ادمنت حدة عينيه

بارت 12

الدنيا ضاكت والنفس باقي على گد الحسره
فرحان داويت الغصن ثاري المرض بالشجره

********************************

فاتنه ـ كافي انتم نائل كافي لك حتى حرگوني وما خلصت من ضربهم واهاناتهم لا عبالك ساكتين والله متت وتعبت
كلما احاول ابدي وياك صداقه اكتشف انته تعرف شي وضامه علي
ليش نائل ليش شلون تگدر تخلي عينك بعيني وما ياكلك الندم شلون تگدر
نائل ـ غصبا علي والله ما اريدج تتأذين وهاي انتي من عرفتي شنو حصلتي ها
اليوم اللي جنتي تردين تخلصينه فرحانه بنص البنات خلصتيه بالمستشفى لو اگلج على كلشي شنو راح يصير وياج هاا گليلي

فاتنه ـ ميخالف وحده ورا وحده اعرفهن ولا كلهن سوا نائل ترا والله گلبي رجع يوجعني جاي تكسرون بيه كلكم
نائل ـ ما عاش اللي يكسرج واني موجود مضطر والله مضطر خلي بس تخلص المده ما اخليج وياهم
والله ما اخليج اخذج ونروح بعيد بس اني وياج واحد يعرف الثاني وكلهه غريبه

فاتنه ـ لا ترجعني لاهلي
نائل ـ مستحيل
فاتنه ـ ليش
نائل ـ انتي مالتي
فاتنه ـ لا تصير اناني اكرهك والله
نائل ـ بيج اصير اناني
فاتنه ـ بس اني اكرهك
نائل ـ ههههههه واني احبج
فاتن ـ ليش تحبني
نائل ـ هيج من الله زرع حبج بگلبي

رفعت وجهه بوجهي بستهه بخدهه طرف شفتهه
هيج احبج واكثر
فاتنه ـ بسرعه دفعته
وخر يله ارجع لاهلك
نائل ـ يله اتحضري ربع ساعه ونرجع للبيت
فاتنه ـ گتلك ما ارجع وياك لا تلح
نائل ـ صدگيني تخسرين وما تاخذهم بيج لا رأفه ولا رحمه وساعتهه حتى اني ما اگدر اخلصج منهم

فاتنه ـ مااااا ارجع يعني ما ارجع خليني يموتوني يقتلوني اقلها ارتاح من العذاب ميخالف
نائل ـ مو شرط انتي ممكن تخسرين مجاهد وظافر وزاهد اول الناس وراهم باقر
فاتنه ـ شهگت
لااااا لا الا اخواني لا تأذونهم اذوني ولا تأذونهم
نائل ـ گتلج فاتنه حكمي عقلج حبيبي ترا بعده الثار ما يبرد هسه اكسري الشر وتعالي وياي
فاتنه ـ اي اي اجي والله بس لا تأذونهم فدوه الا اخواني واهلي لا تأذونهم

طلع من الغرفه ركض بدلت بعد ما غيرلي اللفاف وروحي محترگه
شنو من اتفاقات صايره حتى ما يصير دم وتكبر السالفه
شهر ونص سون بيه كل هذا شلون لو خلصت السنه ونص يمكن يدزوني للنجف
طلعت امشي على العكاز وبيدق طلعت الجنطه وتبجي حضنتهه

دودو سلميلي عليهم وبوسيهم الي وگليلهم فتونه مشتاقتلكم ماشي
بيدق ـ والله لو باقيه بعدني ما شبعت منج
فاتنه ـ هههههه انتم تعالو وزورونه ماكو اشكال
بيدق ـ الله كريم اشوف يوم ونجيج
فاتنه ـ تمام

طلعنه وسامر يوصي بنائل وهذا محترگ لو بيده ياكله
صعدني بالسياره ومشينه الطريق كله ساكتين وصلنه للبيت نزلني واخذني لغرفه البنات
كلهه نايمه والبيت خايس كلش تمددت وما گدرت انام التفتت الجنطه يمي فتحتهه دورت التلفون ماكو يعني رجع اخذه
استغفر الله بقيت شوي مركزه بالنقشه بالسقف لما نمت گعدت على الهوسه والصياح