الرسايل
والحجي المعزول
والما يوم اعوفك
والبجي ودگات گلبك
والما انام الا انته تغفى
ورجفتك؟
دمعتك؟
خوفك؟
ذني جذبه؟
******************************
مجاهد ـ ابتعدوا فتره احسن حل هيه تهدأ وانته هم وراهه تتصلح الامور
نائل ـ ما تتصلح ليش انته ما تعرفهه مجاهد لو رفضت شي بعد لو تصير روحهه بيه تكرهه
مجاهد ـ الا انته صدگني روحهه بيك خليهه تهدأ هسه هيه محترگ گلبهه اختي واعرفهه تحبك وتموت عليك خليهه براحتهه
بعد اسبوعين دوامهه من ترجع تداوم شوي يخف عليهه الضغط النفسي
نائل ـ اي وصيت عمر عليهه بالدوام
مجاهد ـ كلش زين بعد يومين اجي اخذهه
نائل ـ لا مجاهد لا الطريق خطر والله منا نطلع بيهه بسياره ووياهه سيارتين حمايه تعال اخذهه من سليمانيه
اني يومين وراهه احاول بسرعه اجي بس خلي اخيس مرتضى بالسجون وارجع ولو هو هسه عمه صابر كلش يريد يوصله للاعدام
مجاهد ـ براحتك بس جايتك عقوبه وقطع من الراتب اليوم گالولي لان المدير ما قبل يوقع على اسبوع بعد الك يكول خلصت اجازاتك مقدمين الاجازات كلهه وانته ما عندك اجازه بعد
نائل ـ الى قير وشنو يعني قابل متت من الجوع ارجع ويصير خير
مجاهد ـ محتاج شي اخوي گدامك والله الروح ترخصلك
نائل ـ لا سلامتك خويي ادري بيك ما تقصر سديته منه رجيت راسي على التخم وغمضت عيني حسيت شي حار يجري من خشمي مسحته دم
ركضت اغسل والدم ما وگف ابد شگد حاولت وياه ماكو ضغطت على راسي ردت يخف النزف ماكو
گوه جلبت بالمغسله اريد افتح عيني ماكو مغمضات من الوجع لان اخذني كلش وما جاي اسيطر صحت يابه وينك عمر ماهر عامر وينكم فلتت ايدي وگعدت بالگاع
عمر ـ ها نائل لك نائل وااااثق الحك نائل حضرلي سياره بسرعه جاي ينزف خشمه بسرعه
واثق ـ شبيه وليدي نائل بويه سياره ياااا ولد بسرعه حضرولنه سياره ماهررررر وينك عامرررر ولكم وينكم
فاتنه ـ گعدت على صياح وهوسه بالصاله والدنيا مگلوبه بالصياح بعدت سدل مني وگمت لميت شعري فتحت الباب شفتهم شايلين نائل عمر وعمو واثق خلوه على التخم وراح عمر يجيب سياره
أنت تقرأ
ادمنت حدة عينيه
Umorismoما بين مريضة بالقلب وشاب منطوي يتخرج ليصبح صيدلاني تحكمهم الاعراف والتقاليد يا ترى من سيفوز بينهم الحب ام الاعراف تحت وطأة الثأر
