ادمنت حدة عينيه

بارت 9

اسم الله لو جاسك مرض

ما تشفي گلبي لو گلت

بيه ولا بيك

مد ايدك التسوه وطن

دورني بين اليوجعن

انا المكان الما يأذيك

*******************************

فاتنه ـ جرني بسرعه سحبت نفسي ما گدرت اقوى مني واضخم

سكنت شوي وراسه على صدري صار يهتز مسحت على شعره وحضنته بجه بصوت

نائل ـ من حضنتني بجيت شلون اگدر اسعدهه وهيه بنصهم ما يخلونهه والله ما يخلونهه

حضنتهه حيل اسف حبيبي والله اسف على كلشي جاي يصير وياج

اسف ما گدرت والله ما گدرت احميج منهم اعذريني اصبري بس فتره ما اخليج هنا

وداعة عيونج بس خليني اخلص امتحانات ومناقشه ما تبقين يمهن ويقهرنج

نروح بعيد مكان بس احنه واحد يعرف الثاني وكلهه ويانه غرب حتى لو اضطر اخذج للموصل وهناك نسكن بس اصبري

فاتنه ـ هيج يهمك امري لو مكسور خاطرك علي

نائل ـ رفعت راسي منهه لزمت وجهه انتي كلج تهميني انتي روحي والله روحي فتينه

فاتنه ـ ابتسمت شكرا لمشاعرك جرني باسني بگصتي وحضني حيل احس ضلوعي تكسرت

نائل ـ اريدهه بحضني ومحد ياخذهه مني لو يأذيهه حضنتهه حيل اريد اروي گلبي بيهه

شلتهه واخذتهه للسرير نزلتهه نامي يروحي انتي نامي وربج كريم بستهه بخدهه وغطيتهه

فاتنه ـ من باسني وغطاني اتذكرت جدو وابويه من هيج يسوون بجيت خليت ايدي على حلگي وبس عيوني تجري رحمتك الهي الى متى اني هيج

ليش ماكو اي احساس اتجاهه وهو جاي يبجي لان اذوني اهله

وصلت بوقتهه اگول مرتضى ضربني حيل بس سكتت ما اريد مشاكل اني هيج وما خلصانه تكفخ وجر من الشعر وغلط ومسبه وفشاير

نمت لان تعبت كلش گعدت الصبح لبست تراك طويل ونزلت حضرت الريوك وبگلبي الف حسره

گعدوا اكلوا اني شربت بس جاي وگمت لملمت كلشي ونظفت

طبخت الغدا وخليت النار ناصيه ونزلت باقي الملابس اكويهن واعلگ بيهن يمي

رجعت للمطبخ طفيت النار صرت احضر بالسفره لان خالو والولد على جيه

سناء ـ كملتي كلشي

فاتنه ـ اي

سناء ـ وشكو تردين من ورا خشمج خاف ما نعجب

فاتنه ـ لا سلامتج شكو ما تعجبيني

سناء ـ اشو جاي اشوفج تستهزأين