ادمنت حدة عينيه

بارت 38

بس عشگك عشگ مفضوح

وعشگ الناس كلهه مساتر وسكته

صرت انته سبت وبرگبة يهودي

هم شايف يهودي يجوز من سبته

*******************************

مجاهد ـ ههههههههه انجبي يله خلي نرتاح شوي فلستيني كلساع عصير

فاتنه ـ يله اسبوع اشبع براسك عصاير

مجاهد ـ نشوف منا لما يكمل الاسبوع منو يشبع براس منو

فاتنه ـ متفقين گعدنه شوي ارتاحينه ورجعنه للبيت ثاني يوم طلعت النتيجه زينه يعني ماكو شي وراهه بيومين قررنه نرجع ما نبقى كل الاسبوع

لان اهم شي النتيجه عمو دزهه لنائل ونائل حولهه بريد للدكتور بلندن وگال استمروا رجعنه بس نزلنه من الطياره مسافه وجان باستقبالنه نائل وعمر وبابا وجدو

اشرتلهم وهمه يضحكون وصلت يمهم حضنت جدو حبيبيييي جدوتي الحلو

ابو سليم ـ الحمد لله على سلامتج باباتي

فاتنه ـ الله يسلمك حبيبي يروحي انته وراه بابا هم نفس الشي وعمر جرني حضني ونائل يضرب بيه وهو يضحك ويصيح عمهه يا البعير ابو برطم

اخر شي نائل وصلت يمه ابتسم وحضني حيل گدامهم

نائل ـ مشتاقلج ولج مو 5 ايام عبالك 5 سنين بيتي بدونج طافي الحمد لله على سلامتج يروحي

فاتنه ـ هههههههههه الله يسلمك حبيبي والله هم اني مشتاقتلك كلهم سلموا شي على شي رجعنه للبيت وكلهه استقبلتنه

مرت ايامنه وعمه سماهر بسبب حملهه المتأخر لازمهه راحه صرنه نروحلهم الصبح ونرجع بالليل ومرات لا نبقى هيج ايام مجرد نرجع لبيتنه نبدل ونرجع لبيت عمو واثق

عمه رادت حجت بس نائل ما قبل يگللهه ما اگدر بيتي احسن ارتاح رغم عمر يطلع الصبح ويرجع بالليل يعني ما نشوفه هواي

والولد محد يجي الا وين ووين لان ملتزمين بشغل وصعبه يوميه جايين بقيت اعتني بعمه سماهر ورجعت عادي اشتغل بس خفيف

ومنا دوامي واطفالي بيني وبين اهلي ود تساعدني بكلشي رغم مدرسه ولازمهه دراسه وتشدد بس خطيه ايدهه بايدي

قررنه اني وعمو بعد يومين نطلع لبغداد حضرولنه سيارتين حمايه كلشي يصير رغم داعش بدت تنتهي شوي شوي والموصل بقت مناطق قليله ما محرره بالكامل مو مثل قبل

واكو ناس بدت ترجع رغم قلة الامان بس احسن من الخيم وصلنه للدار دخلنه طلبت اشوف ام نائل انطيتهم الاسم اخذوني الهه