مساء الخير عالجميع
الكل جاي يسأل شنو اخذوا فصل وشنو اخذوا فصليه واكو اللي ياخذون فصليه بدون فصل ومن هالحجي هذا ......
حبايبي الغوالي بخصوص فلوس الفصل راح تفتهمونه بهذا البارت نائل راح يحجيه وجان همهم الاول والاخير هو ياخذون فصليه
ولا تنسون بالمقابل ام سليم هي اخت ابو نائل وهم اخذوهه فصليه بسبب جريمة قتل اذا مركزين بالقصه هنا نكون افتهمنه شنو الموضوع .....
شي ثاني الفصليه لازم يتزوجهه رجال جبير بالعمر وهيج شي وهذا غلط ومو شرط
ولا تنسون ابو نائل شنو يصير لفاتنه هاي شغله وشغله ثانيه نائل 5 سنوات يحب فاتنه معقوله يفرط بهيج فرصه ويخلي غيره يتزوجهه .....
وشغلة الوصية من ابو سليم يوصي نائل وابوه عليهه ويرد عليه يگله بعيني لان ابو سليم معتبر نائل مثل ابنه او حفيده ونائل بالمقابل هيج معتبرهم مثل اهله ......
هسه ان شاء الله نكون رضينه فضول البعض واكو احداث اذا تركزون بالسرد راح تصير اللي ما مفتهم الموضوع من اوله راح تضيع عليه ......
اي سؤال او استفسار اني جاهزه تسألون هنا بالتعليقات او تسألون بالانستا وهاي اليومين انزللكم حساب نائل
**********************************
هلا بالضاغطه گلوب النثايه
بقرآن الجمال انتي احلى آيه
وحقهه گلوبهن تبجي لمعانيج
اذا رفة عيونج جنهه رايه
***********************************
ام نائل ـ يمه والله صدفه صارت گدامه واجت بيهه جان ناوي يضربني ابوك الما يخاف من ربه
نائل ـ شعلييييي بيكم ناركم تاكل حطبكم بيناتكم شو انتي اذيتيهه ودمرتيهه وما تحجي عليج بناتج ذالاتهه وما تحجي ابنج اموتهه وما تحجي
شلون بيكم شلوووون دنعل ابو العيشه التنعاش وياكم راح ارجعهه لاهلهه لو اطلع بيهه بغير مكان
وانعل ابو اتفاقاتكم الخايسه لابو هيج بيت ربيت بيه مخلينهه بحسرة اهلهه وانتي بناتج يمج هيه تتحسر على شمة امهه وبيبيتهه
وانتي بناتج وياج وما يردونج مثلهه تدرين ليش لان ربتهه فيروز اي تربية فيروز صححححح وتربيتج لبناتج غلطططط بغلط
عفتهه وطلعت للحديقه فتريت شوي ورجعت دخلت للغرفه نايمه ومخليلهه جهاز قياس النبضات وجهاز الاوكسجين على وجهه وبس دموعهه بخدهه مرسومه
ريت دموعج غسلني فتينه ريتني ميت ولا دمعتج تنزل يروحي تعبتي مو ادري والله ادري بيج تعبتي ادري مليتي
أنت تقرأ
ادمنت حدة عينيه
Humorما بين مريضة بالقلب وشاب منطوي يتخرج ليصبح صيدلاني تحكمهم الاعراف والتقاليد يا ترى من سيفوز بينهم الحب ام الاعراف تحت وطأة الثأر
