ادمنت حدة عينيه

بارت 32

الحجي بيناتنه تريد الصدگ؟

تعبان

بطرگ عيون تبجي ووجه ينطي

الوان

على ساعه وفوگ راسي يسولف الدفان

ما مشتاگلك !!!!!

عطشان

سير يا هوى الله صويحبك

غرگان

****************************

واثق ـ اي والله جاي اشوفهم مجوربين ويرادلهم حكة جلد كلش انوب ايدي توجعني منا تريد شي تمشي عليه تطبطبله

نائل ـ يابه على بختك غير جفك جنه كيلة اللي تهبده ما يلحك يلفظ الشهادتين يودع گبل

واثق ـ جنك انته اول واحد

الشباب ـ بمممممممم وها قد طارت جبهة نئوله

نائل ـ اعلمجن البرابيك جوجايه الطرشي من يمج بعد مصارين روحي

مجاهد ـ مد ايده بوس ايدي يله

نائل ـ ابوسج كلج بعد روحي بس خلينه نتزقنب جيب الطرشي هاي فتينه خلصت الكاستين كلهن

فاتنه ـ ماكله بكد جدو جريت اكو كاسه ماكو واحد ياكل بيهه گتله يله شاركني عينك ضيگه عابت

نائل ـ اني عيني ضيگه هو انتي غير بعد شوي وتطلعيني من الدين

فاتنه ـ شمسويتلك هو كله اللي وصيتك عليه كارتون جبس ونستله نمبر ون ونوتيلا

نائل ـ بس هنه غير كسرن ظهري

فاتنه ـ ابو عين ضيگه عينك بيهن حتى ما راح اتهنى بيهن

نائل ـ ولج غير نهبن راسي عليكم العباس واحد يوصي كارتون نوتيلا ونستله نمبر ون من كل نوع كارتون وجبس ليز الحجم الجبير العائلي كارتون

من غير سيت ببسي وسيت ميرندا وسيت تفاح وسفن وشاني وديو وباربيكان هذا عاقل اللي يوصي هيج

تجيبلهه تفرح ما تجيب تطردك من البيت وتبجي وتختنك وتركضك للمستشفى نص الليل وتخليك ما تعرف راسك من رجليك

ابو سليم ـ اي والله عينك ضيگه هسه انطيك فلوسهن الله لا يعوزهه الك فتينه والج بعد فوكاهن سيت ار سي تتدللين على عناد ابو هبطه

فاتنه ـ افديك اني شوف الجلف شوف هاي الناس اللي تدلل وتداري مو مثلك جلف

واثق ـ والج مني كاتون جبس ثاني وكل انواع النساتل على عناد نئوله الحوله

فاتنه ـ هلا وهلا وانتم التفتت للولد ما بيكم واحد يبحبح جيبه شوي لو هم جلوفه مثله وبجيوبكم عگارب

ماهر ـ اجيبلج كارتون مصاص هههههه

فاتنه ـ اي يفيد للاطفال عود شكرا