إنصاف

20

رجع جمال ثقيل الخطى الى البيت .
قلبه يخبره ان ذلك الولد اخوه فعلا.بدون حاجة لاي اختبار او فحص  .
لكن معرفة ان اباه قد زنى تقتله .وقد مات ولا يعرف هل تاب عن ذلك اولا ..

دخل الى البيت منتصف الليل  بعد ان لف البلاد شارعا شارعا ينفس عن غضبه وهمه .

وجد امه في انتظاره بقلب قلق .نهضت كريمة عندما رأته فليس من عادته التأخر ولا تجاهل مكالماتها .

كريمة بقلق : جمال حبيبي انت جيت .جرالك حاجة .

جمال بتعب : بخير بخير يا ماما .

كريمة :ارتاح وحجيبلك تاكل حاجة واحكيلي شكلك كاتم على نفسك يابني فرغلي قلبك .

جمال ماسكا ايد امه : تعالي جنبي يا ماما احكيلك الاول .

كريمة بقلق يتزايد : يابني ريح قلبي وقلبك .

جمال بغصة : بابا ولا قول السيد رجب .كان متجوز عرفي من وراك ومخلف ولد .وعاصم اللي حكيتلك عني .كان يهدد فيا برامي مش نديم .

كريمة بهدوء : تعرف يا جمال انا كنت عارفة انو كان مصاحب ست من ورايا وده كان سبب الطلاق .بس انا ماحكتلكش مكنتش عاوزة افضحوا قدامكم مهما كان هو  يبقى ابوكم. ومن ستر  ستره الله .اي ست مهما كانت ذكية ولا عبيطة تقدر تحس بجوزها مصاحب عليها ولا لا .بس انا مطلقتش لانو حب ست تانية غيري .انا طلقتو لانو بالنسبالي طلع مش راجل عصا ربنا عشان حاجة ماتستاهلش .لو كان راجل بجد كان صارحني وواجهني وخيرني بين اني اقبل التعدد او اطلق .بس هو فين وفين الرجولة وفينو من الاسلام.والضحايا هم الاولاد  هو الولد يا عيني  كم عمرو ؟؟

جمال : مش عارف بس عاصم لما تكلم وقال انو ممكن يدبسوه المصيبة في مكان جوز بنتو .ممكن يكون عمرو في العشرينات كده او اكثر شوي .

كريمة بحيرة : ما ظنش .هو لما حسيت بوجود ست مع باباك كان ده بعد ولادتي لرؤى بسنتين او تلاتة كدة .
والولد لو تولد حيكون تحت سن الرشد تقريبا .

جمال : لو كلامك يبقى صحيح .يعني تهديدو مش نافع ومش حيتصدق عند النيابة .قاصر ماسك شبكة ترويج مخدرات ..يعني ممكن كان بيستغفلني مش أكثر .ده لو كان توقعاتك طلعت صح .انا لازم اكلم سليم .

اخرج جمال هاتفه مهاتفا سليم مخبرا اياه عن توقعات امه .

سليم : وكدة قشطة .هو مش حيقدر يعمل حاجة وممكن انت اللي حتظغط عليه كمان .
اخوك انت الاقرب ليه من خالو في الوصاية وخاصة ان جدتو متوفاة والا كان الحق ليها .
يعني تقدر تشرشحوا في المحاكم وتاخذ اخوك .وانا بالنسبالي لو تاخذو بعيد عن المحاكم افضل .ورقة الاملاك المزورة تعملت وخلاص .

جمال بتعب : تمام .حرجعلو بكرة ونشوف نهايتها ايه .

سليم : وانت مصر تاخذ اخوك يعني .متخليه عندهم .