ادمنت حدة عينيه

بارت 25

انا ذاك الغريب التوجعه الناس

انا اليذكر هله اعلى مرورة الناس

انا اللا ياخذه الله ولا يخليه

انا الما يدري وين يسولف البيه

******************************

نائل ــ ههههههههه سديته منه خرب بليسك ضابط الدور ويحجي بثقه گعدت اتصفح بالنت دخلت على صفحة جوقي شفته يكتب گبل طفيت النت

يا ربي شلون وين اروح منهم ادري ما يفك ياخه بس هسه كلشي مسجل بتلفون فاتنه طلعت شريحتهه حتى ما توصل رساله لاي واحد

ويتصل بيهه من تفتح التلفون وطلعت اخر تسجيل حولته الي فتحت نت دزيته لساهر

ساهر ـ هلا ابو حسن شلونك

نائل ـ مو زين ساهر بداعة امك شوفلي حل راح يخبلونهه واني شارحلك كلشي وهذا تسجيل قبل شوي ينفع لو صدك اشتكي عليه

ساهر ـ اكيد ينفع بس

نائل ـ بس شنو ساهر احجي

ساهر ـ مو تشتكي بيه

نائل ـ يعني شلون فهمني

ساهر ـ يعني لو صدك قدم بلاغ عليهه ماكو اي دليل هيه قاتله لا اداة جريمه ولا مسرح جريمه

نائل ـ زين واذا سلمهم المقطع وهيه بيه تعترف انو قاتله المجرم شنو نگدر نسوي حتى نخلصهه

ساهر ـ عندك تقاريرهه بذاك الوقت من جانت هيج حالتهه لو لا

نائل ـ اي عندي تعاني من امراض اضطراب بالاعصاب وسوالهه مضاعفات

ساهر ـ خلص كلش حلو يريد يشتكي اهلا وسهلا اني اتكفل بقضيتهه من الاول للاخير بالبدايه ما اطلع بالوجه حتى لا يأذيكم اخلي واحد من جماعتي يتكفل بيه

نائل ـ وانته

ساهر ـ ههههه اصدمه وداعتك اخليه يبلع لسانه واسمطه بدعوه انيمله روضي بالسجن

نائل ـ ههههههه وام خمس تالاف

ساهر ـ هههههههه خليهه علي هاي ام الشرف

نائل ـ يعني شسوي بيهه

ساهر ـ خليهه على اخوك انته الك الصافي برد راسك ولا تفكر هواي

نائل ـ اروحلك فدوه ابو حميد وگفتك ما انساهه طول عمري

ساهر ـ هههههههه شسالفه ما سوينه شي هسه انتم وين

نائل ـ ههههههههه شاردين بريشاتنه

ساهر ـ لملمهن عدل جايك الشتا دفي روحك بيهن لا تاخذ برد ههههههههه

نائل ـ ههههههههه عمي هسه خلي خالك يعوفني بحال سبيلي اعيش بنعيم والله

ساهر ـ يعوفك يعوفك وشوف خليهم يراسلونك ويحجون وياك على الفيس اي واحد منهم يراسلك عادي وكلشي سكرنه يفيد بعدين