ادمنت حدة عينيه

بارت 6

تلاگينه عرف بس الصدگ غربه

درب واحد ولكن كلمن وگلبه

وفز گلبي طفل حلمان بس مرعوب

فز ويلگه ابوه جنازته مغربه

*******************************

فاتنه ـ عيوني تجري وامسحهن حضنته احبك يا اماني

ورحت حضنت بابا ويبجي واخواني هم كلهم امسح بدموعهم وابوسهم واشمهم اخاف لا بعد ما اشوفهم

وعمامي واولادهم كلهم اخر شي وصلت لباقر گاعد وايده على راسه يلطم ويبجي

رفعت راسه ضحكت ها ابو المصايب مو گتلك على يوم تورطنه بمصايبك حضني حيل ويصرخ

باقر ـ لج فتونه لا تروحين اني اسلم نفسي الهم بس لا تروحين

ولج انتي عزيزة كلبي فتينه انتي اخيتي من روحي خلي يذبحوني خلي يسوون اللي يردونه بيه بس لا تروحين وياهم

فتينه اموت نفسي والله اذا رحتي لج اني حمار اني عار اني ما بيه كل خير اني زمال والله

فاتنه ـ كافي كافي يله رفعت راسه مسحت دموعه بست عيونه هيج طلعت غاليه عليك وما ادري

باقر ـ واكثر والله انتي اعز من اختي والله حتى اعز من روحي فتونه لا تروحين اروحلج فدوه

خليهم يموتوني يذبحوني بس لا تروحين وياهم ابوس ايدج لا تروحين وياهم

فاتنه ـ لاجلكم روحي ترخص انتم عزوتي لا تدنگون الراس بيوم خليكم دوم هيج روسكم مرفوعه

خليكم فخورين بينه احنه بناتكم ابتسموا محد يستاهل تنزل دمعتكم

يله اني اروح اكمل الفرض الثاني واذا اجو انطوني خبر

گوه لازمه نفسي گدامهم صعدت وصلت لغرفتي ودخلت كملت صلاتي وبجيت من كل گلبي

شنو اللي راح ينتظرني هناك شوي ودخلن يمي البنات يبجون

ساره وجمانه وجمار وبيدق وميس من عرفوا راح ياخذوني اجوني يحضنون ويبجون وياي على بجيتي

جمانه ـ لج فتونه لا تروحين حبيبتي انتي والله اتصلت بنائل وما جاي يرد

بيدق ـ حتى اني ما يرد علي

ساره ـ ولا اني

ميس ـ لا تروحين حبيبتي انتي تنحل والله تنحل يمكن يومين ويلگون غير حل فتونه ما نريد نضيعج فدوه حبيبتي انتي

فاتنه ـ خلصتوا حجي يله كافي امسحن دموعجن مو بنات عمار تنزل دمعتهن كافي يله خلي نخلص هالكم ساعه فرح وضحك

محد يستاهل ننقهر لخاطره يله اضحكن سارونه وين عموره مشتاقتله

ساره ـ يم ابويه جوا يسولف وياه