وما اظن فرحتي تدوم
واخذ كلشي يسعدني
ولا اظن عافيه التبقى
ولا عاشگ گعد حظه
*********†********†********†******
جمار ـ الله يخليج عوفينه ما نريد لا رياضه ولا رجيم جسمج حلو خلص اسكتي واستري علينه ما بينه حيل هبطات
فاتنه ـ عابتلج يله انزلي
نزلت قبلهن حضرت ويه بيبي وگعدنه على الميز ناكل كلنه
جدو اتصل بنائل حتى العصر يطلعنه للسوك
اشرتله على باجر رجع اتفق وياه على باجر كملنه الغدا ورتبنه المطبخ وصعدنه لغرفنه ما شبعانه نوم نمت لان حيل تعبانه من الامتحانات
گعدت جريت الفون لگيت الساعه 1 بالليل
يوووووه شگد نايمه
البنات نايمات نزلت جوعانه
حميت الجاي وطلعت سمبوسه جبن خليتهه بالقلايه وحميت صمون بالمايكرو
گعدت اكلت وفرشت اسناني وصعدت شبعانه نوم صرت العب العاب محملتهم بالتلفون
بعدهه دخلت على الفيس شفت قصه عجبتني صرت اقرا وشي ورا شي لما نعست شفته صار الفجر صليت ونمت گعدت بال 12 الظهر
نزلت صبحت عليهم وشربت كوب عصير بيبي تعودنه نشوف نائل يمهه عادي
لان البنات عرفوا بيه بيبي حجتلهم عنه
ام سليم ـ فتونه يوم طلعي الخيار وسوي سلطه
فاتنه ـ تمام يروحي
گعدت احضر بالسلطه ونائل ياكل مرتين بالمره الثالثه ضربته على ايده حيل
نائل ـ اااخ شبيج
فاتنه ـ ما تشوفني جاي احضر شكو تاكل ابو بطن
نائل ـ ام عين الضيگه هسه ماكل من كدج
فاتنه ـ لا والله خاف ما تقبل والله اذا مديت ايدك ادججك
نائل ـ ههههه ما تگدرين عمتي تحميني منج
فاتنه ـ لا والله واثق من نفسك مو جرب وشوف والله ادجك
نائل ـ عمه تعالي لهاي السمينه ما تخليني آكل
فاتنه ـ ولك منو سمينه هااا منوووو
اخذت السجينه وركضت وراه
والله اذبحك منو سمينه انته مو جنك حايط شكو تحجي علي البعير
نائل ـ ههههه حايط ولا سمينه الفيله
فاتنه ـ يا ربي انوب يعيدهه والله الا اذبحك
اني اركض وراه وهو يضحك لما دخل جدو
ابو سليم ـ ها خير شكو سجينتج وتركضين وراه شكو
فاتنه ـ جدو يگلي السمينه الفيله والله اذبحه اليوم هو گوه متحملته انوب يغلط علي
ابو سليم ـ لا بابا انتي تخبلين وينج ووين السمن
نائل ـ لا عمي هيه سمينه شوفهه
فاتنه ـ عاااا والله اذبحك
هو يفتر ورا جدو واني وراه لما زلگت ووگعت بالگاع
راحت روحي ركضوا علي يردون يشيلوني بقيت ابجي
كله منك الثور الهايج كله منك يمه ايديييي ااااخ ايدي بس لا انكسرت ووراي عرس
نائل ـ لحظه لحظه هسه نشوف جيبي ايدج
جريته شوي شوي طلعت هيج مجرد تمزق خفيف وهيه تصرخ جبت زيت ومرغتهه الهه صارت تحركهه
ابو سليم ـ ها فتونه بويه صرتي احسن
فاتنه ـ اي هسه احسن
ابو سليم ـ يله بويه عدت الحمد لله على سلامتج ويله تعالي وياي نتغدا حتى العصر ياخذكم نائل للسوك
فاتنه ـ تمام
امشي وامرغ بايدي حيل توجعني
اووي عساك بوجعي المخنزر
أنت تقرأ
ادمنت حدة عينيه
Юморما بين مريضة بالقلب وشاب منطوي يتخرج ليصبح صيدلاني تحكمهم الاعراف والتقاليد يا ترى من سيفوز بينهم الحب ام الاعراف تحت وطأة الثأر
