائل ـ لا يوم الا هاي الا هاااااي ليششش ليش من يوم يومي واني اشوف نفسي مختلف عنكم شكلي شخصيتي
كلكم ناعمين واني ضخم كلكم بشرتكم بيضه واني اسمر كلكم تختلفون عني بكلشي مرتضى واخواتي يدرون بيه مو اخوهم

ام نائل ـ بس سناء ومنار ومرتضى
نائل ـ فهمت فهمت من هيج جانت نظراتهم الي نظرة استحقار وقرف
من هيج جنت من احجي وياهم ولا واحد يسمعلي
من هيج ابوي فضل مرتضى علي وشيخه هسه عرفت

رفعت راسي من حضنهه مسحت وجهي ود جابتلي مي ما رفعت عيني بعينهه من اليوم اني غريب مو اخوهه اللي ربيتهه وتعبت عليهه ويه امي

ود ـ نائل ليش مدنگ ارفع عينك فدوه والله انته اخويه اكثر من مرتضى عمري ما حسيت بحنية الاخو الا منك لا تكسر بخاطري الله يخليك
نائل ـ اخيتي والله
رفعت راسي فاتحتلي اديهه دنگت وعيوني تجري
ود ـ ارجع احضني مثل قبل والله انته اخويه نائل

نائل ـ هزيت راسي اي حضنت راسي بجيت وحضنتهه قوي
بنيتي انتي والله بنيتي ربيتج بايدي من اول دقيقه
بس اني جنت ويه امي وانطوج الي بيدي انتي وسهى هم مثلج ود ادعيلي اروحلج فدوه ادعيلي فتون تفهمني وما تعوفني ادعيلي اطفالي يتقبلوني
ود ـ حبيبي اخويه فتونه فاهمه وعاقله مستحيل تفرط بيك مثل ما انته تحبهه هيه تحبك واطفالك سندك لا تتركهم
يله انته قوي نائل مستحيل هيج شي يأثر عليك ارجع لحياتك وعائلتك ولا تنسانه اني وامي وسهى نموت على تراب رجليك صدگني
نائل ـ بعد روحي اخيتي