ادمنت حدة عينيه

بارت 3

بس انه كلش مقتنع
مو عاشگ الما ينغلب
هيه العلاقه المن صدك
لذتهه شلعان الكلب

*********†**********†***********

نائل ـ اياني واياج فاتنه احذرج لا تندگين بيه خليني كافيج خيري شري وخليني ادمي بلا ما انگلب عليج والله واشوفج الوجه الثاني

فاتنه ـ اممممم اي صحيح كتفت ايدي وطلعت كتفي لبيبي شوفي يوم هاي عظة ابن اخوج اللي يستحرم المتدين اللي يخاف من ربه شوفي

التفتتله اوووي ترا خفت كلش منك يممممه راح اموت من الخوف الحگيلي عينك لا افگسهه الك لا تباوع هيج

ام سليم ـ يمه بنيتي ليش ولك يوم هيج مسوي بيهه خطيه

نائل ـ اسف عمه بس هيه جبرتني بتصرفاتهه الحقيره وياي البارحه

ام سليم ـ لا حبيبي ما يصير هيج جان اجيت وگلتلي واني اتصرف وياهه

فاتنه ـ ما يحتاج حبيبتي عادي اعتبرهه عضة جلب واليوم اروح اخذ ابره حتى لا اتسمم

رحت صبيت تمن بماعون وفوگاه حشوة وقطعة صدر دجاج وگعدت اكل وهو يفور صحت

شبيييك خبلتنه اگعد شوي لو تروح لشغلك كافي تحوص سطرتني ترا

نائل ـ انتي محد جاي يمج خوووش عمه من رخصتج بس هيج كلمه وارجعي

فاتنه ـ ههههه تخاف تحجيهه گدامي مو ذبيت الجطل ورفعت راسي حركت حواجبي يله احجي هاااا اي افتهمت الظاهر وجودي ضايقك استاذ نائل المحترم

نائل ـ استغفر الله ربي واتوب اليه عمه من رخصتج رايح بعدين اشوفج ونحجي تمام

ام سليم ـ براحتك يوم

فاتنه ـ ههههه لك بس لا زعلت تعال تعال ما احجي شي والله سولفوا ولا كأنما اني يمكم سولفوا

ام سليم ـ يمه فتونه شبيج ويه الولد اكلتيه وشربتيه

فاتنه ـ عفت الاكل وضغطت بايدي على الميز يووووم مو اني اللي بيه هو المن جاي من بعد هااااي السنين كلهه

ولو بيدي مو بس اشرب من دمه لا والله اذبحه وما يرفلي جفن لملمت شعري وطلعت من المطبخ صعدت فوگ فاير دمي منه والله اندمك يا حقير والله

اني الك صايرلي رجال ابو عيون المخنزره رحت لجهاز الركض سبيلي بتفريغ طاقتي السلبيه

خليت الهتفونات وشغلت موسيقى حماسيه وصرت اركض واعلي الدرجه لما كلش تعبت

حسيت گلبي راح يوگف ايدي صارت ترجف اريد بس الزم الجهاز ماكو وگعت على وجهي وغميت

ام سليم ـ الحمد لله على سلامتج بنيتي شبيج يوم اكو واحد هيج يتخبل على جهاز الركض راح اخلي جدج يبيعه لا يصير بيج شي شلون بيه ها