ادمنت حدة عينيه

بارت 44

بعد ياهو اليگلي شبيج زعلانه
ويشاقيني ويگلي دموعي تسوه
وبعد ياهو اليگلي شبيج مهمومه
ويحسسني حتى احزاني حلوه
يا هو من الرسايل يدري مخنوگه
المن اتعب ضحكته تصير تجوه

*****************************

فاتنه ـ نائل اختنگت والله ما متعوده هيج خليني شوي اروح حتى اهلي ما يجوني صارلهم ايام ولا بيت عمو واثق بس انته وامك هنا والاطفال
نائل شبيهم منو بيهم مصاب منو تعبان گلي انته ما تجوز من هذا اسلوبك وياي تدري بكلشي وتسكت
نائل ـ ماكو شي

گعدت كنكت راسلت مجاهد ابو سليم كلش تعبان والاوكسجين جاي يقل بجسمه ومدخليه مستشفى

فاتنه ـ نائل مو جاي احجي وياك
نائل ـ شكو فتون شكو شبيج بس تلحين
فاتنه ـ اهلي بيهم شي جدو بي شي بيبي امي ابويه اخواني اخواتي منو منهم
نائل ـ محد

بعدني جاي احجي ويه مجاهد واخذت التلفون بسرعه ردت اخذه شهگت

فاتنه ـ ما تحملت بروده وهو يراسل ما اعرف منو سحبت التلفون يحجي ويه مجاهد وجدو تعبان كلش التفتت عليه

من هيج ما يجوني مو
نائل ـ جيبيه فتون بلا حركات المزعطه يله اي ما يجوج لان جدج ما يقبل
فاتنه ـ جذاااب والله جذااب
اخذت كمامه وطلعت اركض لبيت اهلي وهو يصيح وراي
ما اهتميت لكلشي وصلت فتحت الباب صارت بوجهي امي عيونهه رايحه مبينه باجيه

شبيج ماما جدو بي شي بيبي لو بابا لو اخواني منو گليلي منو بعد غير جدو منو
ام مجاهد ـ فتون ارجعي لبيتج ماما مو زين عليج هنا ارجعي حبيبتي
فاتنه ـ ما ارررررجع ما ارجع من تموتوني اريد جدو وينه
بقيت ابجي حيل
وينه وينه
دخلت بسرعه ماكو دورت البيت كله ماكو ما لگيته
گعدت بالگاع وصحت
ويييييننننككككك وينك ليش تروح وما تجيني هيج هنت عليك

نزلت الكمامه من وجهي رجعتهه سباوي وتبجي حضنتهه
سباوي وين جدو وينه حبيبي وينه وين اخذوه ليش مو ببيته وينه
سبأ ـ ادعيله فتون جدو تعبان كلش وبس يوصي بيج

فاتنه ـ بجيت بحرگه وگف نائل گبالي گامت سبأ وگومتني رحت يمه
اخذني لجدو نائل جدو من يشوفني يصير زين والله يرتاح
اخذني اله كلشي البس حتى اترس نفسي معقمات بس اخذني اله فدوه نائل اذا صدك تحبني اخذني اله اموت بدونه والله اموت هو عافية فتينه اخذني اله
نائل ـ فتون مو زين عليج تنصابين والله وانتي هسه طلعتي من الموت شبيج هم اني اريد اروحله بس ما اگدر اخاطر بيج

فاتنه ـ عسااااني عساني بالموت اخذني والله اذا ما تاخذني اني اروح وحدي وشيصير خلي يصير
نائل ـ انتي مخبللللهههه جاي اگلج مو زين عليج افهميهه عاد فتووون لا تعاندين
فاتنه ـ ااااييييي اي اني مخبله اخذني اله يله

رجعت للبيت ركض مسافه قريبه لبست جينز وبلوزه وكوت
لبست 4 كمامات واخذت جفوف ولبست البوت بسرعه شفته گدامي بصف السياره
يله هاي كلش دفيت نفسي واربع كمامات وهاي الجفوف بعد اكو شي ثاني يمنع روحتي اله
نائل ـ لا يله تعالي