ادمنت حدة عينيه

يوميات2

حبايبي متابعيني الحلوين

صوتوا للبارت وعقلوا على كل فقره وفرحوني بتفاعلكم المميز

***************************

سماهر ـ مات وما شفته ولج فتون حتى ما ودعته

فاتنه ـ ادعيله حبيبتي انتي ادعيله يله امشينه يله وخرتهه من الگبر وهيه تشوف عمو يغسل بالگبر ويزيد بجيهه حقهه اول مره تجي تزوره

اخذونه گبل للمطعم گوه ناكل اني ما اگدر احس نفسي مسدوده ونائل وعمو اكلن واكلن راح نائل حجز فندق واخذونه گاعدين نسولف اني وبيبي شفت نائل غير ملابسه يطلع

نائل وين رايح

نائل ـ شغله شوي واجي ما اطول

ـ والشغله تلبس اسود رايح لنوار مو

ـ اي

ـ اخذني وياك

ـ مستحيل انتي يم جدج فقدتي شكو ماخذج وياي

ـ والله تاخذني وياك امشي وياك والله امشي

ـ فتون اگعدي واسكتي شوي واجي

ـ اخذني لبلسمي خليني ازورهه ولو مره ليش تحرمني منهه انته ما عندك گلب

ـ لمصلحتج

ـ راد يطلع لزمته حيل والله تاخذني نائل اذا متاخذني والله اشمر روحي منا وشوف احنه بالطابق الرابع يعني اموت

ـ فتووووون بلا خبالج هسه خليني اروح لا تعرضين

ـ والله اطلع وراك واضيع لو تاخذني وياك

ـ استغفر الله ربي واتوب اليه عمه احجيلج كلمه

ام سليم ـ والله يوم حتى اني اريد اروح اخذهه خليهه تزورهه مره وحده

ـ عمه

ـ لخاطري لا تخليهه بنفسهه تبقى ام ومحد يحس بالام بس اللي مثلهه اخذهه والله يبرد گلبك وگلبهه

ـ امري لله يله كملي بسرعه

فاتنه ـ لبست صايه وحجاب بسرعه يله جاهزه امشينه طلع قبلي وينافخ واني وراه شافنه عمو

واثق ـ ها وين

نائل ـ رايحين لبلسم ونوار تجي ويانه

ـ اي اجي بس خلي امك واخوانك اخليهم يروحون ويه ام سليم

ـ اي يله ننتظرك جوا

فاتنه ـ نزلنه وبقينه منتظرين عمو لما وصل طلعنه نائل اجر سياره ودفعله صعدنه گاعد يمي ولازم ايدي حيل وكلما نوصل تقوى لزمته لما نزلنه واحسه طاير يريد بس يوصل لمحت من بعيد اسم بلسمي

صارت تتخايلي ساعة اللي اخذهه مني ذاك المجرم ركضت قبلهم ونائل وراي ما ادري شنو اريد بس اوصل اريد اشمهه بنيتي هاي اول فرحتي وصلت يمهه