ادمنت حدة عينيه

بارت 51

هذن مرن عليه وفايتات هواي
الويهن صبر ويخسن يلوني
جبت عمري سفينه مگالب ويه الموج
ما شفت المراسي ويوم لفني

*******************************

بلقيس ـ والله ما ضگت طعم النوم بدونكم
علي ـ ليش اهلج ما جانوا يكتلونه گدامج وتسكتين
بلقيس ـ اسفه حبيبي لا يصير گلبك قاسي
علي ـ شتردين هسه
بلقيس ـ اختك وين
مريم ـ هاي اني
بلقيس ـ حبيبتي ماما شلونج
مريم ـ انتي منو
بلقيس ـ اني امج حبيبتي
مريم ـ لا مو امي اني امي فتون

بلقيس ـ لا حبيبتي اني امج والله امج تتذكرين من جنت اسبحج ونلعب بالمي لو تنامين على ايدي
مريم ـ لا ما اتذكر شي انتي مو امي اني امي فتون
بلقيس ـ نائل الله يخليك اذا تسمعني احجيلك كلمه ليش هيج كارهيني نائل جاي تسمعني احجيلك كلمه

نائل ـ اي اسمعج
بلقيس ـ ليش جهالي كارهيني
نائل ـ من ايدج
لميتهم بحضني اثنينهم
كافي بلقيس ارحمي بحال نفسج هاي اخر مره تسمعيهم صدگيني لخاطر فتون خليتج تسمعيهم
جنه نتوسل بيهم بس يحجون وياج وهمه ما يردوج خلص انسيهم وعيشي حياتج
بلقيس ـ نائل فدوه اريد اشوفهم بس

نائل ـ مستحيل لان راح تكرهين نفسج ساعتهه لو شفتي عيونهم
بلقيس ـ ليش هيج صاروا يكرهوني
نائل ـ گومتهم من حضني
روحوا بابا روحوا ارتاحوا شوي واجي وراكم

طلعوا لغرفتهم
اي سألتيني ليش هيج صاروا مو
بلقيس ـ اي ليش
نائل ـ من اذية الشارع الهم ابنج متعذب تعذيب الحيوان ما متعذب مثله بنتج متأذيه اذيه الصخر ما يتحملهه خليني جاي اعيدهم للطفوله اللي خسروهه
خليهم يعيشون كافي من اذية مرتضى لهذا المسحسل اللي جنتي ماخذته لو من البدايه مسلمتهم الي والله جان بيدي اجيبهم الج وتشوفيهم لما تشبعين منهم
بس انتي خسرتي خلص خليهم ميتين بعينج وعايشين بالدنيا خليني اعوضهم كلشي خسروه

بلقيس ـ خلص هاي هيه واعرف بدون ما اوصيك بس عينك عليهم لا تخليهم يكرهوني حببني الهم كافي اللي عشته واللي جاي اعيشه
نائل ـ ليش وين انتي غير ببيت اهلج
بلقيس ـ ههههههههه لا شمروني بالشارع محد يريدني نائل هذا اللي ما عنده ام يعيش منبوذ عينك عليهم ومشكور على كلشي

نائل ـ بلقيس روحي لساهر وهو ياخذج لمكان يأمن عليج لا تبقين هيج الشارع مو امان
بلقيس ـ ههههههه اي صحيح ابريلي الذمه وعينك عليهم گللهم جانت الكم ام تحبكم
نائل ـ بلقيس وين رايحه تسمعيني
جان يمهه صوت سيارات هواي صحت

بلقيييسسسس ردي تسمعيني
بلقيس ـ اي اسمعك
نائل ـ وين انتي احجي
بلقيس ـ يم الخط السريع ملك الموت يناديني
نائل ـ لا بلقيس ارجعي الله يخليج ارجعي لا تتهورين لا تدخلين لجهنم برجليج بلقيس
جاي احجي وياهه وسمعت صوت ضربه قويه
لا بلقيس لااااااا