ادمنت حدة عينيه

بارت 1

ادمنت حدة عينيه

رفيف الحسني

**********************

فمزاجها متقلب بالنرجسية تتصف
ان جادلت لا ترحمك
ان اخطأت لا تعترف
ان عاندت يا ويلتي
اياك فيها تستخف

*********************

فاتنه يله گومي اجه جدو يريدج

فاتنه ـ عوفيني ميس خليني انام  نعسانه والله
جريت اللحاف على وجهي
وخري مني

ميس ـ گومي والله جدو جوا اسمعي صوته اجه يريد يشوفج

فاتنه ـ يعني مو تجذيين علي مثل كل مره حتى تجريني وياج اغسل الگراج

ميس ـ لا والله روحي انزلي وراح تشوفينه بعينج

فاتنه ـ گمت جنت لابسه برموده سودا وكيمونه نيلي وشعري نازل جوا خصري نزلت افرك بعيوني وصلت للصاله صدك هذا جدو ركضت حضنته

حبيبي جدووو مشتاقتلك

ابو سليم ـ يبعد روحه وعمره لجدهه شنو بويه شو ماكو ما تجين بعد ليش شنو بطلتي تحبيني وصار فراگي سهل

فاتنه ـ لا والله دراسه وتعب وامتحانات هو هسه مال مدرسه خلونه نشبع نوم وبعدين نفكر بالدراسه وقهرهه

ابو سليم ـ ههههه شوكت تشبعين نوم لخاطر الله هسه تروحين وياي بيبيتج مشتاقتلج تگول اريدهه كم يوم وهم ساره تريد تجي تشوفج وبيدق وجمار وجمانه يردونج

فاتنه ـ التفتت بابا گاعد مبتسم گتله
بابا اروح ويه جدو كم يوم وتعال رجعني

توفيق ـ تتدللين حبيبتي روحي تونسي واذا ما گدرت ادزلج نائل يرجعج

فاتنه ـ اووووي هذا ابو عيون المخنزره ما اريده

توفيق ـ ههههه عيب بابا ميصير هيج تحجين الولد مؤدب وما بيه شي مو زين

ابو سليم ـ يله مو نائل يرجعج باقر ابن عمج هسه متفقين

فاتنه ـ اييييي يسسسسس متفقين على الاقل اگدر اخذ راحتي واشاقيه مو ابقى بس صافنه على الطريق مثل التمثال

توفيق ـ يله هاي هيه اللي تردينه يصير روحي جهزي اغراضج وراكم ترجعون قبل الليل وحظر التجوال

فاتنه ـ تمام

رحت حضرت جنطتي اخذت كم لبسه للطلعه حتى نتونس اني وعماتي اللي ما اگوللهم عمه هههههههه وهنه ما يقبلن اگول عمه يگولن تكبرينه واحنه صغار

واخذت تراكات وبرمودات للبيت سرحت شعري لبست بنطلون اسود وقميص اوف وايت وشوز وشوي حمره ولاينر وعطرت ونزلت

يله جدو نروح

ابو سليم ـ فدوه للبنات يله باباتي امشينه

فاتنه ـ بوست ماما وبابا واخواني واخواتي همه متعلمين اني اخلص العطل كلهه ببيت جدو لان همه ربوني من امي تمرضت من جانت حامل بأختي نبأ وجان وضعهه الصحي صعب