ادمنت حدة عينيه

بارت 31

سنه سعيده عليكم حبايبي وربي يرزقكم الصحه وراحة البال وكل عام وانتم بخير

*******************************

انا ذاك الگاعد متانيله صدفه تلمه بيك

انا ذاك الشاف كومه وجوه حلوه

وگلبه ما رف بس عليك

********************************

نائل ـ مو جاي اگلج اخاف من هيج اخاف

فاتنه ـ اي لا تخاف يله نام تمددت جرني على صدره حضنته وغمضت يله نام وكافي وكاحه ايدك وخرهه

نائل ـ منين قصدج اوخرهه

فاتنه ـ من خصري ادري بيك تبديهه هيج لما تختمهه استغفر الله وخر دفعته

نائل ـ ههههههه شبيج ما اسوي شي نامي حضنتهه حيل ونمت

فاتنه ـ گعدت العصر يله نائل صار العصر هم يله نجهز

نائل ـ اي يله

فاتنه ـ رحت جهزت الاطفال و ود تجهزت واني هم طلعنه كلنه سيارة نائل جايبهه عمر لان سيارته باقيه باربيل

سيارة نائل جانت باقيه ببغداد وحتى يرتب وضعه جايب السياره وجاي صعدنه وهو يدور شكو

نائل ـ جان اكو هنا سلاح مرخص

فاتنه ـ يمه نائل مخلي سلاح بالسياره تحجي صدك بله لزموك الشرطه

نائل ـ اي للضروره مخليه ومرخص كلشي يصير

فاتنه ـ ليش ما شفته الصبح من طلعت ليش هسه يله تذكرته

نائل ـ مو جنت مستعجل طاح حظك عمر على هيج سالفه خايسه رفعت التلفون ها صخام

عمر ـ هاااا شبيك اكو واحد هيج يحجي ويه عمه

نائل ـ ووجعا بگلبك وسم اللي يسمك يا عار وين السلاح

عمر ـ يا سلاح شنو قصدك

نائل ـ عمر اطلع بالنظيف السلاح اريده اريده لا انعل سلفه سلفاك الخايس عبالك تغلسه علي اطلعه من عيونك

عمر ـ هههههه تلگاه جوا الكرسي من جهة الباب

نائل ـ جوا ال التفتت كلهه تباوع بوجهي گلت احم اي لكيته عود من اشوفك اعلمك وين الگاه بعد

عمر ـ ههههههه ايبااااااخ دروح سافل

نائل ـ والله ما غيرك هيج يله ولي مديت ايدي جوا الكرسي لگيته عفته بمكانه وشغلت السياره اخذتهم للحديقه گعدت فتون والاطفال واخذت ود للالعاب ها تصعدين

ود ـ وين اصعد بس لا

نائل ـ هههههههه بدولاب الهوا وين يعني

ود ـ لا يمه اخاف والله شبيك نائل صدك تحجي

نائل ـ ههههههه ولج ايدي انجعصت انتي تخافين من دولاب الهوا وفتينه تركب بسكة الموت هههههههههه والله يا الله تعالي انتي مو وجه نعمه