إنصاف

22

غابت كريمة هذا الاسبوع عن البيت بسبب تحضيرات اخيها الذاهب للعمرة .اودعت البيت امانة لدى رؤى .

كريمة بحنان : رؤى خلي بالك من نفسك واخواتك .حولي تقومي بدري وماتأخريهمش في الفطار .وصحيهم بدري .وجمال خليك معاه لليل .ده اشغالو كثرت وممكن يكون عايز قهوة ولا حاجة.
واخواتك الصغار خليهم يدرسوا بلاش لعب وخروجات كتير.

رؤى بهدوء: تمام يا ماما خلاص بقا فهمت وحفظت .

كريمة متوجهة للخارج.

جمال مناديا امه : يالله يا ماما ورايا شغل .

كريمة : جاية اهو براحة بقا .

ركبت كريمة بجانب جمال في السيارة .وانطلقا .

كريمة : الواد رامي اخبارو ايه ؟؟

جمال : ههه الكائن المستفز .نديم حيطق منو .

كريمة : الله يآخيهم بجد حلوين ربنا يخليك للهم .انا حغيب اسبوع ممكن كدة . خلي بالك عليهم وعلى رؤى كمان .وبراحة عليها .انا عارفاها طيبة بس البنات حساسين شوية في موضوع زي ده .وانا متأكدة انها حتتقبلو .حاجة زي دي ماتجيش بالاجبار .

جمال بهدوء: انا مخليها براحتها بس لو تمادت انا مش حسمح بده .العيشة اللي كان عايشها رامي اكيد كانت صعبة قوي ودليلها ردود فعلو المستفزة والباردة اللي يغطي بيها عن خوفو وقلة ثقتو بالناس .هو يعمل كدة خوفا من انو يتكسر او يتجرح .فيبادر بالصمت والجمود عشان مايعشموش بقربهم بعدها يسيبوه .فمش حسيبها تذلو او تحسسوا بنبذها ليه .

كريمة : الله يخليك قربهم وجنبهم .شغلك كويس؟؟

جمال بتنهت : والله تاعبني الشغل اليومين دول .اعمل ايه .ربنا المستعان .

اوصلها جمال الى بيت خاله ثم انطلق الى عمله . متعب من ضغط العمل ومن كون البيت سيكون على لهيب ساخن وامه ليست هناك .

.......

في البيت عاد الاخوان الى البيت .لم يكن طريقهما طيبا فكل واحد يكيل الى الاخر كلمات واستفزازات .

رؤى بمكر : تعالى يا حبيبي نديم هات محفظتك وتعال كلك حاجة اكيد انت جعان .

كانت تتعمد الحنية مع نديم وتجاهل الاخر .

اما رامي فقد فهم مقصدها لكن ذلك قد حز في نفسه .هو ايضا مزال صغيرا وحياته كلها مرت دون لمسة عطف او حنان .

صعد الى الاعلى ودخل غرفته وضع حقيبته جانبا ورمى بجسده على السرير تعبا .ثم غاشاه النوم .

في الاسفل بعد مرور مدة اكملت رؤى تحضير الطعام ووضعته على المائدة .

انتبهت على غياب رامي لكنها طردت شعور الاهتمام بسرعة نادت رامي للغذاء .

رؤى : تعالى الغداء جاهز .

اقترب نديم : رامي نايم اروح اصحيه ؟؟