كلش انلچم بس ما اندلهن وين
هذن اللي يسموهن وجع غالي
*************†******************
ساران ـ ههههههه شنو الممكن يعني ما تثق بيه
نائل ـ اثق لكن بحدود عندي قاعده لا تثق بالكامل لكي لا تُخذل فقط لا غير
ساران ـ حلو كــ وجهة نظر
نائل ـ اكيد
اخذت الكوب ذبيته وجبت كلنس مسحت الميز
ساران
ساران ـ نعم
نائل ـ ليش اكو تراب هنا
ساران ـ ماكو يمعود شبيك
نائل ـ هذا شوف
ساران ـ على هاي شبيك وهواسك لا يموتك
نائل ـ غلطان مو وهواس بس هذا شي ما يجوز هسه فرضا لو غيري هيج شايف شنو راح يگول
ساران ـ ما يگول شي هو الجو مترب شوفه
نائل ـ غلطان مو مترب بس انتم صايرين مهملين بآخر فتره اهتمامكم بالنظافه قليل وما تنتبهون لهيج شغلات وين الفوطه
ساران ـ بالمخزن يا الوهواسي
نائل ـ غسلت الفوطه واجيت رتبت كلشي ولمعته
هسه تمام
رتبت كل نوع من العلاجات سوا بالتسلسل
ساران ـ اگول بالبيت انته ترتب
نائل ـ ههههههه لا ليش
ساران ـ ما اتزوجك تفيد والله خوش ترتب
نائل ـ هههههه طاح حظك يله روح
ساران ـ رايح رايح شلون سالفه من الصبح نشتغل على الشياب
نائل ـ ههههههه والله يا تفكيرك الوصخ
گعدت على جهه اراقب ومنتظر مكالمه تطمني من ساهر خلص اليوم وماكو خبر ورجعت بالليل مريت لاهلي تعبان كلش كلهه مجتمعه سلمت وردوا گعدت يم ابوي
واثق ـ ها بويه شبيك
نائل ـ تعبان يابه لهسه ماكو خبر
واثق ـ شنو يريد
نائل ـ يريد فلوس
واثق ـ ليش شگد يريد
نائل ـ اتفقت ويه ساهر وتنحل بعون الله
واثق ـ وهسه شنو
نائل ـ ماكو خبر لهسه منتظر خبر وماكو
واثق ـ سهله ربك موجود
نائل ـ ونعم بالله
رن تلفون عمر طلع شوي ورجع متغير لونه اشرتله شكو
عمر ـ نائل ما تجي رايدك بشغله
نائل ـ اي جاي وراك
عمر ـ يله تعال
نائل ـ طلعنه بالشارع نمشي
گول عمر شكو صاير شي
عمر ـ نائل اتصل ساهر
نائل ـ وكفت اباوع بوجهه
اي وليش يتصل بيك
عمر ـ انه طلبت منه
نائل ـ وليش
عمر ـ احسن
نائل ـ هو شنو الاحسن لا تخبلني عمر شلون تتدخل بكلشي اسويه وحاشر خشمك ترا مو سالفه هاي
عمر ـ نائل البنيه ماكو
نائل ـ هههههه شنو ماكو تضحك علي
عمر ـ والله ماكو شبيك زوج امهه مجذب عليكم
نائل ـ انصدمت رجلي احسهه رجفت گوه واگف
شنو يعني وين راحت بنت اخوي وينهه وين مريم
عمر ـ مريم ماتت
نائل ـ مو مريييمممككككك مريم بنت اخوي وينهه
عمر ـ اييييي اي بنت اخوك ميته ميته نائل افهمهه بنت مرتضى ميته من اول ما زوج امهه متزوج بلقيس افتهمت
نائل ـ گعدت على ركبتي
لا لا عمر لا فدوه لا ولك ذنبهم برگبتي انيييي ولج لااااا عمو لا ليش ما حجت بلقيس ليششش
مو جنت كل فتره ادزلهه مصرفهم ليش بلغتني بس بوفاة الولد ليش ما گالت بنتي ماتت ليييشششش
ايدي ترجف طلعت التلفون واتصلت ببلقيس ردت
أنت تقرأ
ادمنت حدة عينيه
Humorما بين مريضة بالقلب وشاب منطوي يتخرج ليصبح صيدلاني تحكمهم الاعراف والتقاليد يا ترى من سيفوز بينهم الحب ام الاعراف تحت وطأة الثأر
