ادمنت حدة عينيه

بارت 33

مليت اكابر وانه متعوب

وبگلبي خنگه محيره الغروب

ما مش ادين التفتح البوب

ساكت واحس بداخلي صياح

وجفوفي لازم بيهه الصفاح

خاف انفضح لو اگول مرتاح

********************************

نائل ـ صارت عدهه ردة فعل گلت لابوي لا تذبح شي گدامهه وماكو عاند يمج حبيبي يمج والله تعالي ضميتهه بصدري وادلك ظهرهه

اششش رخي اعصابج رخي حبيبي لا تتوترين ولا تتشنجين كافي يله هسه يجونج الوكحين شلون يشوفوج هيج ها

غير تستقبليهم صارلج 3 ايام ما شايفيج شوي وسمعنه صياحهم برا گتلهه يله اجوج

فاتنه ـ شوي هدأت بقيت اجر نفس لان رئاتي تعبانه زادت ظيمي فوك الظيم اللي اني بيه شوي ودخلوا حبايبي حسن متقدمهن وهنه يصيحن عليه لان ما يمشي وياهن

ولازمين ادين بعض ضحكت اشرتلهم تعالوا ونزلت من السرير للگاع ركضوا علي يمااااايييي افيش يروحي يمه حبايب روحي اروحلكم فدوه حضنتهم وگلبي وجعني كلش

من حضنتهم بالغلط صارت رجل حسن على گلبي توجعت حيل وبقيت متمسكه بيهم سوا ووجعي ياكل بروحي

نائل حاول ياخذهم اشرتله براسي لا بقيت شوي والنغزات تاكل بروحي اكل لما صرت احسن وهمه سكنوا بحضني وماخذين شعري يشمون بيه

رفعت راسي منهم ساكتين بس يباوعون بوجهي ابتسمت ها يروحي شبيكم

نائل ـ جيبيهم فتون جيبيهم تعالوا باباتي خلوا ماما ترتاح بيهه اوا منا وأأشرلهم وهيه مجلبه بيهم مسحت على ظهرهه

يمج يبقون والله بس خليهم ينزلون من حضنج مو زين عليج متكوره عليهم تتأذين عمليتج بعدهه بالبدايه وحركتج غلط

فاتنه ـ اي هسه نزلوا واحد ورا الثاني ويبوسون بيه رجعت تمددت وهمه يمي بعدهم يلعبون بشعري عاده ما بطلوهه ابد

شوي وما سمعت الهم صوت شفتهم نايمين وشعري على وجههم ضحكت عبالك نائل كلش كم مره اگعد هيج الگاه شعري على وجهه

التفتت شفته يمي نايم على التخم وتلفونه بالگاع دخل ماهر اشرتله اشش نايمين طفى الضوا وطلع اني هم نمت وياهم

واثق ـ بويه فتينه النسره يله اگعدي اكلي وراج علاج

فاتنه ـ فتحت عيوني ها عمو

واثق ـ هههههههه شنو سالفتكم كلهه نايمه اگعدي غير تاكلين شي حتى تاخذين علاجج ناويه تخلصينهه نوم

فاتنه ـ ابتسمت لا عمو هسه اگوم وين راح نائل

واثق ـ نائل برا ويه الشباب جاي يجهزون يله بعد ابوج تعالي وياي