ادمنت حدة عينيه

بارت 22

فديت عيونك الحلوات
فديت النظره من عينك
فديت البسمه بشفافك
عساهه تدوم بسنينك

****************************

دكتوره سمر ـ حبيبتي انتي عندج 3 اطفال هسه اثنين بنات وولد
فاتنه ـ ششششنووو
نائل ـ دكتوره صدك

احس الفرحه ترست روحي

الدكتوره سمر ـ ههههه والله هاي تعال شوف فاتنه انتي ماخذه ابر تفجيريه او علاج ثاني يعني اي شي
فاتنه ـ ابد ما ماخذه اي شي
الدكتوره سمر ـ حلو يعني بدون تدخلات شوفي ولادتهم طبيعي شوي صعبه تتأذين كلش وبسبب گلبج ووضعج الصحي
تردين احولج عمليه بكيفج بس ها ننتظر اذا صارت عندج ولاده طبيعيه كلش زين واذا تحملتي بعد احسن

فاتنه ـ دكتوره يعني اگدر اولد طبيعي وبدون عمليه احسن
دكتوره سمر ـ اي ممكن وكلش وارد بس قللي حركه هاي الفتره خصوصا وانتي باجر تدخلين بالشهر الثامن والشهر الثامن شوي صعب تفهميني
يعني من تدخلين بالتاسع تحركي وكثري حركه حتى تسهل ولادتج وما بيج بس العافيه
فاتنه ـ ان شاء الله شكرا دكتوره
نائل ـ مشكوره دكتوره

اخذت فاتنه اللي گوه تمشي نزلتهه من السديه واخذت ورقة العلاج وطلعت للصيدليه مالتي اخذته ورجعنه للبيت حضنتهه

ولج فتينه شفتي رحمة ربج شفتي وانتي جنتي مأيسه كلش شوفي لطف رب العالمين تدرين ما مصدگ هههههه
بدال الواحد اللي جنه منتظرينه يجون 3 الحمد لله والشكر ربي
صليت وسجدت سجده شكر ودعيت لفاتنه بالحفظ والتمام

فاتنه ـ احجي وابجي
الحمد لله
رحت بدلت وسويت عشا خفيف ونائل وياي يساعد من حملت لليوم ما يخليني اشيل شي وحدي بس اذا هو ما موجود
ياكل ويوكلني مثل عادته اتصلت ببيبي وماما وگتلهم والبنات هم وكلهه فرحانه شوي واتصل مجاهد فتحت سبيكر

ها جوجايه
مجاهد ـ بعد گلب جوجايه الف مبروك عمري وين نئوله
نائل ـ ها جوجايه اسمعج
مجاهد ـ لك هلا بالنجر هلا بالسبع هلا بالكلاشنكوف
نائل ـ ههههه شبيك
مجاهد ـ الف مبروك مريتي يتربون بدلالج وتگوم امهم بالسلامه
نائل ـ يبارك بعمرك يوم الالك ونفرح بيك

مجاهد ـ خاب شتفرح بيه غير اللي گتلك عليه طلع جق بق
نائل ـ لا عليك الله صدگ تحجي
مجاهد ـ اي والله هسه هم تجيني غيرهه وخاف هم طق وطير
نائل ـ ههههه لا لا تحكم هيج على الناس هسه انته لو ما دكتور تمشي عليك هيج شغلات
مجاهد ـ هيه غير باعتهن براسي كلهن عبالي صدك خوش طلعت خوش بغير شي ههههههه

نائل ـ استغفر الله منك ولك فاتحين سبيكر سد حلگك نحجي بالدوام
مجاهد ـ اي نحجي ليش لا فتينه خاب فتينه ولج وحده ويانه يوميه تركض ورا هذا المعقد المخنزر
فاتنه ـ اييييي
واني اخزر بنائل
وشنو يسوون
مجاهد ـ عينج وما تشوف المحاضن والبوس دك
فاتنه ـ جذااااب گول والله