ادمنت حدة عينيه

بارت 11

كسرولي مو بس گلبي

كسروا واهسي بدنياي

وادور يا حضن يوفي

واشوف بيا وجوه فياي

*******************************

نائل ـ اذا نبقى هيج ما راح نوصل لشي مفيد

ابو نائل ـ تاخذهه وانته الممنون اتصلت ببيدق ورحبت بيهه تنفذ وخلص

نائل ـ عصرت ايدي حيل ابوي ما اگدر احجي شي درت وجهي وطلعت حتى اكلكم ما اريده بقيت افتر برا طالعه روحي والاخت فرحانه

ااي فتينه راح تروحين وروحي بيج شلون لو ما رجعتي شلون لو فارگتيني شلون لو خلصت السنه ونص وين اروح

بقيت افتر لما تعبت رجعت گبل صعدت كويت ملابسي وحضرتهن للدوام رتبت مكتبي تمددت ونمت

فاتنه ـ فرحانه كلش يعني راح اروح ولبيدق ياااي اخذت علاجي ودهنت المراهم ونمت مرتاحه

اول مره هيج انام گلبي ما يأذيني فزيت على حركه بوجهي فتحت عيوني شفته نائل

نائل ـ گعدت مزعوج ما مرتاح نزلت لغرفة البنات نايمه وصلت يمهه خليت راسي على المخده يم راسهه ونفسهه بوجهي

بعدت بدايه شعرهه شميته ابتسمت لشكلهه ساعه تعصب ساعه تبتسم مثل الطفل مشيت ايدي على وجهه خدودهه رايحه

وين جانت مثل التفاحه وصل اصبعي بطرف شفتهه بلعت ريگي صرت مركز بيهن شوي وفزت بوجهي

فاتنه ـ نائل

نائل ـ غمضت عيني بسرعه

فاتنه ـ شفته نايم على مخدتي استغفر الله دغيته بكتفه نائل گوم روح لغرفتك عيب نائل ما يصير هيج گوم لك نائل

نائل ـ حركتني رادت عبالك ميت ايست ورجعت نامت فتحت عيني شوي شوي راجعه غافيه بس على ظهرهه

فاتنه ـ من شفته ما گعد عفته ونمت ما اريد قربه اخاف احبه ويكسر گلبي صار الصبح گعدت بس البنات يمي

گعدت عدل نزلت رجلي وجريت العكازه مشيت شوي شوي لما وصلت للمغسله غسلت ورحت للمطبخ كلهم گاعدين بالگاع گلت صباح الخير

الكل ـ صباح النور

ام نائل ـ ها يوم شلون صرتي

فاتنه ـ الحمد لله احسن

ام نائل ـ يوم انتي حتى لو مو زينه تصيحين احسن ود گومي جيبي الكرسي من الصاله

ود ـ اي هسه

فاتنه ـ انتبهت نائل عاقد حواجبه ياكل ساكت وهيج بهدووووء كلش رفع عينه خزرني بلعت ريگي وگعدت على الكرسي

امه انطتني لفه وكوب جاي اكلت ورجعت للغرفه اخذ علاجي ردت افتح البطل ماكو ما انفتح شوي وانسحب مني حيل