ادمنت حدة عينيه

بارت 53 الاخير

مثل السكر بالليل ومسلطن البال

هيج انه دايخ بيك متخبل خبال

****************************

فاتنه ـ الحمد لله زينين ناقصتنه شوفتكم والله اليوم نحس تايهين حتى لاهلي ما رحت والبنات اتصلن ضايجات

سماهر ـ خطيه بنياتي ليش خلي يروحون لاهلج

فاتنه ـ يگولن عمر وزيد ما يقبلون وهسه نائل راح يمهم وين بلسمي وانوسي

سماهر ـ هههههه نايمين ما يقبلون يگعدون

فاتنه ـ بس كون ما ضوجتج الحجيه

سماهر ـ يعني بس احاول اتجنبهه

فاتنه ـ اي عفيه واذا ردتي فزعه ادزلج نبأ هههههه

سماهر ـ هههههه اي البارحه من شافتهه تحجي علي اجت وانهدت عليهه اريد اسكتهه ماكو طفرت المره

فاتنه ـ هههههه تربية عمر بعد

سماهر ـ اي گالت گلتلهه هاي تربية ابنج واذا تردين تربية اهلي روحي لفتون وسباوي

فاتنه ـ هههههه اي غير هم بعرسهم هيج من شافتني كلش حالتي فد مره انتهيت وابجي من القهر وهسه بعد ما حاجتج مو

سماهر ـ ههههه لا ابد تگول لامه البرعات يدافعنلهه

فاتنه ـ ههههههه عبالج عندج جناين ينرفع بيهن الراس

سماهر ـ هههه على گولة عمج والله وكفو

فاتنه ـ ههههه اي صدك اگول وينه وثوقي ما شايفته والله مشتاقتله كلش

سماهر ـ وينه بالمضيف احنه ما شايفينه طلع قبلنه باسبوع والبارحه اجه نص الليل نام وطلع من الصبح عدهم فصل

فاتنه ـ ها خطيه والله هو يگول من اروح للغربيه ما تشوفوني كلش حتى من يروح لاهله بالجنوب يگول يتجمعون عمامهم وما يشوف احد من بيته بعد

سماهر ـ اي والله شنسوي الحمد لله

فاتنه ـ عمه ام ماهر شلونهه

سماهر ـ زينه هاي يمي

فاتنه ـ انطيني اياهه

ام ماهر ـ هلا يمه شلونج

فاتنه ـ هلا بالحلوه هلا بالمعدله هلا عماتي العسل شلونج يگلبي

ام ماهر ـ فدوه لگلبج يمه الحمد لله نعمه

فاتنه ـ شفتهه مگعده رضاوي بحضنهه ها هذا الخايس بحضنج

ام ماهر ـ هههه اي باقي من حضن لحضن والا ياخذ شيلتي يعض بيهه

فاتنه ـ ههههه يروحي هو يحبج والله حتى من تجي ود تجيب وياهه شيله منج تگول الا ريحة عمتي يشمهه يله ينام