ادمنت حدة عينيه

بارت 28

لا تلومني انته السبب
والصار كله من ايدك
وياك واصل مرحله
احتاجك وما اريدك

********************************

ابو سليم ـ نسوي قرعه فريق القائد مالته انتم منو تردونه
فاتنه ـ الكل صاحوا فتون
العب يله وانتم
صاحو توفيق
توفيق ـ راح نمرعج فتينه
فاتنه ـ فاز باللذات من كان جسورا باباتي اذا عندي نائل وجوجايه وبقور ورهف خانم ومسره خانم وبعد منو يصير وياي

فرزدق ـ اني ومريتي ويه فتينه
فاتنه ـ لك هلا بالعلم تعال تعال
فرزدق ـ سلااااام عليكم يا قوم
الكل ـ اهلا بالزير سالم
فرزدق ـ مو صوجكم والله يله فتينه وياج البدايه غير منو الخصم مالتنه
فاتنه ـ بابا وعمامي ونبأ وسباوي وزاهد والحكم وياهم ههههههههه

فرزدق ـ منو الحكم بس لا
فاتنه ـ عمورتي
فرزدق ـ ولك رحنه بيهه فتينه راح صدك يمرعونه وعلي
فاتنه ـ افا واني موجوده احيرهم وداعتك يله جدوتي منين نبدي منكم لو من عدنه اختار
ابو سليم ـ نبدي وياكم يله
فاتنه ـ من عيووووني تتدلل اها

اول واحد صار بيده نائل وربحنه اول نقطه ونضحك ونگمز مره ثانيه بيد فرزدق وهم ربحنه
لما بالمره السابعه بيد مسره اخذوه من عدنه وصار الهم صارت الهم 6 واحنه 7

نائل ـ اني اسحب المحيبس منهم وخري فتون
فاتنه ـ يله تعال گعد يباوع بوجههم ويشوف اديهم شاف نبأ مرتبكه ضحك
نائل ـ جيبيه نبأ
توفيق ـ غشششش والله غششش هذا اسلوبك استفزازي مو هيج ترا ما يصير
نائل ـ اللعب لعب عموووو

فاتنه ـ احنه المحد يندك بينه وها وها وها وها يله شباب شابات اطلبوا واتمنوا ابوي الحلو توفيق يجيبلكم اللي تردونه
توفيق ـ اي اجيبلكم بس مو تفلسوني شرط اللي اجيبه اكل
مجاهد ـ ايييي صينية بقلاوه على زنود الست وبرمه يبوووووووو شتگولون شباب
الكل ـ اييييي وياك

توفيق ـ خرب يومكم هواااي ولكم شدعوه هالگد
فاتنه ـ حبيبي باباتي حرك جيبك يا حلو وكلهه مجتمعه يعني من كل وحده صينيه خلي روحك رياضية حبيبي
توفيق ـ ههههههه اخليهه ليش لا يله سمير خلي نروح نجيب ونجي بسرعه
سمير ـ اي ونتقاسم الخساره سوا يله سليم ساجد ورقوا بعد روحي كلمن يحرك جيبه شوي وعوفوا عگاربكم على صفحة ما يلدغن ترا

ساجد ـ اني بالنسبه الي ما عندي مفلس
سليم ـ انته شوكت ما شفناك ما عندك شوكت يصير عندك ما ندري عمي اني اشيل صينية البقلاوه بعد
سمير ـ واني البرمه وانته توفيق
توفيق ـ واني زنود الست يله امشي هم يله نلحگ حتى نرجع على الغدا قبل لا يصبون

فاتنه ـ اي بسرعه اذا ما اجيتوا نخلص الاكل ترا هنا افواه وارانب ناكل الاخضر واليابس ههههههههههه
ابو سليم ـ بهاي صدقتي هههههههههه
توفيق ـ اي نجي نجي ليش لا مو تبدون قبلنه
فاتنه ـ لا ابددددداااااااا هههههههه